ಮೆಜೆಸ್ಟಿಕ್ ಸಿನಿಮಾ ಬಿಡುಗಡೆಯ ಆ ದಿನ ದರ್ಶನ್ ಏನ್ ಮಾಡಿದ್ರು..? #DarshanUnToldStories
ಚಾಲೆಂಜಿಂಗ್ ಸ್ಟಾರ್ ದರ್ಶನ್, ತಮ್ಮ ಮೊದಲ ಸಿನಿಮಾ ಮೆಜಿಸ್ಟಿಕ್ ಬಗ್ಗೆ ಈವರೆಗೆ ಎಲ್ಲಿಯೂ ಹೇಳದ ಸಂಗತಿಯನ್ನ ಹೇಳಿದ್ದಾರೆ. ಸಂದರ್ಶನವೊಂದರಲ್ಲಿ ಮಾತ್ನಾಡಿರೋ ಡಿ ಬಾಸ್ ದರ್ಶನ್, ಮೆಜೆಸ್ಟಿಕ್ ಸಿನಿಮಾ ರಿಲೀಸ್ ಆದ ದಿನ ಎಷ್ಟು ಟೆನ್ಷನ್ ಆಗಿದ್ರು ಅನ್ನೋದನ್ನ ವಿವರಿಸಿದ್ದಾರೆ. ಯಾರಿಗೂ ತಿಳಿಯದ ಆ ಇಂಟ್ರೆಸ್ಟಿಂಗ್ ವಿಷಯವನ್ನ ಹೇಳ್ತೀವಿ ನೋಡಿ…
ಅದು 2002ರ ಫೆಬ್ರವರಿ 8. ಮೆಜೆಸ್ಟಿಕ್ ಸಿನಿಮಾ ರಿಲೀಸ್ ಆದ ದಿನ. ನಿರ್ದೇಶಕ ಸತ್ಯ ಹಾಗೂ ನಿರ್ಮಾಪಕ ರಮೇಶ್ ಜೊತೆ ಮೇನಕಾ ಚಿತ್ರಮಂದಿರದಲ್ಲಿ ಸಿನಿಮಾ ನೋಡಿದ್ವಿ. ಮೊದಲ ಶೋನೇ ಹೌಸ್ಫುಲ್ ಆಗಿತ್ತು. ಒಂಥರಾ ಖುಷಿ ಆಯ್ತು ಎಂದು ದರ್ಶನ್ ಹೇಳಿದ್ದಾರೆ. ಅಲ್ಲಿಂದ ಪ್ರಸನ್ನ, ಪ್ರಮೋದ್ ಥಿಯೇಟರ್ಗಳಿಗೆ ಭೇಟಿ ನೀಡಿದ್ವಿ. ಅಲ್ಲೂ ಕೂಡ ಹೌಸ್ಫುಲ್ ಬೋರ್ಡ್ ಕಾಣಿಸಿದ್ವು.. ಒಂಥರಾ ನೆಮ್ಮದಿ ಜೊತೆಗೆ ಟೆನ್ಷನ್ ಇದ್ದೇ ಇತ್ತು ಎಂದು ದರ್ಶನ್ ತಮ್ಮ ಆ ದಿನಗಳನ್ನ ಮೆಲುಕು ಹಾಕಿದ್ದಾರೆ.
ಇದಾದ್ಮೇಲೆ ಸಿನಿಮಾ ಬಿಡುಗಡೆಯಾದ ಎರಡನೇ ದಿನಕ್ಕೆ ಮೈಸೂರಿಗೆ ಹೋದ್ವಿ. ಅಲ್ಲಿ ಸ್ನೇಹಿತರ ಜೊತೆ ಸಿನಿಮಾ ಥಿಯೇಟರ್ಗಳಿಗೆ ರೌಂಡ್ ಹಾಕಿದ್ವಿ. ನಾನು ನನ್ನ ಜೊತೆ ನಟ ಆದಿತ್ಯ ನಮ್ಮ ತರುಣ್ ಅಣ್ಣ ನಂದಾ, ದಿನಕರ್, ಎಲ್ಲರೂ ಹೊರಟ್ವಿ. ಆದ್ರೆ, ನನ್ನ ಬಳಿ ಆಗ ಕಾರ್ ಇರಲಿಲ್ಲ. ನಮ್ಮ ಪ್ರೊಡ್ಯೂಸರ್ ಬಳಿ ರೆಡ್ ಝೆನ್ ಕಾರಿತ್ತು. ಆದರಲ್ಲೇ ಥಿಯೇಟರ್ ರೌಂಡ್ಸ್ಗೆ ಹೊರಟ್ವಿ ಎಂದು ಹಳೇದನ್ನ ನೆನಪಿಸಿಕೊಂಡ್ರು ದರ್ಶನ್.
ಸುಮಾರು ಒಂದು ತಿಂಗಳ ಬಳಿಕ ನನಗೆ ಖುಷಿ ಆಯ್ತು. ಆದ್ರೆ, ಸಿನಿಮಾವನ್ನ ಜನ ಸ್ವೀಕರಿಸಿದ್ದಾರೆ. ನನ್ನನ್ನ ಹೀರೋ ಅಂತ ಪ್ರೇಕ್ಷಕರು ಒಪ್ಪಿಕೊಂಡಿದ್ದಾರೆ. ಮುಂದೆ ಮತ್ತಷ್ಟು ಸಿನಿಮಾಗಳನ್ನ ಮಾಡಬಹುದು ಅಂತ ನನಗೆ ಖುಷಿ ಹಾಗೂ ನೆಮ್ಮದಿ ಆಯ್ತು ಎಂದು ದರ್ಶನ್ ಹೇಳಿದ್ದಾರೆ. ಅಷ್ಟೊತ್ತಿಗಾಗ್ಲೇ ನನ್ನ ಕೈಯಲ್ಲಿ ಕರಿಯ ಮತ್ತು ಧ್ರುವ ಸಿನಿಮಾಗಳು ಇದ್ವು. ಮೆಜೆಸ್ಟಿಕ್ ಸಕ್ಸಸ್ ಬಳಿಕ ನನಗೆ ಕರಿಯ ಮತ್ತು ಧ್ರುವ ಸಿನಿಮಾಗಳು ಮಾಡೋಕೆ ಮತ್ತಷ್ಟು ಜೋಶ್ ಜೊತೆ ಧೈರ್ಯ ಬಂದು ಎಂದು ದರ್ಶನ್ ಹೇಳಿದ್ರು.
Advertisement
ದರ್ಶನ್ ಅವರ ಮತ್ತಷ್ಟು ಇಂಟ್ರೆಸ್ಟಿಂಗ್ ಹಾಗೂ ಯಾರಿಗೂ ಗೊತ್ತಿಲ್ಲದ ವಿಚಾರಗಳನ್ನ ನಾವ್ ಹೇಳ್ತೀವಿ.. ನಿಮಗೆ ಇಷ್ಟವಾಯ್ತು ಅಂದ್ರೆ, ಲೈಕ್ ಮಾಡಿ ಶೇರ್ ಮಾಡಿ.. ಜೊತೆಗೆ ನಿಮ್ಮ ಅಭಿಪ್ರಾಯವನ್ನ ಕಾಮೆಂಟ್ ಮಾಡಿ.. ಥ್ಯಾಂಕ್ಯೂ…
