ದೇಶಾದ್ಯಂತ ಒಂದೇ ದಿನ 62 ಸಾವಿರ ಸೋಂಕು, 933 ಮಂದಿ ಬಲಿ

ರೈಸಿಂಗ್ ಕನ್ನಡ :

ದೆಹಲಿ :

ದೇಶಾದ್ಯಂತ ಕೊರೊನಾ ಆರ್ಭಟ ಜೋರಾಗಿದ್ದು ಸೋಂಕಿತರ ಸಂಖ್ಯೆ ಸತತ ಎರಡನೇ ದಿನವೂ 60 ಸಾವಿರ ಸಂಖ್ಯೆ ದಾಟಿದೆ.

ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ಶುಕ್ರವಾರ ವರದಿಯಲ್ಲಿ 62 ಸಾವಿರ ಹೊಸ ಸೋಂಕಿತರು ಪತ್ತೆಯಾಗಿದ್ದಾರೆ. ಇದು ಎರಡನೇ ಅತಿ ದೊಡ್ಡ ಸೋಂಕು ಆಗಿದೆ.

ಇದರೊಂದಿಗೆ ದೇಶದಲ್ಲಿ ಸೋಂಕಿತರ ಸಂಖ್ಯೆ 20,88,612ಕ್ಕೆ ಏರಿದೆ. ಸಾವಿನಲ್ಲೂ ಕೊರೊನಾ ಆರ್ಭಟಿಸಿದ್ದು ಕಳೆದ 24 ಗಂಡೆಯಲ್ಲಿ 933 ಮಂದಿ ಕೊನೆಯುಸಿರೆಳೆದಿದ್ದಾರೆ. ದೇಶದಲ್ಲಿ ಒಟ್ಟು ಸಾವಿನ ಸಂಖ್ಯೆ 42,518ಕ್ಕೆ ಏರಿದೆ.

ಇದುವರೆಗೂ 14, 27, 005 ಮಂದಿಗೆ ಯಶಸ್ವಿಯಾಗಿ ಚಿಕಿತ್ಸೆ ನೀಡಲಾಗಿದ್ದು ಭಾರತದಲ್ಲಿ ಒಟ್ಟು 6,19,088 ಸಕ್ರಿಯ ಪ್ರಕರಣಗಳಿವೆ.ಕೊರನಾದಿಂದ ಹೆಚ್ಚು ನರಕಯಾತನೆ ಅನುಭವಿಸುತ್ತಿರುವ ಮಹಾರಾಷ್ಟ್ರದಲ್ಲಿ ಸೋಂಕಿತರ ಸಂಖ್ಯೆ 4.6 ಲಕ್ಷಕ್ಕೆ ಏರಿದೆ. ಸಾವಿನ ಸಂಖ್ಯೆ 17.092ಕ್ಕೆ ಏರಿದೆ.