ಬಿಸಿಲೂರಲ್ಲೂ ಕೊರೊನಾ ಕಾಟ- ಲಾಕ್​ಡೌನ್​​​ ಲೆಕ್ಕಿಸದೆ ರಸ್ತೆಗಳಿದವರ ವಾಹನ ಸೀಜ್​

ರೈಸಿಂಗ್​ ಕನ್ನಡ:

ರಾಯಚೂರು:

ರಾಯಚೂರು ಜಿಲ್ಲೆಯಲ್ಲಿ ಕೊರೋನಾ ಆರ್ಭಟಕ್ಕೆ ಮತ್ತೆ 26 ಹೊಸಾ ಪ್ರಕರಣಗಳು ದೃಢವಾಗಿದೆ. ಇದರೊಂದಿಗೆ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 814 ಕ್ಕೆ ಏರಿಕೆಯಾದಂತಾಗಿದೆ. ಇಬ್ಬರು ಸೋಂಕಿತರು ಸಾವನ್ನಪ್ಪಿದ್ದಾರೆ. ಇತ್ತ ಇಂದಿನಿಂದ ಲಾಕ್ ಡೌನ್ ಜಾರಿಯಾಗಿದ್ದರೂ ಲೆಕ್ಕಿಸದೇ ಅನಾವಶ್ಯಕವಾಗಿ ರಸ್ತೆಗಿಳಿದಿದ್ದ ವಾಹನಗಳನ್ನು ‌ ಸೀಜ್ ಮಾಡಲಾಗಿದೆ.

ಹೌದು ರಾಯಚೂರು ಜಿಲ್ಲೆಯಲ್ಲಿ ಕೊರೋನಾ ಸೋಂಕಿತರ ಪ್ರಮಾಣ 1000 ಗಡಿಗೆ ಸನೀಹವಾಗುತ್ತಿದ್ದರೂ ಸಾರ್ವಜನಿಕರು ಮಾತ್ರ ಇದ್ಯಾವುದನ್ನು ಲೆಕ್ಕಿಸದೇ ಓಡಾಡುತ್ತಿರುವುದು ವಿಪರ್ಯಾಸವೇ ಸರಿ. ಆರೋಗ್ಯ ಇಲಾಖೆಯ ಮಂಗಳವಾರದ ವರದಿಯಲ್ಲಿ 26 ಹೊಸಾ ಪ್ರಕರಣಗಳು ಬೆಳಕಿಗೆ ಬಂದಿದ್ದು, ರಾಯಚೂರು ಒಂದರಲ್ಲೆ 16 ಜನರಿಗೆ ಸೋಂಕು ಹರಡಿದೆ. ಉಳಿದಂತೆ ಮಾನ್ವಿ 7, ದೇವದುರ್ಗ 2, ಸಿಂಧನೂರು ತಾಲೂಕಿನಲ್ಲಿ 1 ಪ್ರಕರಣಗಳು ಬೆಳಕಿಗೆ ಬಂದಿವೆ. ರಾಯಚೂರು – 270, ದೇವದುರ್ಗ – 354, ಲಿಂಗಸುಗೂರು – 45, ಮಾನ್ವಿ – 67, ಸಿಂಧನೂರು ತಾಲುಕಿನಲ್ಲಿ – 78 ಪ್ರಕರಣಗಳು ಇದುವರೆಗೂ ಪತ್ತೆಯಾಗಿವೆ. ಇಂದು 8 ಜನ ಸೋಂಕಿನಿಂದ ಗುಣಮುಖರಾಗಿದ್ದು ಈ ವರೆಗೂ 484 ಜನ ಆಸ್ಪತ್ರಯಿಂದ ಬಿಡುಗಡೆ ಹೊಂದಿದರೆ, 2 ಇಬ್ಬರು ಸೋಂಕಿತರು ಸಾವನ್ನಪ್ಪಿದ್ದು, ಸಾವಿನ ಸಂಖ್ಯೆ 12 ಕ್ಕೆ ಏರಿಕೆಯಾಗಿದೆ ಎಂದು ಜಿಲ್ಲಾಧಿಕಾರಿ ಆರ್.ವೆಂಕಟೇಶ ಕುಮಾರ್ ತಿಳಿಸಿದ್ದಾರೆ.

ಇತ್ತ ಕೊರೋನಾ ಹೆಚ್ಚಾಗಿ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿರುವ ಹಿನ್ನೆಲೆ ಜಿಲ್ಲಾಡಳಿತ ಲಾಕ್ ಡೌನ್ ಇಂದಿನಿಂದ ಘೋಷಣೆ ಮಾಡಿದ್ದರೂ ಜನ ಮಾತ್ರ ಬುದ್ದಿ ಕಲಿಯುತ್ತಿಲ್ಲ, ಲಾಕ್ ಡೌನ್ ಲೆಕ್ಕಿಸದೇ ರಸ್ತೆಗಿಳಿದು ಅಸಡ್ಯ ತೋರುತ್ತಿದ್ದ ವಾಹನ ಸವಾರರ ಬೈಕ್ ಗಳನ್ನು ಪೊಲೀಸರು ಸೀಜ್ ಮಾಡಿದ್ದು ಇನ್ನದರೂ ಪರಿಸ್ಥಿತಿಯನ್ನು ಸಾರ್ವಜನಿಕರು ಅರ್ಥಮಾಡಿಕೊಂಡು ರಸ್ತೆಗಿಳಿಯದಂತೆ ಪೊಲೀಸ್ ವರಿಷ್ಟಾಧಿಕಾರಿ ಡಾ.ಸಿ. ಬಿ ವೇದಮೂರ್ತಿ ಸೂಚಿಸಿದ್ದಾರೆ.