ಕೊರೊನಾ ಆರ್ಭಟ :ಒಂದು ದಿನಕ್ಕೆ ಒಂದು ಲಕ್ಷ ಸಮೀಪಕ್ಕೆ ಕೊರೊನಾ ಸೋಂಕು

ರೈಸಿಂಗ್ ಕನ್ನಡ:

ನ್ಯೂಸ್​ ಡೆಸ್ಕ್​: 

ಹೆಮ್ಮಾರಿ ಕೊರೊನಾ ಆರ್ಭಟ ಮಿತಿ ಮೀರುತ್ತಿದ್ದು  ಕಳೆದ 24 ಗಂಟೆಯಲ್ಲಿ 96 ಸಾವಿರಕ್ಕೂ ಹೆಚ್ಚು ಹೊಸ ಕೊರೊನಾ ಪತ್ತೆಯಾಗಿದೆ. ಇದರ ಪರಿಣಾಮ ದೇಶದಲ್ಲಿ ಸೋಂಕಿತರ ಸಂಖ್ಯೆ ಪ್ರತಿ ದಿನ 1 ಲಕ್ಷ ಹೊಸ ಸೋಂಕು ಕಾಣಿಸಿಕೊಳ್ಳುವ ಸಮೀಪಕ್ಕೆ ಬಂದು ನಿಂತಿದೆ.

ಕೇಂದ್ರ ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿದ ವರದಿಯಲ್ಲಿ ಗುರುವಾರ ದಾಖಲೆಯ 96,551 ಹೊಸ ಕೊರೊನಾ ಪ್ರಕರಣಗಳು ದಾಖಲಾಗಿವೆ. ಇದರೊಂದಿಗೆ ದೇಶದಲ್ಲಿ ಸೋಂಕಿತರ ಸಂಖ್ಯೆ 45,62,415 ಕ್ಕೆ ಏರಿದೆ.

ಇಡೀ ದೇಶದಲ್ಲಿ 9,43,480 ಸಕ್ರಿಯ ಪ್ರಕರಣಗಳಿವೆ.ಈವರೆಗೂ 35,42,664 ಮಂದಿಗೆ ಯಶಸ್ವಿಯಾಗಿ ಚಿಕಿತ್ಸೆ ನೀಡಲಾಗಿದೆ.

ಕಳೆದ ಒಂದು ದಿನದಲ್ಲಿ 1,209 ಮಂದಿ ಕೊರೊನಾ ಹೊಡೆತಕ್ಕೆ ಬಲಿಯಾಗಿದ್ದಾರೆ.ಇದರೊಂದಿಗೆ ದೇಶದಲ್ಲಿ ಕೊರೊನಾಗೆ ಸಾವನಪ್ಪಿದವರ ಸಂಖ್ಯೆ 76,271ಕ್ಕೆ ಏರಿದೆ.

ಮತ್ತೊಂದು ಸಂತಸದ ವಿಷಯವೆಂದರೆ ದೇಶದಲ್ಲಿ ಕಳೆದ 29 ದಿನಗಳಲ್ಲಿ ಶೇ.100ಕ್ಕಿಂತ ಹೆಚ್ಚು ಸೋಂಕು ನಿವಾರಣೆಯಾಗಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಹೇಳಿದೆ.

ಸೆ.10ರಂದು ದೇಶಾದ್ಯಂತ 5,40,97,975 ಮಂದಿಯ ಸ್ಯಾಂಪಲ್​ ಹಾಗೂ ಈವರೆಗೂ ಒಟ್ಟು 11,63,542 ಸ್ಯಾಂಪಲ್​ಗಳನ್ನ ಪರೀಕ್ಷಿಸಲಾಗಿದೆ ಎಂದು ಇಂಡಿಯನ್​ ಕೌನ್ಸಿಲ್​ ಆಫ್​ ಮೆಡಿಕಲ್​ ರಿಸರ್ಚ್​ ಹೇಳಿದೆ.