ಕೊರೊನಾ ಸೊಂಕಿತರಿಗಾಗಿ ವಿಶ್ವದ ದೊಡ್ಡ ಆರೈಕೆ ಕೇಂದ್ರ : ಈ ಹಾಸ್ಪಿಟಲ್​ ಸ್ಪೆಷಾಲಿಟಿ ಏನ್ ಗೊತ್ತಾ ?

ರೈಸಿಂಗ್​ ಕನ್ನಡ :

ನ್ಯೂಸ್​ ಡೆಸ್ಕ್​:

ತಮಕೂರು ರಸ್ತೆಯಲ್ಲಿ ವಿಶ್ವದ ಅತಿ ದೊಡ್ಡ ಆರೈಕೆ ಕೇಂದ್ರ ಉದ್ಘಾಟನೆಗೆ ಸಜ್ಜಾಗಿದೆ. ಅಂತಾರಾಷ್ಟ್ರೀಯ ವಸ್ತು ಪ್ರದರ್ಶನ ಕೇಂದ್ರದಲ್ಲಿ (ಬಿಐಇಸಿ) 10,100 ಹಾಸಿಗೆ ಸಾಮರ್ಥ್ಯದ ವಿಶ್ವದ ಅತಿ ದೊಡ್ಡ ಕೋವಿಡ್ 19 ಆರೈಕೆ ಕೇಂದ್ರ ಇನ್ನು ಒಂದು ವಾರದಲ್ಲಿ ಉದ್ಘಾಟನೆಯಾಗಲಿದೆ.

ಈ ಆಸ್ಪತ್ರೆಯಲ್ಲಿ 2,200 ವೈದ್ಯಕೀಯ ಸಿಬ್ಬಂದಿಗಳನ್ನ ನಿಯೋಜಿಸಲಾಗುವುದೆಂದು ಈಗಾಗಲೇ ಸಿಎಂ ಯಡಿಯೂರಪ್ಪ ತಿಳಿಸಿದ್ದಾರೆ. ಇತ್ತೀಚೆಗೆ ಈ ಆಸ್ಪತ್ರೆಗೆ ಭೇಟಿ ಕೊಟ್ಟ ಸಿಎಂ ಯಡಿಯೂರಪ್ಪ ಬಿಐಇಸಿಯಲ್ಲಿ ಹತ್ತು ಸಾವಿರದ ನೂರು ಹಾಸಿಗೆ ಸೌಲಭ್ಯದ ಕೋವಿಡ್​ ನಿಗಾ ಸ್ಥಾಪಿಸಲಾಗುತ್ತಿದೆ. ಇನ್ನು ಒಂದು ವಾರದಲ್ಲಿ ಕೇಂದ್ರ ಸಿದ್ಧವಾಗುತ್ತದೆ.ಇಲ್ಲಿ 100 ರೋಗಿಗೆ ಒಬ್ಬ ವೈದ್ಯ, ಒಬ್ಬ ಸಹಾಯಕ, ಇಬ್ಬರು ನರ್ಸ್, ಒಬ್ಬ ಸ್ವಚ್ಛತಾ ಸಿಬ್ಬಂದಿ, ಮತ್ತು ಇಬ್ಬರು ಮಾರ್ಷಲ್​ಗಳು ಸೇರಿದಂತೆ ಒಟ್ಟು 2,200 ಸಿಬ್ಬಂದಿಗಳನ್ನ ನಿಯೋಜಿಸಬಹುದೆಂದು ಮಾಹಿತಿ ನೀಡಿದ್ದಾರೆ.

ಈ ಆಸ್ಪತ್ರೆಗೆ ಕಡಿಮೆ ಸೋಂಕಿರುವ ವ್ಯಕ್ತಿಗಳು ಮತ್ತು ಬೇರೆ ಕಾಯಿಲೆಯ ಲಕ್ಷಣ ಇಲ್ಲದವರು ಇಲ್ಲಿ ದಾಖಲಾಗಬಹುದು.ಈ ಕೇಂದ್ರದಲ್ಲಿ ಎಲ್ಲ ರೀತಿವೈದ್ಯಕೀಯ ಸೌಲಭ್ಯ, ಐಸಿಯು ಚಿಕಿತ್ಸಾ ಘಟಕ, ಇಸಿಜಿ, ಆಕ್ಸಿಜನ್​ ಸೌಕರ್ಯಗಳಿವೆ. ಆಸ್ಪತ್ರೆಯೊಂದರ ಸಹಾಯ ಪಡೆದು ಈ ಆಸ್ಪತ್ರೆ ದಿನದ 24 ಗಂಟೆಗಳಲ್ಲೂ ಸೋಂಕಿತರಿಗಾಗಿ ಕಾರ್ಯನಿರ್ವಹಿಸಲಿದೆ.

ಇಲ್ಲಿ ತ್ಯಾಜ್ಯ ವಿಂಗಡಣೆ, ವಿಲೆವಾರಿ, ಸೋಂಕಿತರ ಬೆಡ್​ಶೀಟ್​, ಬ್ಲಾಂಕೆಟ್​ ತೊಳೆಯಲು ಲಾಂಡ್ರಿ ವ್ಯವಸ್ಥೆ ಇದೆ. ಬೇಸರವಾದಾಗ ಟಿವಿ, ಇಂಟರ್​ನೆಟ್​​ಗಳನ್ನ ಬಳಸಬಹುದಾಗಿದೆ. ಅತ್ಯಾಧುನಿಕ ರೋಬೊಟ್​ ಮೂಲಕ ತಜ್ಱ ವೈದ್ಯರನ್ನ ವಿಡಿಯೋ ಕಾನ್ಫೆರೆನ್ಸ್​ ಮೂಲಕ ಕಾಯಿಲೆಗೆ ಔಷಧಿ ಪಡೆಯಬಹುದಾಗಿದೆ.