ರಾಯಚೂರಿನಲ್ಲಿ ಸಾವಿರ ಸನಿಹದಲ್ಲಿ ಸೋಂಕಿತರ ಸಂಖ್ಯೆ : 32 ಹೆಚ್ಚುವರಿ ಪಾಸಿಟಿವ್ ಪ್ರಕರಣ

ರೈಸಿಂಗ್​ ಕನ್ನಡ:

ರಾಯಚೂರು:

ಜಿಲ್ಲೆಯ ಎರಡು ತಾಲ್ಲೂಕುಗಳನ್ನು ಲಾಕ್ ಡೌನ್ ಮಾಡಿ ನಾಲ್ಕು ದಿನ ಕಳೆದರು ಕೊರೊನಾ ಸೋಂಕಿತರ ಸಂಖ್ಯೆಯಲ್ಲಿ ಮಾತ್ರ ಪ್ರಗತಿ ಕಾಣುತ್ತಿಲ್ಲ ಭಾನುವಾರ ಮತ್ತೆ 32 ಪ್ರಕರಣಗಳು ದಾಖಲಾಗಿದ್ದು ಜಿಲ್ಲಾಡಳಿತಕ್ಕೆ ತಲೆನೋವು ಊಂಟು ಮಾಡಿದೆ. ಇನ್ನೊಂದೆಡೆ ಸಾರ್ವಜನಿಕರು ಮಾತ್ರ ಮನೆಯಿಂದ ಹೊರಬರುವುದು ಮಾತ್ರ ನಿಲ್ಲಿಸುತ್ತಿಲ್ಲ.

ರಾಯಚೂರು ಜಿಲ್ಲೆಯಲ್ಲಿ ಕೊರೊನಾ ಆರ್ಭಟ ಮುಂದುವರೆದಿದ್ದು, ಇಂದಿನ ಸೋಂಕಿತರ ವರದಿಯಿಂದ ಸಾವಿರದ ಗಡಿ ಅಂಚಿಗೆ ಬಂದು ನಿಂತಿದೆ. ಇಂದು ಹೊಸದಾಗಿ  ಮತ್ತೆ 32 ಪ್ರಕರಣಗಳು ದೃಢವಾಗಿದ್ದು ಸೋಂಕಿತರ ಸಂಖ್ಯೆ 996 ಕ್ಕೆ ಏರಿಕೆಯಾಗಿದೆ.

ರಾಯಚೂರು ಒಂದರಲ್ಲೆ 19 ಜನರಿಗೆ ಸೋಂಕು ಹರಡಿದೆ. ಉಳಿದಂತೆ ಮಾನ್ವಿ 5,  ಲಿಂಗಸುಗೂರು ತಾಲೂಕಿನಲ್ಲಿ 7 ಪ್ರಕರಣಗಳು ಬೆಳಕಿಗೆ ಬಂದಿವೆ. ತಾಲ್ಲೂಕುವಾರು ಪ್ರಕಣಗಳಲ್ಲಿಯೂ ಏರಿಕೆ ಕಂಡಿದ್ದು ರಾಯಚೂರು – 360, ದೇವದುರ್ಗ – 364, ಲಿಂಗಸುಗೂರು – 63, ಮಾನ್ವಿ – 110, ಸಿಂಧನೂರು ತಾಲುಕಿನಲ್ಲಿ – 100 ಪ್ರಕರಣಗಳು ಇದುವರೆಗೂ ಪತ್ತೆಯಾಗಿವೆ.

ಇಂದು ನಗರದಲ್ಲಿ ಓರ್ವ ವ್ಯಕ್ತಿ ಮೃತಪಟ್ಟಿದ್ದು ಅದನ್ನು ಕೊರೊನಾ ಶಂಕಿತ ಸಾವು ಎಂದು ಶಂಕಿಸಲಾಗಿದ್ದು, ಮಾದರಿಯನ್ನ ಪಡೆದು ವರದಿಗಾಗಿ ಕಾಯಲಾಗುತ್ತಿದೆ.

ಜಿಲ್ಲೆಯಲ್ಲಿ ಕೊರೊನಾ ನಿಯಂತ್ರಣ ಕೇವಲ ಜಿಲ್ಲಾಡಳಿತದಿಂದ ಸಾದ್ಯವಿಲ್ಲ ಇನ್ನಾದರೂ ಸಾರ್ವಜನಿಕರು ಅರಿತು ಅನಾವಶ್ಯಕವಾಗಿ ಓಡಾಡದಂತೆ ಜಿಲ್ಲಾಡಳಿತ ಮನವಿ ಮಾಡಿಕೊಳ್ಳುತ್ತಿದೆ.