Featured
ಧೋನಿ ಕೊರೊನಾ ಪರೀಕ್ಷೆ ನೆಗೆಟಿವ್ – ಚೆನ್ನೈಗೆ ಹಾರೋಕೆ ಮಾಹಿ ರೆಡಿ – ಇನ್ನೇನಿದ್ರು ಐಪಿಎಲ್ ಹವಾ..!
ರೈಸಿಂಗ್ ಕನ್ನಡ :
ವೆಬ್ ಡೆಸ್ಕ್ :
ಐಪಿಎಲ್ ಹತ್ತಿರವಾಗುತ್ತಿದ್ದಂತೆ, ಆಟಗಾರರು ತಮ್ಮ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಯುಎಇಗೆ ಹಾರೋಕು ಮೊದಲು, ಕೋವಿಡ್-19 ಟೆಸ್ಟ್ ಕಡ್ಡಾಯವಾಗಿರೋದ್ರಿಂದ ಮಹೇಂದ್ರ ಸಿಂಗ್ ಧೋನಿ ಅದನ್ನ ಮುಗಿಸಿದ್ದಾರೆ. ಧೋನಿಯ ಕೊರೊನಾ ಟೆಸ್ಟ್ ನೆಗೆಟಿವ್ ಬಂದಿದೆ.
ಎಂ.ಎಸ್ ಧೋನಿ ಗುರುನಾನಕ್ ಆಸ್ಪತ್ರೆ ಮತ್ತು ಸಂಶೋಧನಾ ಕೇಂದ್ರದ ಹಿರಿಯ ಲ್ಯಾಬ್ ಕಾರ್ಯನಿರ್ವಾಹಕರೊಬ್ಬರ ಬಳಿ ಕೊರೊನಾ ಟೆಸ್ಟ್ ಮಾಡಿಸಿದ್ದಾರೆ. ಧೋನಿಯ ಗಂಟಲು ದ್ರವ ಮಾದರಿ ಸಂಗ್ರಹಿಸಿ ಪರೀಕ್ಷೆ ನಡೆಸಲಾಗಿದೆ. ಇದರ ರಿಪೋರ್ಟ್ ನೆಗೆಟಿವ್ ಬಂದಿದೆ.
ಇನ್ನು, ಧೋನಿ ಶನಿವಾರ ಚೆನ್ನೈಗೆ ಹಾರಲಿದ್ದಾರೆ. ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಪ್ರತಿನಿಸುತ್ತಿರುವ ಮಹೇಂದ್ರ ಸಿಂಗ್ ಧೋನಿಯೂ ತಮಿಳುನಾಡಿನಿಂದಲೇ ಆಗಸ್ಟ್ 22ನೇ ತಾರೀಕಿನಂದು ಯುಎಇಗೆ ತೆರಳುವ ಸಾಧ್ಯತೆ ಇದೆ.
