ಬಾಕ್ಸಾಫೀಸ್​​ನಲ್ಲೇ ಅಲ್ಲ, ಟಿವಿಯಲ್ಲೂ ದರ್ಶನ್​​ ನಂಬರ್​ 01..! ಕುರುಕ್ಷೇತ್ರ ಸಿನಿಮಾಗೆ ಅತೀ ಹೆಚ್ಚು ರೇಟಿಂಗ್​..!

ಡಿ ಬಾಸ್​ ದರ್ಶನ್​ ತಾನು ಬಾಕ್ಸಾಫೀಸ್​ ಸುಲ್ತಾನ ಅಷ್ಟೇ ಅಲ್ಲ, ಕಿರುತೆರೆಯಲ್ಲೂ ನಾನೇ ಸುಲ್ತಾನ ಅನ್ನೋದನ್ನ ಸಾಬೀತು ಮಾಡಿದ್ದಾರೆ. ದರ್ಶನ್​ ಅಭಿನಯಿಸಿದ್ದ ಕುರುಕ್ಷೇತ್ರ ಸಿನಿಮಾ ಇತ್ತೀಚೆಗಷ್ಟೇ ಝೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಿತ್ತು. ಕುರುಕ್ಷೇತ್ರ ಸಿನಿಮಾವನ್ನ ಅತ್ಯಂತ ಹೆಚ್ಚು ಜನ ವೀಕ್ಷಣೆ ಮಾಡಿರೋದಾಗಿ ಬಾರ್ಕ್​ ಅನ್ನೋ ಸಂಸ್ಥೆ ನೀಡುವ ಟಿಆರ್​ಪಿ ವರದಿಯಲ್ಲಿ ಬಹಿರಂಗವಾಗಿದೆ. ಟಿವಿಗಳ ಜನಪ್ರಿಯತೆಯನ್ನ ಟಿಆರ್​ಪಿ ಹಾಗೂ ಜಿಆರ್​ಪಿಯಲ್ಲಿ ಅಳೆಯಲಾಗುತ್ತೆ. ಪ್ರತಿವಾರ ಟಿವಿಗಳ ಟಿಆರ್​​ಪಿ ಬಿಡುಗಡೆ ಆಗುತ್ತೆ. ಅದರಂತೆ ಈ ವಾರ ಬಿಡುಗಡೆ ಆಗಿರೋ ಟಿಆರ್​ಪಿಯಲ್ಲಿ ಕುರುಕ್ಷೇತ್ರ ನಂಬರ್​ ಒನ್​ ಸ್ಥಾನವನ್ನ ಪಡೆದುಕೊಂಡಿದೆ.

ಸಾಮಾನ್ಯವಾಗಿ ಕನ್ನಡದಲ್ಲಿ ಜೊತೆ ಜೊತೆಯಲಿ ಹಾಗೂ ಮಂಗಳಗೌರಿ ಮದುವೆ ನಂಬರ್​ 1 ಸ್ಥಾನಕ್ಕೆ ಪೈಪೋಟಿ ನಡೆಸುತ್ತಿದ್ವು. ಆದ್ರೆ, ಎಲ್ಲಾ ಸೀರಿಯಲ್​ಗಳನ್ನ ಹಿಂದಕ್ಕೆ ಹಾಕಿರೋ ದರ್ಶನ್​ ಕುರುಕ್ಷೇತ್ರ ನಂಬರ್​ 1 ಸ್ಥಾನಕ್ಕೇರಿದೆ. ಪ್ರತಿ ಅರ್ಧ ಗಂಟೆಗೆ ಕುರುಕ್ಷೇತ್ರ ಸಿನಿಮಾವನ್ನ 1 ಕೋಟಿ 24 ಲಕ್ಷದ 26 ಸಾವಿರ ವೀಕ್ಷಕರು ನೋಡಿದ್ದಾರೆ ಎಂದು ಬಾರ್ಕ್​ ವರದಿಯಲ್ಲಿ ಗೊತ್ತಾಗಿದೆ.

