ಐಪಿಎಲ್ 13: ಹಾಲಿ ಚಾಂಪಿಯನ್ ಮುಂಬೈ ವಿರುದ್ದ ಚೆನ್ನೈ ಸೂಪರ್ ಕಿಂಗ್ಸ್ ಶುಭಾರಂಭ

ರೈಸಿಂಗ್​ ಕನ್ನಡ:

ನ್ಯೂಸ್ ಡೆಸ್ಕ್:

ಅಂಬಾಟಿ ರಾಯ್ಡು ಅವರ ಸ್ಫೋಟಕ ಬ್ಯಾಟಿಂಗ್​ ನೆರವಿನಿಂದ ಧೋನಿ ನೇತೃತ್ವದ ಚೆನ್ನೈ ಸೂಪರ್​ ಕಿಂಗ್​ ತಂಡ ಹಾಲಿ ಚಾಂಪಿಯನ್​ ಮುಂಬೈ ಇಂಡಿಯನ್ಸ್​ ವಿರುದ್ಧ  5 ವಿಕೆಟ್​ಗಳ ಭರ್ಜರಿ ಗೆಲುವು ಪಡೆಯುವ ಮೂಲಕ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ.

ಅಬುಧಾಬಿಯಲ್ಲಿ ನಡೆದ ಉದ್ಘಾಟನಾ ಪಂದ್ಯದಲ್ಲಿ ಟಾಸ್​ ಗೆದ್ದ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡ ಫೀಲ್ಡಿಂಗ್​ ಆಯ್ದುಕೊಂಡಿತ್ತು. ಮುಂಬೈ ಪರ ನಾಯಕ ರೋಹಿತ್​ ಶರ್ಮಾ (12) ಮತ್ತು ಕ್ವಿಂಟಾನ್​ ಡಿ ಕಾಕ್​ (33) ಉತ್ತಮ ಆರಂಭ ನೀಡಿದ ಹೊರತಾಗಿಯೂ ಚೆನ್ನೈ ಬೌಲರ್​ಗಳ ಕರಾರುವಕ್​ ದಾಳಿಗೆ ತತ್ತರಿಸಿ ಹೋಯ್ತು.

ಸೂರ್ಯ ಕುಮಾರ್​ಮಧ್ಯಮ ಕ್ರಮಾಂದಲ್ಲಿ ಸೌರಭ್​ ತಿವಾರಿ 42,ಹಾರ್ದಿಕ್​ ಪಾಂಡ್ಯ 14,ಕಿರಾನ್​ ಪೊಲರ್ಡ್​ 18,ಕೃನಾಲ್​ ಪಾಂಡ್ಯ 3,ಪ್ಯಾಟಿನ್​ಸನ್​ 11 ರನ್​ಗಳಿಸಿದರು.ಕೊನೆಯಲ್ಲಿ ಮುಂಬೈ ತಂಡ ನಿಗದಿತ 20 ಓವರ್​ಗಳಲ್ಲಿ 9 ವಿಕೆಟ್​ ನಷ್ಟಕ್ಕೆ 162 ರನ್​ ಕಲೆ ಹಾಕಿತು.

170 ರನ್​ಗಳ ಸವಾಲಿನ ಮೊತ್ತ ಬೆನ್ನತ್ತಿದ ಚೆನ್ನೈ ತಂಡ ಆರಂಭಿಕರಾದ ಮುರಳಿ ವಿಜಯ್​ (1)ಮತ್ತು ಶೇನ್​ ವ್ಯಾಟ್ಸನ್​(4) ಅವರ ವಿಕೆಟ್​ಗಳನ್ನ ಕಳೆದುಕೊಂಡು ಆರಂಭಿಕ ಆಘಾತ ಅನುಭವಿಸಿತ್ತು. ಮೂರನೇ ವಿಕೆಟ್​ಗೆ ಜೊತೆಗೂಡಿದ ಅಂಬಾಟಿ ರಾಯ್ಡು ಮತ್ತು ಫಾಫ್​ ಡುಪ್ಲೆಸಿಸ್​ ಮುಂಬೈ ಬೌಲರ್ಸ್​ಗಳನ್ನ ಚೆಂಡಾಡಿದರು.

ಕ್ರೀಸ್​ಗೆ ನೆಲಕಚ್ಚಿ ನಿಂತ ಈ ಜೋಡಿ ನಾಲ್ಕನೆ ವಿಕೆಟ್​ಗೆ 115 ರನ್​ ಸೇರಿಸಿ ಗೆಲುವಿನತ್ತ ಕೊಂಡೊಯ್ದರು.ಅಂಬಾಟಿ ರಾಯ್ಡು 48 ಎಸೆತದಲ್ಲಿ 6 ಬೌಂಡರಿ 3 ಸಿಕ್ಸರ್​ ಸಿಡಿಸಿ ಒಟ್ಟು 71 ರನ್​ ಕಲೆ ಹಾಕಿದರು.

ಕೊನೆಯಲ್ಲಿ ಬಂದ ರವೀಂದ್ರ ಜಡೇಜಾ (10), ಸ್ಯಾಮ್​ ಕರನ್​(14) ರನ್​ಗಳಿಸಿದರು. ಕೊನೆಯಲ್ಲಿ ಫಾಫ್​ ಡುಪ್ಲೆಸಿಸ್​ (58*)  ಜೊತೆಗೂಡಿದ ಧೋನಿ ತಂಡವನ್ನ ಗೆಲುವಿನ ದಡ ಸೇರಿಸಲು ನೆರವಾದರು. ಚೆನ್ನೈ ತಂಡ 19.2 ಓವರ್​ಗಳಲ್ಲಿ 5 ವಿಕೆಟ್​ ನಷ್ಟಕ್ಕೆ 166 ರನ್​ ಗಳಿಸಿತು.ಸ್ಪೋಟಕ ಬ್ಯಾಟಿಂಗ್​ ಮಾಡಿದ ಅಂಬಾಟಿ ರಾಯ್ಡು ಪಂದ್ಯ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.