ರಾಜ್ಯದಲ್ಲಿ 139 ಬಲಿ, 7,665 ಹೊಸ ಕೇಸ್, ದಾಖಲೆಯ 8,387 ಮಂದಿ ಡಿಸ್ಚಾರ್ಜ್

ರೈಸಿಂಗ್ ಕನ್ನಡ :

ಬೆಂಗಳೂರು:

ರಾಜ್ಯದಲ್ಲಿ ಕೊರೊನಾ ಮರಣ ಮೃದಂಗ ಮುಂದುವರೆದಿದ್ದು ಮಂಗಳವಾರ ಹೆಮ್ಮಾರಿಗೆ 139 ಮಂದಿ ಬಲಿಯಾಗಿದ್ದಾರೆ.

ರಾಜ್ಯ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ವರದಿಯಲ್ಲಿ ಕಳೆದ 24 ಗಂಟೆಯಲ್ಲಿ139 ಮಂದಿ ಕ್ರೂರಿ ಹೊಡೆತಕ್ಕೆ ಸಾವನಪ್ಪಿದ್ದಾರೆ.ಇದರೊಂದಿಗೆ ರಾಜ್ಯದಲ್ಲಿ  ಸಾವನಪ್ಪಿದವರ ಸಂಖ್ಯೆ 4,201ಕ್ಕೆ ಏರಿದೆ.

ಇನ್ನು ಸೋಂಕಿನಲ್ಲೂ ಕೊರೊನಾ ಆರ್ಭಟ ಮುಂದುವರೆದಿದೆ ಮಂಗಳವಾರ ದಾಖಲೆಯ 7,665 ಹೊಸ ಕೊರೊನಾ ಸೋಂಕಿತರು ಪತ್ತೆಯಾಗಿದ್ದಾರೆ. ಇದರೊಂದಿಗೆ ರಾಜ್ಯದಲ್ಲಿ ಸೋಂಕಿತರ ಒಟ್ಟು  ಸೋಂಕಿತರ  ಸಂಖ್ಯೆ 2,40,948ಕ್ಕೆ ಏರಿದೆ. ರಾಜ್ಯದಲ್ಲಿ ಒಟ್ಟು 79,782 ಸಕ್ರಿಯ ಪ್ರಕರಣಗಳಿವೆ.

ಸಮಾಧಾಕರ ವಿಷಯವೆಂದರೆ ಮಂಗಳವಾರ  ದಾಖಲೆಯ 8,387 ಮಂದಿ ಬಿಡುಗಡೆಯಾಗಿದ್ದು, ಡಿಸ್ಚಾರ್ಜ್​ ಆದವರ ಒಟ್ಟು ಸಂಖ್ಯೆ 1,56,949ಕ್ಕೆ ಏರಿದೆ.

ಇನ್ನು ರಾಜಧಾನಿ ಬೆಂಗಳೂರಿನಲ್ಲಿ ಕೊರೊನಾ ಆರ್ಭಟ ಮುಂದುವರೆದಿದ್ದು 2,242 ಮಂದಿಗೆ ಕೊರೊನಾ ಸೋಂಕು ತಗುಲಿದೆ. ನಗರದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 3,520ಕ್ಕೆ ಏರಿದೆ. 49 ಮಂದಿ ಕ್ರೂರಿಗೆ ಬಲಿಯಾಗಿದ್ದು ಬೆಂಗಳೂರಲ್ಲಿ ಕೋವಿಡ್​ಗೆ ಬಲಿಯಾದವರ ಒಟ್ಟು ಸಂಖ್ಯೆ 1,532ಕ್ಕೆ ಏರಿದೆ. ನಗದರದಲ್ಲಿ ಒಟ್ಟು 33,081ಸಕ್ರಿಯ ಪ್ರಕರಣಗಳಿವೆ. ಮಂಗಳವಾರ 3520 ಮಂದಿ ಡಿಸ್ಚಾರ್ಜ್​ ಆಗಿದ್ದು ರಾಜಧಾನಿಯಲ್ಲಿ ಒಟ್ಟು ಬಿಡುಗಡೆಯಾದವರ ಸಂಖ್ಯೆ  59,492ಕ್ಕೇ ಏರಿದೆ.