Featured
ಕೊರೋನಾ ಬಗ್ಗೆ ಬೆಚ್ಚಿಬೀಳುವ ವರದಿ- ಮಾಸ್ಕ್, ಸ್ಯಾನಿಟೈಸರ್ ಮಾತ್ರ ಸಾಲಲ್ಲ- ಆಯಸ್ಸೂ ಗಟ್ಟಿಯಾಗಿರಬೇಕು..!
ರೈಸಿಂಗ್ ಕನ್ನಡ:
ಬೆಂಗಳೂರು:
ವಿಶ್ವದ ಬಹುತೇಕ ಎಲ್ಲಾ ರಾಷ್ಟ್ರಗಳು ನೊವಲ್ ಕೊರೊನಾ ವೈರಸ್ನಿಂದ ಕಂಗೆಟ್ಟು ಹೋಗಿವೆ. ಪ್ರತಿದಿನ ಸೋಂಕಿತರ ಸಂಖ್ಯೆಯಲ್ಲಿ ಗಣನೀಯ ಏರಿಕೆ ಆಗ್ತಿದೆ. ಕರೋನಾ ವೈರಸ್ ದೂರ ಮಾಡಲು ಅತ್ತ ಕಡೆ ಸರಿಯಾದ ಲಸಿಕೆಯಾಗಲಿ ಅಥವಾ ಮೆಡಿಸಿನ್ ಆಗಲಿ ಸಿಗುತ್ತಿಲ್ಲ. ಈ ಮಧ್ಯೆ ನೊವಲ್ ಕೊರೊನಾ ವೈರಸ್ ಬಗ್ಗೆ ಮತ್ತೊಂದು ಬೆಚ್ಚಿಬೀಳುವ ಸುದ್ದಿ ಹೊರಬಿದ್ದಿದೆ. ಶನಿವಾರ ನ್ಯೂಯಾರ್ಕ್ ಟೈಮ್ಸ್ ಪ್ರಕಟಿಸಿದ ವರದಿ ಪ್ರಕಾರ ನೊವಲ್ ಕೊರೊನಾ ವೈರಸ್ ಗಾಳಿ ಮೂಲಕವೂ ಹರಡುತ್ತಿದೆ. ವೈರಸ್ನ ಅತೀ ಚಿಕ್ಕ ಪಾರ್ಟಿಕಲ್ಗಳು ಗಾಳಿಯಲ್ಲಿ ಒಬ್ಬರಿಂದ ಮತ್ತೊಬ್ಬರಿಗೆ ಹರಡುವುದನ್ನು ವಿಜ್ಞಾನಿಗಳು ಹಲವು ಸಾಕ್ಷ್ಯಗಳ ಮೂಲಕ ತೋರಿಸಿದ್ದಾರೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ. ಮತ್ತೊಂದು ಕಡೆ ಕೊರೊನಾ ವೈರಸ್ ಕೇವಲ ಮನುಷ್ಯರಿಂದ ಮನುಷ್ಯರಿಗೆ ಹರಡುತ್ತದೆ ಎನ್ನುವ ವರ್ಲ್ಡ್ ಹೆಲ್ತ್ ಆರ್ಗಾನೈಷೇನ್ ತನ್ನ ಪ್ರತಿಪಾದನೆಯನ್ನು ಬದಲಿಸಬೇಕು ಎಂದು NYT ಶಿಫಾರಸು ಮಾಡಿದೆ.
WHO ಪ್ರಕಾರ ಕೊರೊನಾ ವೈರಸ್, ಸೋಂಕಿತ ಮನುಷ್ಯ ಕೆಮ್ಮುವಾಗ, ಸೀನುವಾಗ, ವೈರಸ್ ಸಂಪರ್ಕಕ್ಕೆ ಬರುತ್ತದೆ. ಅಷ್ಟೇ ಅಲ್ಲ ಸೋಂಕಿತ ಮನುಷ್ಯ ಯಾವುದೇ ವಷ್ತುವನ್ನು ಮುಟ್ಟಿದಾಗಲು ವೈರಸ್ ಹರಡುತ್ತದೆ. ಆದರೆ ನ್ಯೂಯಾರ್ಕ್ ಟೈಮ್ಸ್, ಗಾಳಿಯ ಮೂಲಕವೂ ಕೊರೊನಾ ಹರಡುತ್ತದೆ ಎಂದು ಹೇಳಿರುವುದು ವಿಶ್ವವನ್ನೇ ಬೆಚ್ಚಿಬೀಳಿಸಿದೆ.
