ಸಾವಿನಲ್ಲಿ ಶತಕ ಬಾರಿಸಿದ ಹೆಮ್ಮಾರಿ ಕೊರೊನಾ: ರಾಜ್ಯದಲ್ಲಿ 5,619 ಹೊಸ ಕೇಸ್: ಬೆಂಗಳೂರಿನಲ್ಲಿ 29 ಬಲಿ

ರೈಸಿಂಗ್ ಕನ್ನಡ :

ಬೆಂಗಳೂರು:

ಕಳೆದೆರೆಡು ದಿನಗಳಿಂದ ಮರಣ ಮೃದಂಗ ಬಾರಿಸುತ್ತಿರುವ ಹೆಮ್ಮಾರಿ ಕೊರೊನಾ ಬುಧವಾರ ಕೂಡ ಕ್ರೂರತೆ ಮೆರೆದಿದೆ. ಒಂದೇ ದಿನ ನೂರು ಮಂದಿಯನ್ನ ಬಲಿ ತೆಗೆದುಕೊಳ್ಳುವ ಮೂಲಕ ಅಟ್ಟಹಾಸ ಮೆರೆದಿದೆ.

ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ವರದಿಯಲ್ಲಿ ಬುಧವಾರ 5,619 ಹೊಸ ಕೇಸ್ ಪತ್ತೆಯಾಗಿದೆ.ಇದರೊಂದಿಗೆ ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 1,51,449ಕ್ಕೆ ಏರಿದೆ. ರಾಜ್ಯದಲ್ಲಿ ಒಟ್ಟು 73,958 ಸಕ್ರಿಯ ಪ್ರಕರಣಗಳಿವೆ.

ಬುಧವಾರ ಕೊರೊನಾ 100 ಮಂದಿಯನ್ನ ಬಲಿತೆಗೆದುಕೊಂಡು ಶತಕ ಬಾರಿಸಿದೆ.ಈವರೆಗೂ 2,804 ಮಂದಿ ಬಲಿಯಾಗಿದ್ದಾರೆ.

ಸಮಾಧಾನಕರ ತಂದಿರುವ ವಿಷಯವೇನೆಂದರೆ ಬುಧವಾರ ಕೊರೊನಾದಿಂದ 5,407 ಮಂದಿ ಡಿಸ್ಚಾರ್ಜ್​ ಆಗಿದ್ದಾರೆ.ಒಟ್ಟು ಬಿಡುಗಡೆಯಾದ ಸಂಖ್ಯೆ 74,679 ಏರಿದೆ.

ಇನ್ನು ರಾಜಧಾನಿ ಬೆಂಗಳೂರಿನಲ್ಲಿ 1,848 ಮಂದಿ ಹೊಸ ಸೋಂಕಿತರಾಗಿದ್ದಾರೆ. ನಗರದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 64,881ಕ್ಕೆ ಏರಿದೆ.

ಬುಧವಾರ 29 ಪ್ರಾಣ ಕಳೆದುಕೊಂಡಿದ್ದಾರೆ.ಬೆಂಗಳೂರಿನಲ್ಲಿ ಸಾವಿನ ಸಂಖ್ಯೆ 1,163ಕ್ಕೆ ಏರಿದೆ. ನಗದರಲ್ಲಿ ಒಟ್ಟು 32,757 ಸಕ್ರಿಯ ಪ್ರಕರಣಗಳಿವೆ. 3,083 ಮಂದಿ ಡಿಸ್ಚಾರ್ಜ್​ ಆಗಿದ್ದು ಚೇತರಿಸಿಕೊಂಡವರ ಸಂಖ್ಯೆ 30,960ಕ್ಕೆ ಏರಿದೆ.