Featured
ಇತ್ತಿಚೆಗೆ ಸಿ.ಎಂ. ಬಿ.ಎಸ್.ವೈ ಭೇಟಿ ಮಾಡಿದವರಿಗೆಲ್ಲಾ ಕೊರೊನಾ ಪರೀಕ್ಷೆ : ಆರೋಗ್ಯ ಇಲಾಖೆ
ರೈಸಿಂಗ್ ಕನ್ನಡ:
ನ್ಯೂಸ್ ಡೆಸ್ಕ್:
ಸಿಎಂ ಯಡಿಯೂರಪ್ಪಾಗೆ ಕೊರೊನಾ ಸೋಂಕು ದೃಢಪಟ್ಟ ಬೆನ್ನಲ್ಲೆ ಕಳೆದ 2-3 ದಿನಗಳಿಂದ ಅವರನ್ನ ಭೇಟಿಯಾದವರೆಲ್ಲರನ್ನೂ ಕೋವಿಡ್ 19 ಪರೀಕ್ಷೆಗೆ ಒಳಪಡಿಸಲಾಗಿದೆ ಎಂದು ರಾಜ್ಯ ಆರೋಗ್ಯ ಇಲಾಖೆ ಹೇಳಿದೆ.
ಭಾನುವಾರ ಸಿ.ಎಂ. ಯಡಿಯೂರಪ್ಪಾಗೆ ಕೊರೊನಾ ಸೋಂಕು ದೃಢಪಟ್ಟ ಬೆನ್ನಲ್ಲೆ ಮಣಿಪಾಲ ಆಸ್ಪತ್ರೆಗೆ ದಾಖಲಾದರು. ಸ್ವತಃ ಸಿಎಂ ತಮ್ಮನ್ನ ಇತ್ತಿಚೆಗೆ ಭೇಟಿಯಾದವರು ಕೊರೊನಾ ಪರೀಕ್ಷೆ ಮಾಡಿಸಿಕೊಳ್ಳಿ ಎಂದು ಟ್ವೀಟರ್ನಲ್ಲಿ ಬರೆದಿದ್ದರು.
ಇದೀಗ ರಾಜ್ಯ ಆರೋಗ್ಯ ಇಲಾಖೆ ಸಿಎಂ ಅವರನ್ನ 2-3 ದಿನಗಳಿಂದ ಭೇಟಿಯಾದವರನ್ನ ಕ್ವಾರಂಟೈನ್ ಮಾಡಿ ಪರೀಕ್ಷೆಗೆ ಒಳಪಡಿಸುತ್ತಿದೆ. ಇದರ ಜೊತೆಗೆ ಸಿಎಂ ಅವರ ಟ್ರಾವೆಲ್ ಹಿಸ್ಟರಿಯನ್ನ ಪತ್ತೆ ಮಾಡಲಾಗುತ್ತಿದೆ.
ಹಳೆ ವಿಮಾನ ನಿಲ್ದಾಣದ ಮಣಿಪಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಸಿಎಂ ಯಡಿಯೂರಪ್ಪ ಮತ್ತು ಪುತ್ರಿ ಪದ್ಮಾವತಿಗೆ ಕಾವೇರಿ ನಿವಾಸದಿಂದ ಊಟ ತಿಂಡಿ ಕೊಡಲಾಗುತ್ತಿದೆ.
