Featured
ದೇಶಾದ್ಯಂತ ಮುಂದುವರೆದ ಕೊರೊನಾ ಮಹಾಸ್ಪೋಟ: 22 ಲಕ್ಷ ದಾಟಿದ ಕೇಸ್ : ಒಂದೇ ದಿನ ದಾಖಲೆಯ 1,007 ಸಾವು
ರೈಸಿಂಗ್ ಕನ್ನಡ :
ನವದೆಹಲಿ:
ದೇಶಾದ್ಯಂತ ಕೊರೊನಾ ಮಹಾಸ್ಫೋಟ ಆಗಿದ್ದು ಸೋಂಕಿತರ ಸಂಖ್ಯೆ 22 ಲಕ್ಷ ಗಡಿ ದಾಟಿದೆ. ಸಾವಿನಲ್ಲೂ ಕ್ರೂರಿ ಕೊರೊನಾ ಅಟ್ಟಹಾಸ ಮೆರೆದಿದೆ.
ಕಳೆದ ಕೆಲವು ದಿನಗಳಿಂದ ಭಾರತದಲ್ಲಿ ಕೊರೊನಾ ಸೋಂಕಿನ ಸಂಖ್ಯೆ ಹೆಚ್ಚಾಗಿದೆ. ಕಳೆದ ಎರಡು ದಿನಗಳಲ್ಲೆ 1 ಲಕ್ಷ ಕೊರೊನಾ ಸೋಂಕು ಪತ್ತೆಯಾಗಿದೆ.
ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ವರದಿಯಲ್ಲಿ ಕಳೆದ 24 ಗಂಟೆಯಲ್ಲಿ ದಾಖಲೆಯ 62,064 ಹೊಸ ಸೋಂಕು ಪತ್ತೆಯಾಗಿದೆ. ಇದರೊಂದಿಗೆ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 22,15,075ಕ್ಕೆ ಏರಿದೆ.
ಇನ್ನು ಸಾವಿನಲ್ಲಿ ಕೊರೊನಾ ಶತಕ ಬಾರಿಸಿದೆ. ಕಳೆದ 24 ಗಂಟೆಯಲ್ಲಿ 1,007 ಮಂದಿ ಕೊನೆಯುಸಿರೆಳೆದಿದ್ದಾರೆ. ಒಟ್ಟು ಸಾವಿನ ಸಂಖ್ಯೆ 44,386ಕ್ಕೆ ಏರಿದೆ.
ದೇಶದಲ್ಲಿ ಒಟ್ಟು 6,34,945 ಸಕ್ರಿಯ ಪ್ರಕರಣಗಳಿವೆ. 15,35744 ಮಂದಿ ಕೊರೊನಾದಿಂದ ಚೇತರಿಸಿಕೊಂಡು ಡಿಸ್ಚಾರ್ಜ್ ಆಗಿದ್ದಾರೆ.ಕೊರೊನಾದಿಂದ ಹೆಚ್ಚು ಬಳಲುತ್ತಿರುವ ಮಹಾರಾಷ್ಟ್ರದಲ್ಲಿ ಭಾನುವಾರ ದಾಖಲೆಯ 12,822 ಹೊಸ ಕೇಸ್ ಪತ್ತೆಯಾಗಿದೆ. ತಮಿಳುನಾಡಲ್ಲಿ 5,994 ಮಂದಿಗೆ ಹೊಸ ಸೋಂಕು ಹಾಗೂ 119 ಮಂದಿ ಕೊನೆಯುಸಿರೆಳೆದಿದ್ದಾರೆ. ಆಂಧ್ರಪ್ರದೇಶದಲ್ಲಿ 10,080 ಪ್ರಕರಣ 97 ಮಂದಿ ಸಾವನಪ್ಪಿದ್ದಾರೆ
