ಅನ್ಲಾಕ್ 3 ಮಾರ್ಗಸೂಚಿ ಬಿಡುಗಡೆ ಮಾಡಿದ ಕೇಂದ್ರ: ಆ.5ರಿಂದ ಜಿಮ್,ಯೋಗ ಕೇಂದ್ರ ಓಪನ್: ರಾತ್ರಿ ಸಂಚಾರಕ್ಕಿದ್ದ ನಿರ್ಬಂಧ ತೆರೆವು

ರೈಸಿಂಗ್ ಕನ್ನಡ :

ಬೆಂಗಳೂರು:

ಹೆಮ್ಮಾರಿ ಕೊರೊನ ನಿಯಂತ್ರಿಸಲು ದೇಶಾದ್ಯಂತ ವಿಧಿಸಲಾಗಿರುವ ಲಾಕ್​ಡೌನ್ ಸಡಿಲಿಕೆಯ

ಅನ್​ಲಾಕ್ 3 ಮಾರ್ಗಸೂಚಿಗಳನ್ನ ಕೇಂದ್ರ ಗೃಹ ಸಚಿವಾಲಯ ಬಿಡುಗಡೆ ಮಾಡಿದೆ.

ಆಗಸ್ಟ್  5ರಿಂದ ಅನ್​ಲಾಕ್ 3 ಆರಂಭವಾಗಲಿದ್ದು ಇನ್ನು ಮುಂದೆ ರಾತ್ರಿ ಪಾಳೆಯದಲ್ಲಿ ಕರ್ಫ್ಯೂ ಇರುವುದಿಲ್ಲ. ಜನರ ಸಂಚಾರಕ್ಕಿದ್ದ ನಿರ್ಬಂಧವನ್ನ ತೆರೆವುಗೊಳಿಸಲಾಗಿದೆ. ಆ.5ರಿಂದ ಯೋಗ ಕೇಂದ್ರಗಳು ಮತ್ತು ಜಿಮ್​ಗಳನ್ನ ತೆರೆಯಲು ಅನುಮತಿ ಸಿಗಲಿದೆ.

ಇದರ ಜೊತೆಗೆ ಆ.15ರಂದು ದೇಶದ ಸ್ವಾತಂತ್ರ್ಯೋತ್ಸವ ಕಾರ್ಯಕ್ರಮಗಳನ್ನ ಅಂತರ ಕಾಯ್ದುಕೊಂಡು ಆಚರಿಸಬಹುದಾಗಿದೆ. ಮಾಸ್ಕ್​ ಧರಿಸುವುದು ಮತ್ತು ಆರೋಗ್ಯ ಸಂಬಂಧ ನಿಯಮಗಳನ್ನ ಪಾಲಿಸಲೇಬೇಕೆಂದು ಗೃಹ ಸಚಿವಾಲಯ ಹೇಳಿದೆ.

ಆದರೆ ಶಾಲೆ, ಕಾಲೇಜು, ತರಬೇತಿ ಸಂಸ್ಥೆಗಳು ಆಗಸ್ಟ್ 31ರವರೆಗೆ ಮುಚ್ಚಲಾಗಿದೆ. ಸಾಮಾಜಿಕ, ರಾಜಕೀಯ,ಕ್ರೀಡೆ, ಮನರಂಜನೆ, ಶೈಕ್ಷಣಿಕ,ಸಾಂಸ್ಕೃತಿಕ ಧಾರ್ಮಿಕ ಸಮಾರಂಭಗಳಿಗೆ ನಿರ್ಬಂಧ ಮುಂದುವರೆಸಲಾಗಿದೆ.

ಸಿನಿಮಾ, ಮೆಟ್ರೊ ಮತ್ತು ಪಾರ್ಕ್, ಈಜುಕೊಳ , ರಂಗ ಮಂದಿರ ಬಾರ್​ ಹಾಗೂ ಅಡಿಟೋರಿಯಂಗಳಿಗೆ ನಿರ್ಬಂಧ ಮುಂದುವರೆಸಲಾಗಿದೆ.