ಸತತ ಎರಡನೇ ದಿನವೂ ಶತಕ ಬಾರಿಸಿದ ಕೊರೊನಾ: 4,267 ಹೊಸ ಕೇಸ್: ಬೆಂಗಳೂರಿನಲ್ಲಿ 36 ಬಲಿ

ರೈಸಿಂಗ್ ಕನ್ನಡ :

ಬೆಂಗಳೂರು:

ರಾಜ್ಯದಲ್ಲಿ ಕಿಲ್ಲರ್​ ಕೊರೊನಾ ಮರಣ ಮೃದಂಗ ಬಾರಿಸಿದ್ದು ಕ್ರೂರಿ ಕೊರೊನಾ ಶತಕ ಬಾರಿಸಿದೆ.  

ರಾಜ್ಯ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ಕಿಲ್ಲರ್​ ಕೊರೊನಾ 114 ಮಂದಿಯನ್ನ ಬಲಿ ತೆಗೆದುಕೊಂಡು ಅಟ್ಟಹಾಸ ಮೆರೆದಿದೆ. ಇದರೊಂದಿಗೆ ರಾಜ್ಯದಲ್ಲಿ ಸಾವಿನ ಸಂಖ್ಯೆ 3,312ಕ್ಕೆ ಏರಿದೆ.

ರಾಜ್ಯದಲ್ಲಿ 79,908 ಸಕ್ರಿಯ ಪ್ರಕರಣಗಳಿವೆ. ಸಮಾಧಾನಕರ ವಿಚಾರವೆಂದರೆ ಸೋಂಕಿನ ಸಂಖ್ಯೆ ಕಡಿಮೆಯಾಗುತ್ತಿದೆ. ಸೋಮವಾರ 4,267 ಹೊಸ ಕೇಸ್ ಪತ್ತೆಯಾಗಿದೆ. ರಾಜ್ಯದಲ್ಲಿ ಒಟ್ಟು 1,82,325 ಸೋಂಕಿತರಿದ್ದಾರೆ. ಸೋಮವಾರ 5,218 ಮಂದಿ ಡಿಸ್ಚಾರ್ಜ್​ ಆಗಿದ್ದು  ಈವರೆಗೂ 99,126 ಮಂದಿ ಬಿಡುಗಡೆಯಾಗಿದ್ದಾರೆ.

ರಾಜಧಾನಿ ಬೆಂಗಳೂರಿನಲ್ಲಿಯೂ ಕೊರೊನಾ ಅಬ್ಬರಿಸಿದ್ದು 36 ಮಂದಿಯನ್ನ ಬಲಿತೆಗೆದುಕೊಂಡಿದೆ. ಇದರೊಂದಿಗೆ ನಗದರಲ್ಲಿ ಸಾವಿನ ಸಂಖ್ಯೆ 1,276ಕ್ಕೆ ಏರಿದೆ.

ನಗರದಲ್ಲಿ 1,243 ಹೊಸ ಕೇಸ್​ ಪತ್ತೆಯಾಗಿದ್ದು ಬೆಂಗಳೂರಿನಲ್ಲಿ ಸೋಂಕಿತರ ಸಂಖ್ಯೆ 75,428ಕ್ಕೆ ಏರಿದೆ. ಸೋಮವಾರ 2,037 ಮಂದಿ ಬಿಡುಗಡೆಯಾಗಿದ್ದು ಒಟ್ಟು ಈವರೆಗೂ ನಗರದಲ್ಲಿ 41,166 ಮಂದಿ ಬಿಡುಗಡೆಯಾಗಿದ್ದಾರೆ.