ನದಿದಾಟುವಾಗ ಮೊಸಳೆ ದಾಳಿ ಶಂಕೆ- ಕೃಷ್ಣಾ ನದಿಯಲ್ಲಿ ರೈತ ನಾಪತ್ತೆ

ರೈಸಿಂಗ್​ ಕನ್ನಡ:

ದುರ್ಗೇಶ್​​ ಮಂಗಿಹಾಳ, ಯಾದಗಿರಿ:

ಎಮ್ಮೆಗಳ ಜೊತೆ ನದಿ ದಾಟುತ್ತಿರುವಾಗ ರೈತ ಕೃಷ್ಣಾ ನದಿ ನೀರು ಪಾಲಾಗಿರುವ ಘಟನೆ ಯಾದಗಿರಿ ಜಿಲ್ಲೆಯ ವಡಗೇರಾ ತಾಲೂಕಿನ ಕೋಡಾಲ ಗ್ರಾಮದಲ್ಲಿ ನಡೆದಿದೆ. ಕೋಡಾಲ ಗ್ರಾಮದ ರೈತ ಮಲಕನಗೌಡ (48) ನೀರು ಪಾಲಾಗಿರುವ ವ್ಯಕ್ತಿ. ಕೃಷ್ಣಾ ನದಿಯ ನಡುಗಡ್ಡೆಯಲ್ಲಿ ಮೇವು ತಿನ್ನಲು ಹೋದ ಎಮ್ಮೆಗಳನ್ನು ಹೊಡೆದು ಕೊಂಡು ಬರುವಾಗ ನೀರಿನಲ್ಲಿ ನಾಪತ್ತೆಯಾಗಿದ್ದಾರೆ. ಕೃಷ್ಣಾ ನದಿಯಲ್ಲಿ ಈಜಾಡಿಕೊಂಡು ಬರುವಾಗ ಮೊಸಳೆ ದಾಳಿ ಮಾಡಿರುವ ಶಂಕೆ ವ್ಯಕ್ತವಾಗಿದೆ. ನದಿಯಲ್ಲಿ ಮೀನುಗಾರರಿಂದ ನಾಪತ್ತೆಯಾದ ವ್ಯಕ್ತಿಯ ಹುಡುಕಾಟ ನಡೆಸಲಾಗ್ತಿದೆ. ಈ ಘಟನೆ ವಡೇಗರ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.