ಮಾರ್ಚ್​ 11ಕ್ಕೆ ಡಿ-ಬಾಸ್​ ದರ್ಶನ್​ ರಾಬರ್ಟ್​ ಸಿನಿಮಾ ರಿಲೀಸ್​ : ಚಾಲೆಂಜಿಂಗ್​ ಸ್ಟಾರ್​ ದರ್ಶನ್ ಘೋಷಣೆ

ರೈಸಿಂಗ್​ ಕನ್ನಡ :

ಬೆಂಗಳೂರು : ಡಿಬಾಸ್ ದರ್ಶನ್​​ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ರಾಬರ್ಟ್​​ ರಿಲೀಸ್ ಡೇಟ್​ ಕೊನೆಗೂ ಅನೌನ್ಸ್​ ಆಗಿದೆ. ಸ್ವತಃ ಚಾಲೆಂಜಿಂಗ್ ಸ್ಟಾರ್ ದರ್ಶನ್​ ಫೇಸ್​ಬುಕ್​​ ಲೈವ್​​ ಬಂದು, ರಾಬರ್ಟ್​ ಸಿನಿಮಾ ರಿಲೀಸ್​ ಡೇಟ್​ ಅನೌನ್ಸ್ ಮಾಡಿದ್ರು. ಬೆಳಗ್ಗೆ 11 ಗಂಟೆಗೆ ತಮ್ಮ ಫೇಸ್​ಬಕ್​ ಪೇಜ್​ನಲ್ಲಿ ಲೈವ್​ಗೆ ಬಂದ ದರ್ಶನ್​, ರಾಬರ್ಟ್​ ಸಿನಿಮಾ ಮಾರ್ಚ್​ 11ಕ್ಕೆ ಶಿವರಾತ್ರಿ ಹಬ್ಬದ ಉಡುಗೊರೆಯಾಗಿ ಬಿಡುಗಡೆಯಾಗಲಿದೆ ಅಂತ ಹೇಳಿದ್ರು. ಎಲ್ಲಾ ರೆಡಿ ಇದೆ, ಮ್ಯಾಕ್ಸಿಮಮ್​​ ಒಂದು ವಾರ, ಹಿಂದೆ ಮುಂದೆ ಆಗಬಹುದು ಅಷ್ಟೇ ಅಂತ ಅಭಿಮಾನಿಗಳಿಗೆ ರಾಬರ್ಟ್​ ಸಿನಿಮಾ ರಿಲೀಸ್​ ಬಗ್ಗೆ ಸ್ಪಷ್ಟನೆ ನೀಡಿದ್ರು.

ಹುಟ್ಟುಹಬ್ಬ ಆಚರಣೆ ಇಲ್ಲ..!

ಒಂದು ಗುಡ್​ ನ್ಯೂಸ್ ನೀಡಿರೋ ದರ್ಶನ್​, ಮತ್ತೊಂದು ಕಹಿ ಸುದ್ದಿಯನ್ನ ಅಭಿಮಾನಿಗಳಿಗೆ ನೀಡಿದ್ದಾರೆ. ಯೆಸ್​, ಈ ಬಾರಿ ಕೊರೋನಾ ಇರೋದ್ರಿಂದ ತನ್ನ ಹುಟ್ಟುಹಬ್ಬವನ್ನ ಆಚರಣೆ ಮಾಡೋದಿಲ್ಲ ಅಂತ ದರ್ಶನ್​ ಹೇಳಿದ್ದಾರೆ. ಕರ್ನಾಟಕದ ಮೂಲೆ ಮೂಲೆಯಿಂದ ಹುಟ್ಟುಹಬ್ಬದ ದಿನ ಬೆಂಗಳೂರಿಗೆ ಬರ್ತಾರೆ. ಆದ್ರೆ, ಕೊರೋನಾ ಇರೋದ್ರಿಂದ, ಈಗ ಅದಕ್ಕೆಲ್ಲಾ ಪೊಲೀಸ್ ಪರ್ಮಿಷನ್​ ಕೊಡಲ್ಲ. ನೀವು ಇದ್ದಲ್ಲಿಯೇ ನನ್ನನ್ನ ಹಾರೈಸಿ, ಹುಟ್ಟುಹಬ್ಬವನ್ನ ಅಲ್ಲೇ ಸೆಲಬ್ರೇಟ್ ಮಾಡಿ ಅಂತ ಅಭಿಮಾನಿಗಳಿಗೆ ದರ್ಶನ್ ಮನವಿ ಮಾಡಿಕೊಂಡ್ರು.

ಶೀಘ್ರವೇ ರಾಬರ್ಟ್​ ಟ್ರೈಲರ್​

ಇಷ್ಟೇ ಅಲ್ಲದೆ, ದರ್ಶನ್​ ಮತ್ತೊಂದು ಗುಡ್​ ನ್ಯೂಸ್​ ಕೊಟ್ಟಿದ್ದಾರೆ. ಈಗಾಗಲೇ ರಾಬರ್ಟ್​ ಟೀಸರ್​ ಅಭಿಮಾನಿಗಳನ್ನ ಮೋಡಿ ಮಾಡಿದೆ. ಜೊತೆಗೆ ಶೀಘ್ರವೇ ರಾಬರ್ಟ್​​ ಸಿನಿಮಾದ ಟ್ರೈಲರ್​ ಬಿಡುಗಡೆ ಮಾಡೋದಾಗಿ ಹೇಳಿದ್ರು. ಹುಟ್ಟುಹಬ್ಬಕ್ಕೆ ಬಹುಶಃ ರಾಬರ್ಟ್​ ಸಿನಿಮಾದ ಟ್ರೈಲರ್ ಬಿಡುಗಡೆಯಾಗೋ ನಿರೀಕ್ಷೆ ಇದೆ.

2021ರಲ್ಲಿ ಎಲ್ಲರಿಗೂ ಒಳ್ಳೇದಾಗಲಿ..!

2020ರಲ್ಲಿ ಎಲ್ಲಾ ಕಹಿ ಘಟನೆಗಳನ್ನ ನೋಡಿದ್ದೇವೆ. ಎಲ್ಲರಿಗೂ 2020 ಕೆಟ್ಟದ್ದನ್ನೇ ಮಾಡಿದೆ. ಆದ್ರೆ, 2021ರಲ್ಲಿ ಎಲ್ಲರಿಗೂ ಒಳ್ಳೇದು ಆಗಲಿ. 2021ರಲ್ಲಿ ಎಲ್ಲರಿಗೂ ಸಕ್ಸಸ್​ ಸಿಗಲಿ ಅಂತ ದರ್ಶನ್​ ಎಲ್ಲರಿಗೂ ಹೊಸ ವರ್ಷದ ಶುಭಾಶಯಗಳನ್ನ ಹೇಳಿದ್ರು.