ವಿಶ್ವ ಆರೋಗ್ಯ ಸಂಸ್ಥೆಗೆ ಬರೆದಿರುವ ಪತ್ರದಲ್ಲಿ ನ್ಯೂಯಾರ್ಕ್ ಟೈಮ್ಸ್ 32 ದೇಶಗಳ 239 ವಿಜ್ಞಾನಿಗಳ ಸಂಶೋದನೆಯನ್ನು ಪಟ್ಟಿಮಾಡಿದೆ. ಮುಂದಿನವಾರ ನ್ಯೂಯಾರ್ಕ್ ಟೈಮ್ಸ್ನ ಇದರ ಬಗ್ಗೆ ವಿವರವನ್ನೂ ನೀಡಲಿದೆ.
ಕಳೆದ ಕೆಲವು ತಿಂಗಳುಗಳಿಂದ ನಾವು ಕೊರೊನಾ ವೈರಸ್ ಗಾಳಿಯಿಂದಲೂ ಹರಡುತ್ತದೆ ಅನ್ನುವುದನ್ನು ಹೇಳಲು ಪ್ರಯತ್ನಿಸುತ್ತಿದ್ದೇವು. ಆದರೆ ಅದಕ್ಕೆ ಸೂಕ್ತ ಸಾಕ್ಷ್ಯಗಳು ಸಿಕ್ಕಿರಲಿಲ್ಲ. ಆದ್ರೆ ಈಗ ಸಾಕ್ಷಿಗಳನ್ನು ಕಲೆಹಾಕಿದ್ದೇವೆ. ಆದರೆ ಕೊರೊನಾ ವೈರಸ್ ಗಾಳಿಯಲ್ಲಿ ಯಾವ ಮಟ್ಟದಲ್ಲಿ ಹರಡುತ್ತದೆ ಅನ್ನುವುದನ್ನು ಹೇಳಲಾಗುವುದಿಲ್ಲ. ಸೋಂಕಿತ ಕೆಮ್ಮಿದಾಗ ಅಥವಾ ಸೀನಿದಾಗ ಹೊರಬರುವ ವೈರಸ್ ಕೆಲವೇ ಕೆಲವು ಪರಿಮಿತಿಯ ಒಳಗೆ ಗಾಳಿಯಿಂದಲೂ ಹರಡಬಹುದು.
- ವಿಜ್ಞಾನಿಗಳು
ನ್ಯೂಯಾರ್ಕ್ ಟೈಮ್ಸ್ನ ವರದಿಗಳನ್ನು ವಿಶ್ವ ಆರೋಗ್ಯ ಸಂಸ್ಥೆ ಅಲ್ಲಗೆಳೆದಿದೆ. ಕೊರೊನಾ ವೈರಸ್ ಗಾಳಿಯಲ್ಲಿ ಹರಡುತ್ತದೆ ಅನ್ನುವುದಕ್ಕೆ ಯಾವುದೇ ಸಾಕ್ಷ್ಯಗಳಿಲ್ಲ. ಹೀಗಾಗಿ ಯಾರು ಭಯ ಪಡುವ ಅಗತ್ಯವಿಲ್ಲ ಎಂದಿದೆ. ಈ ಮಧ್ಯೆ ನ್ಯೂಯಾರ್ಕ್ ಟೈಮ್ಸ್ನ ವರದಿಯನ್ನು ಕೂಡ ವೈಜ್ಞಾನಿಕ ಪರೀಕ್ಷೆಗೆ ಒಳಪಡಿಸುತ್ತೇವೆ ಎಂದು ಹೇಳಿದೆ.
