ಸಿಎಂ ಯಡಿಯೂರಪ್ಪ ಪತ್ನಿ ಸಾವು ಸಹಜವಲ್ಲ..! : ಮಾಜಿ ಸಿಎಂ ಕುಮಾರಸ್ವಾಮಿ ಹೊಸ ಬಾಂಬ್​..!

ರಾಮನಗರ : ಮಾಜಿ ಸಿಎಂ ಹೆಚ್​ಡಿ ಕುಮಾರಸ್ವಾಮಿ ಹೊಸ ಬಾಂಬ್​ ಸಿಡಿಸಿದ್ದಾರೆ. ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರ ಪತ್ನಿ ಸಾವು ಸಹಜವಲ್ಲ. ಅದು ಅಸಹಜ, ಅನುಮಾನಾಸ್ಪದ ಸಾವು ಎಂದಿದ್ದಾರೆ. ಈ ಮೂಲಕ ಹೊಸ ವಿವಾದ ಹಾಗೂ ಹೊಸ ಬಾಂಬ್​ ಹಾಕಿರೋ ಮಾಜಿ ಸಿಎಂ ಹೆಚ್​ಡಿಕೆ, ಈ ಬಗ್ಗೆ ಯಾರೂ ಪ್ರಚಾರ ಮಾಡಲ್ಲ ಎಂದಿದ್ದಾರೆ.

ರಾಮನಗರದಲ್ಲಿ ಮಾತ್ನಾಡಿದ ಹೆಚ್​.ಡಿ. ಕುಮಾರಸ್ವಾಮಿ, ಒಂದೇ ಒಂದು ಅಡಿ ಇರುವ ನೀರಿನ ಸಂಪಿಗೆ ಬಿದ್ದು ಯಡಿಯೂರಪ್ಪ ಪತ್ನಿ ಸಾವನ್ನಪ್ಪಿದ್ರು. ಇದು ಹೇಗೆ ಸಾಧ್ಯ. ಈ ಸಾವಿನಲ್ಲಿ ಅನುಮಾನಾಸ್ಪದ ಇಲ್ಲವೇ ಎನ್ನುವ ಮೂಲಕ ಹೊಸ ವಿವಾದವನ್ನ ಎಳೆದಿದ್ದಾರೆ.

2004ರಲ್ಲಿ ಯಡಿಯೂರಪ್ಪ ಪತ್ನಿ ಮೈತ್ರಾ ದೇವಿ ಮೃತಪಟ್ಟಿದ್ದರು. ಹಲವು ಅನುಮಾನಗಳಿಗೆ ಈ ಸಾವು ಕಾರಣವಾಗಿತ್ತು. ಕೆಲವರು ಕೊಲೆ ಎಂದು. ಮತ್ತೆ ಕೆಲವರು ಆತ್ಮಹತ್ಯೆ ಎಂದು ಬಿಂಬಿಸಿದ್ರು. ಆದ್ರೆ, ಸಾವಿಗೆ ನಿಖರವಾದ ಕಾರಣ ತಿಳಿದು ಬಂದಿಲ್ಲ. ಇದೀಗ, ಮಾಜಿ ಸಿಎಂ ಹೆಚ್​ಡಿಕೆ ಈ ವಿಚಾರವನ್ನ ಕೆದಕಿದ್ದಾರೆ..