ಈ ಮೂಲಕ ಎಲ್ಲಾ ಸೀರಿಗಳನ್ನ ಹಿಂದಿಕ್ಕಿರೋ ಕುರುಕ್ಷೇತ್ರ ಕೇವಲ ಬಾಕ್ಸಾಫೀಸ್​ನಲ್ಲೇ ಅಲ್ಲದೆ, ಕಿರುತೆರೆಯ ಟಿಆರ್​ಪಿಯಲ್ಲೂ ನಂಬರ್​ ಒನ್​ ಅನ್ನೋದನ್ನ ಸಾಬೀತು ಮಾಡಿದ್ದು, ಹೊಸ ದಾಖಲೆ ಮಾಡಿದ್ದಾರೆ. ದರ್ಶನ್​ ಟಿವಿಯಲ್ಲಿ ದಾಖಲೆ ಮಾಡ್ತಿರೋದು ಇದೇ ಮೊದಲಲ್ಲ. ಝೀ ಕನ್ನಡ ವಾಹಿನಿಯಲ್ಲಿ ಪ್ರಸಾರ ಆಗಿದ್ದ ವೀಕ್​ ಎಂಡ್ ವಿತ್ ರಮೇಶ್​ ಶೋನಲ್ಲಿ ದರ್ಶನ್​ ಭಾಗಿಯಾಗಿದ್ರು.

ಆ ಸಮಯದಲ್ಲೂ ದರ್ಶನ್​ ಭಾಗಿಯಾಗಿದ್ದ ವೀಕ್​ ಎಂಡ್​ ವಿತ್​ ರಮೇಶ್​ ಶೋಗೆ ಅತೀ ಹೆಚ್ಚಿನ ಟಿಆರ್​ಪಿ ಬಂದಿತ್ತು. ಈವರೆಗೆ ವೀಕ್​ ಎಂಡ್​ ವಿತ್​ ರಮೇಶ್​ ಶೋನಲ್ಲಿ ಅತೀ ಹೆಚ್ಚು ರೇಟಿಂಗ್​ ಬಂದಿರೋ ಎಪಿಸೋಡ್​ ಅಂದ್ರೆ, ಅದು ದರ್ಶನ್​ ಅವರದ್ದು ಎಂದು ಝೀ ವಾಹಿನಿಯೇ ಹೇಳಿತ್ತು. ಇದೀಗ ದರ್ಶನ್​ ಅವರ ಕುರುಕ್ಷೇತ್ರ, ಟಿವಿ ಮಾಧ್ಯಮಗಳ ದಾಖಲೆಗಳನ್ನ ಧೂಳೀಪಟ ಮಾಡಿ, ನಂಬರ್ ಒನ್​ ಸ್ಥಾನದಲ್ಲಿದೆ.

ಎಷ್ಟರ ಮಟ್ಟಿಗೆ ಅಂದ್ರೆ, ಕುರುಕ್ಷೇತ್ರ ಹಾಗೂ ಖ್ಯಾತ ಧಾರವಾಹಿಗಳಾದ ಮಂಗಳಗೌರಿ ಮದುವೆ ಮತ್ತು ಜೊತೆ ಜೊತೆಯಲಿ ಸೀರಿಯಲ್​ಗಳ ಒಟ್ಟು ವೀಕ್ಷಕರನ್ನ ಕುರುಕ್ಷೇತ್ರ ಸಿನಿಮಾ ಒಂದೇ ಮೀರಿಸಿದೆ. ಅದೇನೇ ಆಗ್ಲಿ, ದರ್ಶನ್​ ಎಲ್ಲೇ ಇದ್ರೂ, ಎಲ್ಲೇ ಹೋದ್ರೂ ಬೇರೆ ದಾಖಲೆಗಳು ಧೂಳೀಪಟ ಆಗುತ್ವೆ ಅನ್ನೋದು ಮತ್ತೆ ಮತ್ತೆ ಸಾಬೀತಾಗಿದೆ.