ದೇಶಾದ್ಯಂತ ದಾಖಲೆಯ 64 ಸಾವಿರ ಕೊರೊನಾ ಕೇಸ್: 21 ಲಕ್ಷ ದಾಟಿದ ಸೋಂಕಿತರ ನಂಬರ್ : 861 ಮಂದಿ ಸಾವು

ರೈಸಿಂಗ್ ಕನ್ನಡ :

ನ್ಯೂಸ್​ ಡೆಸ್ಕ್: 

ದೇಶಾದ್ಯಂತ ಕೊರೊನಾ ಸ್ಪೋಟ ಮುಂದುವರೆದಿದ್ದು ಕಳೆದ 24 ಗಂಟೆಯಲ್ಲಿ ದೇಶಾದ್ಯಂತ 64 ಸಾವಿರ ಹೊಸ ಸೋಂಕಿತರು ಕಂಡುಬಂದಿದ್ದಾರೆ. 

ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ಶನಿವಾರದ ವರದಿಯಲ್ಲಿ  ದೇಶಾದ್ಯಂತ ದಾಖಲೆಯ 64 ಸಾವಿರ ಕೊರೊನಾ ಮಹಾ ಸ್ಪೋಟ ಆಗಿದೆ.  ಇದರೊಂದಿಗೆ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 21 ಲಕ್ಷ ದಾಟಿದೆ.

ಅಮೇರಿಕಾ, ಬ್ರೇಜಿಲ್ ನಂತರ ಅತಿ ಹೆಚ್ಚು ಕೊರೊನಾದಿಂದ ಬಳಲಿರುವ ರಾಷ್ಟ್ರ ಎಂದರೆ ಅದು ಭಾರತ . ಕಳೆದ 24 ಗಂಟೆಯಲ್ಲಿ ದಾಖಲೆಯ 64,399 ಸಾವಿರ ಮಂದಿಗೆ ಕೊರೊನಾ ಸೋಂಕು ತಗುಲಿದೆ.

ದೇಶಾದ್ಯಂತ ಕೊರೊನಾ ಮರಣ ಮೃದಂಗ ಬಾರಿಸಿದ್ದು ಒಂದೇ ದಿನ 861 ಮಂದಿ ಸಾವನಪ್ಪಿದ್ದಾರೆ.  ಭಾರತದಲ್ಲಿ ಸದ್ಯ 21,53, 011 ಸಕ್ರಿಯ ಪ್ರಕರಣಗಳಿವೆ.

ಸಮಾಧಾನಕರ ವಿಚಾರವೆಂದರೆ ಸೋಂಕು ಹೆಚ್ಚಾಗುವ ಜೊತೆಗೆ ಹೆಮ್ಮಾರಿಯಿಂದ 68.32ರಷ್ಟು ಮಂದಿ ಗುಣಮುಖರಾಗಿದ್ದಾರೆ. ಇದರ ಜೊತೆಗೆ ಸಾವಿನ ಪ್ರಮಾಣ ಶೇ.2.04ರಷ್ಟು ಇಳಿದಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಹೇಳಿದೆ.