ಭಾರತದ ಮೊಟ್ಟ ಮೊದಲ ಚರ್ಚ್ ಸ್ಟ್ರೀಟ್ ಯೋಜನೆಗೆ ಚಾಲನೆ

ರೈಸಿಂಗ್​ ಕನ್ನಡ:

ಬೆಂಗಳೂರು:

ಭಾರತದ ಮೊಟ್ಟ ಮೊದಲ ಸ್ವಚ್ಚ ವಾಯು ರಸ್ತೆ  ಉಪಕ್ರಮವಾಗಿ ಚರ್ಚ್​ ಸ್ಟ್ರೀಟ್​ ಟೆಸ್ಟ್ ಬೆಡ್​ ಅನ್ನ ನಗರದ ಚರ್ಚ್​ ಸ್ಟ್ರೀಟ್​ನಲ್ಲಿ ಸಿ.ಎಂ. ಬಿಎಸ್​ ಯಡಿಯೂರಪ್ಪ ಉದ್ಘಾಟಿಸಿದರು.

ವಾಯು ಮಾಲಿನ್ಯವನ್ನ ನಿಯಂತ್ರಿಸುವುದಕ್ಕಾಗಿ ವಾರದ ಕೊನೆಯ ದಿನದಂದು ಇಲ್ಲಿನ ಪ್ರತಿಷ್ಠಿತ ರಸ್ತೆ ಎಂ.ಜಿ ರೋಡ್​ನಲ್ಲಿ  ವಾಹನ ಸಂಚಾರಕ್ಕೆ ನಿರ್ಬಂಧ ವಿಧಿಸಲಾಗುತ್ತಿದೆ.

ಭಾರತ ಮತ್ತು ಯುಕೆ ಜಂಟಿಯಾಗಿ ಈ ಕಾರ್ಯಕ್ರಮವನ್ನ ಆಯೋಜಿಸಿದೆ.

ನ.7ರಿಂದ ಮುಂದಿನ ವರ್ಷ ಫೆಬ್ರವರಿ ಕೊನೆಯ ತಿಂಗಳವರೆಗೆ ಈ ನಡೆಯಲಿದೆ. ತುರ್ತು ಸಂದರ್ಭವಿದ್ದಾಗ ಮಾತ್ರ ವಾಹನಗಳು ಚರ್ಚ್​ ಸ್ಟ್ರೀಟ್​ನಲ್ಲಿ ಓಡಾಡಬಹುದಾಗಿದೆ.

ನಗರದಲ್ಲಿ ವಾಹನ ಸಂಖ್ಯೆ 80 ಲಕ್ಷ ದಾಟಿದೆ. ಪ್ರತಿ ವರ್ಷ ಶೇ.10ರಷ್ಟು ಏರಿಕೆಯಾಗಿದೆ. ವಾಯು ಮಾಲಿನ್ಯ ಪ್ರಮಾಣವನ್ನ ಕಡಿಮೆ ಮಾಡಲು ರಾಜ್ಯ ಸರ್ಕಾರ ಅಗತ್ಯ ಕ್ರಮಗಳನ್ನ ಕೈಗೊಂಡಿದೆ.

ಕ್ಲೀನ್​ ಏರ್​ ಸ್ಟ್ರೀಟ್​ ಯೋಜನೆ ವಾತಾವರಣ ಬದಲಾವಣೆ ಬಗ್ಗೆ ಭಾರತ ಒಂದು ಹೆಜ್ಜೆ ಮುಂದೆ ಸಾಗಿದೆ ಎಂದು ಸೌತ್​ ಏಷ್ಯಾ ಮತ್ತು ಕಾಮನ್​ ವೆಲ್ತ್​ನ ರಾಜ್ಯ ಸಚಿವ ಲಾರ್ಡ್​ ತರೀಕ್​ ಅಹ್ಮದ್​ ಹೇಳಿದ್ದಾರೆ.