Featured
ವಿಚಿತ್ರವಾದರೂ ಸತ್ಯ..! ಸಮೋಸ ತಂದ ಸಾವು..! ಹೀಗೂ ಉಂಟೆ…!
ರೈಸಿಂಗ್ ಕನ್ನಡ:-
ಕಾರಾವಾರ:-ಸಾವು ಮನುಷ್ಯನಿಗೆ ಹೇಗೆ ಬರುತ್ತದೆ ಎಂದು ಉಹಿಸುವುದು ಕೂಡ ಅಸಾಧ್ಯ. ಒಂದು ಸಾಮಾನ್ಯ ಸಮೋಸಾ ಸಾವಿಗೆ ಕಾರಣವಾಗುತ್ತದೆ ಅಂದ್ರೆ ನಂಬ್ತಿರಾ… ನಂಬಲೇ ಬೇಕು ಯಾಕಂದ್ರೆ ವಿಧಿಯಾಟ ಭಯಾನಕವೂ ಹೌದು, ವಿಚಿತ್ರವೂ ಹೌದು…!
ಅಂದಹಾಗೇ ಕಾರಾವಾರ ಜಿಲ್ಲೆಯ ಮುಂಡಗೋಡದಲ್ಲಿ ಆಗಿದ್ದು ಇಷ್ಟು. ಮುಂಡಗೋಡದ ಟಿಬೆಟಿಯನ್ ಕ್ಯಾಂಪ್ ನಂಬರ್2ರ ಗೋಮಾಂಗ್ ವಸತಿ ನಿಲಯದಲ್ಲಿ ವಾಸವಿದ್ದ ಮಂಗೋಲಿಯಾ ದೇಶದ ಬಿಕ್ಕು ಬಯಾರ್ಜವಖ್ಲನ್ ದಾಶ್ದೋರ್ಜ ಸಮೋಸ ತಿಂದಿದ್ದಾನೆ. ಇನ್ನೇನು ಸಮೋಸವನ್ನು ಬಾಯಿಗೆ ಇಟ್ಟುಕೊಂಡ ಅದರ ರುಚಿ ಸವಿಯಬೇಕು ಅನ್ನುವಾಗಲೇ ಬಿಕ್ಕಳಿಕೆ ಶುರುವಾಗಿದೆ. ಬಿಕ್ಕಳಿಕೆಯನ್ನು ಸುಲಭವಾಗಿ ಕಂಟ್ರೋಲ್ ಮಾಡಬಹುದು ಅನ್ನುವಷ್ಟರಲ್ಲಿ ಉಸಿರಾಡಲು ತೊಂದರೆಯಾಗಿದೆ. ಸಮೋಸಾ ಗಂಟಲಲ್ಲೇ ಸಿಕ್ಕಿಕೊಂಡಿದೆ. ಸ್ವಲ್ಪ ಹೊತ್ತಿನಲ್ಲೇ ಉಸಿರು ಕಟ್ಟಿ ಬಿಕ್ಕು ಸಾವನಪ್ಪಿದ್ದಾನೆ. ಈ ವಿಚಿತ್ರ ಘಟನೆ ಮುಂಡಗೋಡಿನ ಟಿಬೆಟಿಯನ್ ಕ್ಯಾಂಪ್ ನಲ್ಲಿ ನಡದಿದೆ.
ಅಂದಹಾಗೇ, ಈ ವಿಚಿತ್ರ ಘಟನಗೆ ಎಲ್ಲರನ್ನೂ ದಂಗುಬಡಿಸಿದ. ವಿಧಿಯ ಆಟಕ್ಕೆ ಎಲ್ಲರೂ ಹಿಡಿಶಾಪ ಹಾಕ್ತಿದ್ದಾರೆ. ಸದ್ಯ ಮುಂಡಗೋಡ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ
