ಆರೋಗ್ಯ
ನಿರ್ದಿಷ್ಟ ಪ್ರಮಾಣಕ್ಕಿಂತಾ ಹೆಚ್ಚಿನ ಪ್ರೊಟೀನ್ ಸೇವಿಸಿದರೂ ಅನಾರೋಗ್ಯಕ್ಕೆ ದಾರಿ..!
ಇತ್ತೀಚಿನ ದಿನಗಳಲ್ಲಿ ಹತ್ತು ಜನರಲ್ಲಿ ಒಬ್ಬರು ತೂಕ ಕಳೆದುಕೊಳ್ಳಲು ಮತ್ತು ಮಾಂಸ ಖಂಡಗಳ ಬಲ ಹೆಚ್ಚಿಸಲು ಪ್ರೊಟೀನ್ ಬಾರ್ ಗಳ ಮೊರೆ ಹೋಗುತ್ತಿದ್ದಾರೆ. ಆದರೆ ಹೀಗೆ ಅಗತ್ಯಕ್ಕಿಂತಾ ಹೆಚ್ಚು ಪ್ರೊಟೀನ್ ಸೇವನೆ ಒಳ್ಳೆಯದಲ್ಲ ಎಂದು ವೈದ್ಯರು ಸಲಹೆ ನೀಡಿದ್ದಾರೆ. ಅಗತ್ಯಕ್ಕಿಂತಾ ಹೆಚ್ಚು ಪ್ರೊಟೀನ್ ಸೇವನೆಯಿಂದ ಕಿಡ್ನಿಗಳ ಮೇಲೆ ಹೆಚ್ಚಿನ ಒತ್ತಡ ಸೃಷ್ಟಿಸುತ್ತದೆ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.
ಪ್ರತಿನಿತ್ಯ ಪ್ರತಿ ಮಹಿಳೆಗೆ 45 ಗ್ರಾಂ, ಪುರುಷರಿಗೆ 55 ಗ್ರಾಂ ಪ್ರೊಟೀನ್ ಅವಶ್ಯಕತೆ ಇದೆ. ನೀವು ಪ್ರತಿ ಬಾರಿ ಸೇವಿಸುವ ಊಟದಲ್ಲಿ 15 ರಿಂದ 20 ಗ್ರಾಂ ಪ್ರೊಟೀನ್ ಸೇವಿಸಿ ಎಂದು ವೈದ್ಯರು ಕಿವಿ ಮಾತು ಹೇಳಿದ್ದಾರೆ. ಆದರೆ ಅಗತ್ಯಕ್ಕಿಂತಾ ಹೆಚ್ಚು ಪ್ರೊಟೀನ್ ಸೇವಿಸಿದರೆ ಕಿಡ್ನಿ ಸಮಸ್ಯೆ, ಸಕ್ಕರೆ ಕಾಯಿಲೆಗೆ ಹಾದಿ ಮಾಡುಕೊಡುತ್ತಂತೆ.
ಹೀಗಾಗಿ ದೇಹಕ್ಕೆ ಅವಶ್ಯಕತೆಗಿರುವ ಪ್ರೊಟೀನ್ ಅಂಶಕ್ಕಿಂತಾ ದುಪ್ಪಟ್ಟು ಪ್ರೊಟೀನ್ ಸೇವನೆಯಿಂದ ಸಕ್ಕರೆ ಕಾಯಿಲೆ, ಹೃದಯ ಸಂಬಂಧಿ ಕಾಯಿಲೆಗಳು ಮತ್ತು ಕ್ಯಾನ್ಸರ್ ಗೆ ಕಾರಣವಾಗುತ್ತದೆ ಎಂದು ವೈದ್ಯರು ಹೇಳಿದ್ದಾರೆ. ಹೀಗಾಗಿ ನೀವು ಅಗತ್ಯಕ್ಕಿಂತಾ ಹೆಚ್ಚು ಪ್ರೊಟೀನ್ ಸೇವಿಸುತ್ತಿದ್ದರೆ ಈಗಲೇ ಈ ಅಭ್ಯಾಸವನ್ನು ಬಿಟ್ಟು ಬಿಡಿ.
