ರಾಜ್ಯದಲ್ಲಿ ಕೊರೊನಾ ಅಬ್ಬರ : ದಾಖಲೆಯ 7,883 ಕೇಸ್, 113 ಬಲಿ

ರೈಸಿಂಗ್​ ಕನ್ನಡ :

ಬೆಂಗಳೂರು:

ಮಹಾಮಾರಿ ಕೊರೊನಾ ಬುಧವಾರ ರಾಜ್ಯದಲ್ಲಿ ಕೊರೊನಾ ದಾಖಲೆ ಮಟ್ಟದಲ್ಲಿ ಅಬ್ಬರಿಸಿದೆ.

ರಾಜ್ಯ ಆರೋಗ್ಯದ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ದಾಖಲೆಯ 7,883 ಕೊರೊನಾ ದಾಖಲಾಗಿದೆ. ಇಷ್ಟು ದಿನದಲ್ಲಿ ಇದು ದಾಖಲೆಯ ಸೋಂಕು ಇದಾಗಿದೆ. ಇದರೊಂದಿಗೆ ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 1 ಲಕ್ಷದ 96 ಸಾವಿರದ 494ಕ್ಕೆ ಏರಿದೆ.

ಇನ್ನು ಸಾವಿನ ಪ್ರಮಾಣದಲ್ಲೂ ಕೊರೊನಾ ಅಟ್ಟಹಾಸ ಮೆರೆದಿದ್ದು ಬರೋಬ್ಬರಿ 113 ಮಂದಿ ಕೊನೆಯುಸಿರೆಳೆದಿದ್ದಾರೆ. ಇದರೊಂದಿಗೆ ರಾಜ್ಯದಲ್ಲಿ ಒಟ್ಟು ಸಾವನಪ್ಪಿದವರ ಸಂಖ್ಯೆ 3,510ಕ್ಕೆ ಏರಿದೆ.ರಾಜ್ಯದಲ್ಲಿ ಒಟ್ಟು 80,343 ಸಕ್ರಿಯ ಪ್ರಕರಣಗಳಿವೆ.

ಬುಧವಾರ ದಾಖಲೆಯ 7,034 ಮಂದಿ ಕೊರೊನಾದಿಂದ ಚೇತರಿಸಿಕೊಂಡಿದ್ದಾರೆ. ಇದುವರೆಗೂ 1,12,633ಕ್ಕೆ ಏರಿದೆ.

 ಇನ್ನು ರಾಜಧಾನಿಯಲ್ಲಿ ಸೋಂಕು ಹೆಚ್ಚಾಗಿದೆ. ಬುಧವಾರ 2,802 ಹೊಸ ಕೇಸ್​ ಪತ್ತೆಯಾಗಿದೆ. ಈವರೆಗೂ ನಗರದಲ್ಲಿ ಸೋಂಕಿತರ ಸಂಖ್ಯೆ 79,840ಕ್ಕೆ ಏರಿದೆ.

23 ಮಂದಿ ಕ್ರೂರಿ ಕೊರೊನಾಗೆ ಬಲಿಯಾಗಿದ್ದು ನಗರದಲ್ಲಿ ಕೋವಿಡ್​ಗೆ ಮೃತರಾದವರ ಸಂಖ್ಯೆ 1,316ಕ್ಕೆ ಏರಿದೆ. ಬುಧವಾರ 2,360 ಮಂದಿ ಡಿಸ್ಚಾರ್ಜ್​ ಆಗಿದ್ದಾರೆ. ಒಟ್ಟು ಡಿಸ್ಚಾರ್ಜ್​ ಆದವರ ಸಂಖ್ಯೆ 45,034ಕ್ಕೆ ಏರಿದೆ.