ನಿಲ್ಲದ ಕೊರೊನಾ ಸ್ಫೋಟ: 93,337 ಹೊಸ ಕೇಸ್, 1,247 ಬಲಿ

ರೈಸಿಂಗ್​ ಕನ್ನಡ:

ನ್ಯೂಸ್​ ಡೆಸ್ಕ್​:

ದೇಶದಲ್ಲಿ ಕೊರೊನಾ ಸ್ಪೋಟ ನಿಲ್ಲುವಂತೆ ಕಾಣುತ್ತಿಲ್ಲ, ಕಳೆದ 24 ಗಂಟೆಯಲ್ಲಿ 93 ಸಾವಿರಕ್ಕೂ ಹೆಚ್ಚು ಕೊರೊನಾ ಸೋಂಕು ಕಾಣಿಸಿಕೊಂಡ ಪರಿಣಾಮ ದೇಶದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 53 ಲಕ್ಷ ದಾಟಿದೆ.

ಕೇಂದ್ರ ಆರೋಗ್ಯ ಇಲಾಖೆ ನೀಡಿರುವ ಮಾಹಿತಿಯಲ್ಲಿ ಶುಕ್ರವಾರ ದೇಶಾದ್ಯಂತ 93,337 ಹೊಸ ಕೊರೊನಾ ವೈರಾಣು ಪ್ರಕರಣಗಳು ಕಂಡು ಬಂದಿವೆ. ಇದೀಗ ದೇಶದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 53 ಲಕ್ಷದ 8 ಸಾವಿರದ 015ಕ್ಕೆ ಏರಿದೆ.

ಇನ್ನು ಸಾವಿನಲ್ಲೂ ಕೊರೊನಾ ಆಬ್ಬರ ಮುಂದುವರೆದಿದೆ.ಕಳೆದ ಒಂದು ದಿನದಲ್ಲಿ ಕೋವಿಡ್​ 19ಗೆ 1,247 ಮಂದಿ ಬಲಿಯಾಗಿದ್ದಾರೆ. ದೇಶದಲ್ಲಿ ಕೊರೊನಾಗೆ ಒಟ್ಟು ಬಲಿಯಾದವರ ಸಂಖ್ಯೆ 85,619ಕ್ಕೆ ಏರಿದೆ.

ದೇಶದಲ್ಲಿ ಒಟ್ಟು 10,13,964 ಸಕ್ರಿಯ ಪ್ರಕರಣಗಳಿವೆ. ಈವರೆಗೂ 42,08,432 ಮಂದಿ ಕೊರೊನಾದಿಂದ ಚೇತರಿಸಿಕೊಂಡು ಡಿಸ್ಚಾರ್ಜ್​ ಆಗಿದ್ದಾರೆ.