ದೇಶಾದ್ಯಂತ ಕೊರೊನಾ ಮಹಾಸ್ಪೋಟ :13 ಲಕ್ಷ ದಾಟಿದ ಕೊರೊನಾ ಕೇಸ್ – ಒಂದೇ ದಿನ 49,310 ಸೋಂಕಿತರು

ರೈಸಿಂಗ್ ಕನ್ನಡ :

ನ್ಯೂಸ್​ಡೆಸ್ಕ್ :

ಕಿಲ್ಲರ್​ ಕೊರೊನಾ ಅಟ್ಟಹಾಸ ಜೋರಾಗಿದ್ದು ದೇಶಾದ್ಯಂತ ಸೋಂಕಿತರ ಸಂಖ್ಯೆ 13 ಲಕ್ಷಕ್ಕೆ ಏರಿದೆ. ಸತತ ಎರಡನೇ ದಿನವೂ ಸೋಂಕಿತರ ಸಂಖ್ಯೆ ಜಾಸ್ತಿಯಾಗಿದೆ.

ಕೊರೊನಾ ಮಹಾ ಸ್ಪೋಟ ಅಗಿದ್ದು ಕೇವಲ ಒಂದೇ ದಿನದಲ್ಲಿ ಒಂದು ಲಕ್ಷ ದಾಟಿದೆ. 

ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ಶುಕ್ರವಾರ ಇಡೀ ದೇಶದಲ್ಲಿ 49,310 ಸೋಂಕಿತ ಪ್ರಕರಣಗಳು ದಾಖಲಾಗಿವೆ. ಇದು ಸಾರ್ವಕಾಲಿಕ ದಾಖಲೆಯಾಗಿದೆ.

ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 13,06,002 ಸಂಖ್ಯಗೆ ಏರಿದೆ.ಇನ್ನು ಸಾವಿನಲ್ಲಿ 30 ಸಾವಿರ ಗಡಿ ದಾಟಿದೆ. ಒಂದೇ ದಿನ ದೇಶಾದ್ಯಂತ 740 ಮಂದಿ ಸಾವನಪ್ಪಿದ್ದಾರೆ. ಇದರೊಂದಿಗೆ ಸಾವಿನ ಸಂಖ್ಯೆ 30,601 ಏರಿದೆ.  

ಕೊರೊನಾ ಅಬ್ಬರಿಸುತ್ತಿರುವ ಮಹಾರಾಷ್ಟ್ರದಲ್ಲಿ 3,47,502 ಪಕ್ರರಣಗಳಿವೆ. ತಮಿಳುನಾಡಿನಲ್ಲಿ 1,99,749 ಮತ್ತು ದೆಹಲಿಯಲ್ಲಿ 1,27,364 ಪ್ರಕರಣಗಳು ದಾಖಲಾಗಿವೆ. ಆಂಧ್ರ ಪ್ರದೇಶದಲ್ಲಿ 8147 ಪ್ರಕರಣಗಳು ದಾಖಲಾಗಿದ್ದು ಸೋಂಕಿತರ ಸಂಖ್ಯೆ 80 ಸಾವಿರ ದಾಟಿದೆ. ತಮಿಳುನಾಡಲ್ಲಿ 6785 ಪ್ರಕರಣಗಳು ದಾಖಲಾಗಿವೆ. ಕೇರಳದಲ್ಲಿ 885 ಪ್ರಕರಣಗಳು ದಾಖಲಾಗಿವೆ.