ವರಮಹಾಲಕ್ಷ್ಮಿಗೂ ಶಾಂತವಾಗದ ಕೊರೊನಾ – ಹಬ್ಬದ ದಿನ ಬಂದ ಪ್ರಕರಣಗಳೆಷ್ಟು ಗೊತ್ತಾ?

ರೈಸಿಂಗ್ ಕನ್ನಡ :

ಬೆಂಗಳೂರು :

ವರಮಹಾಲಕ್ಷ್ಮೀ ಹಬ್ಬಕ್ಕೂ ರಾಜ್ಯದಲ್ಲಿ ಕೊರೊನಾ ಶಾಂತವಾಗಿಲ್ಲ. ಶುಕ್ರವಾರವೂ ರಾಜ್ಯದಲ್ಲಿ 5,483 ಕೊರೊನಾ ಪ್ರಕರಣಗಳು ದಾಖಲಾಗಿವೆ. ಅಲ್ಲದೇ ಹಬ್ಬದ ದಿನವೇ ರಾಜ್ಯದಲ್ಲಿ 84 ಜನ ಮೃತಪಟ್ಟಿದ್ದಾರೆ. ಕಳೆದ ಕೆಲ ದಿನಗಳಿಂದ ಸತತವಾಗಿ 5 ಸಾವಿರಕ್ಕೂ ಅಧಿಕ ಪ್ರಕರಣಗಳು ದಾಖಲಾಗುತ್ತಿರೋದು ನಿಜಕ್ಕೂ ಚಿಂತನೀಯ ವಿಚಾರವಾಗಿದೆ. ಇದರೊಂದಿಗೆ ರಾಜ್ಯದಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 72 ಸಾವಿರದ ಗಡಿ ತಲುಪುತ್ತಿದೆ.

ಇನ್ನೂ ಬೆಂಗಳೂರಿನಲ್ಲೇ 2,220 ಪ್ರಕರಣಗಳು ದಾಖಲಾಗಿದ್ದು, ಸಿಲಿಕಾನ್ ಸಿಟಿಯಲ್ಲೇ 20 ಜನ ಮೃತಪಟ್ಟಿದ್ದಾರೆ. ಬೆಂಗಳೂರಿನಲ್ಲಿ ಚೇತರಿಕೆ ಪ್ರಮಾಣ ಶೇಕಡ 30.44 ರಷ್ಟಿದೆ. ಬೆಂಗಳೂರಿನಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ, 37 ಸಾವಿರ ಗಡಿದಾಟಿದೆ.