ತುರವೇಕೆರೆಯಲ್ಲಿ 5 ಕೊರೊನಾ ಪಾಸಿಟಿವ್ – ಪೊಲೀಸ್ ವಸತಿ ಗೃಹ, ಸೋಂಕಿತ ಪ್ರದೇಶಗಳು ಸೀಲ್ ಡೌನ್

ರೈಸಿಂಗ್ ಕನ್ನಡ :

ಪ್ರತಿನಿಧಿ, ಕೆ.ಆರ್ ಬಾಬು, ತುಮಕೂರು :

ತುಮಕೂರು ತಾಲ್ಲೂಕಿನ ತುರವೇಕೆರೆಯಲ್ಲಿ ಶುಕ್ರವಾರ 5 ಮಂದಿಗೆ ಕೋವಿಡ್ 19 ರ ಪಾಸಿಟಿವ್ ಪ್ರಕರಣ ದೃಢ ಪಟ್ಟಿದ್ದು, ಒಟ್ಟಾರೆ ತಾಲೂಕಿನಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ30 ಕ್ಕೆ ಏರಿಕೆಯಾಗಿದೆ ಎಂದು ವರದಿಯಾಗಿದೆ.

ಪಟ್ಟಣದ ಪೊಲೀಸ್ ವಸತಿಗೃಹದಲ್ಲಿನ 14 ವರ್ಷದ ಬಾಲಕನಿಗೆ ಸೋಂಕು ತಗಲಿದ್ದು. ಪಕ್ಕದ ತಾಲ್ಲೂಕಿನ ಆಲ್ಬೂರು ಗ್ರಾಮದ 32 ವರ್ಷದ ವ್ಯಕ್ತಿಗೆ ಸೋಂಕು ತಗುಲಿದೆ. ದಂಡಿನಶಿವರ ಹೋಬಳಿ ಮಾರಸಂದ್ರ ಗ್ರಾಮದ 54 ವರ್ಷದ ಪುರುಷ ಮತ್ತು 60 ವರ್ಷದ ಮಹಿಳೆಗೆ ಸೋಂಕು ತಗುಲಿದೆ. ಹಾಗೂ ಗೋಣಿ ತುಮಕೂರು ಗ್ರಾಮದ 45 ವರ್ಷದ ಮಹಿಳೆಗೆ ಸೋಂಕು ದೃಢಪಟ್ಟಿದೆ.

ಈಗಾಗಲೇ ಸಂಬಂಧಪಟ್ಟ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ, ಸೋಂಕಿತರ ಪ್ರದೇಶದಲ್ಲಿ 200 ಮೀಟರ್ ದೂರದಷ್ಟು ಸೀಲ್ ಡೌನ್ ಮಾಡಿಸಲಾಗಿದ್ದು, ಮುಂದಿನ ಕ್ರಮಗಳನ್ನು ಕೈಗೊಳ್ಳಲಾಗಿದೆ ಎಂದು ತಾಲೂಕು ಆರೋಗ್ಯ ಅಧಿಕಾರಿ ಡಾ. ಸುಪ್ರಿಯ ಮತ್ತು ತಾಲೂಕು ಹಿರಿಯ ಆರೋಗ್ಯ ಶಿಕ್ಷಣಾಧಿಕಾರಿ ಬೋರೇಗೌಡ ಮಾಹಿತಿ ನೀಡಿದ್ದಾರೆ.