ಉತ್ತರ ಕನ್ನಡ ಜಿಲ್ಲೆಯಲ್ಲಿ ಸಿಎಂ ಬೊಮ್ಮಾಯಿ ಪ್ರವಾಹ ಪ್ರವಾಸ : ಕಣ್ಣೀರಿಟ್ಟ ಶಾಲಾ ಮಕ್ಕಳು

ರೈಸಿಂಗ್ ಕನ್ನಡ, ಉತ್ತರ ಕನ್ನಡ :

ಸಿಎಂ ಆದ ಮೊದಲ ದಿನವೇ ಚುರುಕಾಗಿದ್ದ ಬೊಮ್ಮಾಯಿ, ಎರಡನೇ ದಿನ ಗುರುವಾರ ಉತ್ತರ ಕನ್ನಡ ಜಿಲ್ಲೆಯ ಪ್ರವಾಹ ಪೀಡಿತ ಪ್ರದೇಶಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ರು.  ಯಲ್ಲಾಪರ ತಾಲೂಕಿನ ಕಳಚೆ ಗ್ರಾಮ, ಅರಬೈಲು ಘಟ್ಟ, ಗುಳ್ಳಾಪುರ ಸೇರಿ ಹಲವು ಪ್ರದೇಶದಲ್ಲಿ ಸಿಎಂ ಪರಿಶೀಲನೆ ನಡೆಸಿದ್ರು. ಈ ವೇಳೆ ಸಿಎಂ ಬಳಿ ತಮ್ಮ ಸಮಸ್ಯೆ ಹೇಳುತ್ತಾ ಮಕ್ಕಳು ಕಣ್ಣೀರಿಟ್ರು. ಪ್ರವಾಹದಿಂದಾಗಿ ಶಾಲೆಗೂ ಹೋಗಕ್ಕಾಗ್ತಿಲ್ಲ. ಇಂಟರ್​ನೆಟ್​ ಸಮಸ್ಯೆಯಿಂದ ಆನ್​ಲೈನ್​ ಕ್ಲಾಸ್​ಗೆ ಸಮಸ್ಯೆ ಆಗ್ತಿದೆ ಅಂತಾ ವಿದ್ಯಾರ್ಥಿಗಳು ಸಿಎಂ ಬಳಿ ಕಣ್ಣೀರಿಟ್ರು.

ಪ್ರವಾಹದಿಂದಾಗಿ ಬದುಕು ಕಳೆದುಕೊಂಡಿದ್ದ ಸಂತ್ರಸ್ತರಿಗೆ ಸೂಕ್ತ ಪರಿಹಾರ ನೀಡೋದಾಗಿ ಸಿಎಂ ಭರಸವೆ ನೀಡಿದ್ರು. ಬಳಿಕ ತಾಲೂಕು ಆಸ್ಪತ್ರೆ ಬಳಿಯಿರೋ ಕೋವಿಡ್ ಸೆಂಟರ್​ಗೂ ಸಿಎಂ ಬೊಮ್ಮಾಯಿ ಭೇಟಿ ನೀಡಿ ಪರಿಶೀಲಿಸಿದ್ರು. ಈ ವೇಳೆ ಸಿಎಂಗೆ ಶಾಸಕ ಶಿವರಾಂ ಹೆಬ್ಬಾರ್, ಡಿಸಿ ಮುಲ್ಲಯ್ ಮುಹಿಲನ್ ಸಾಥ್ ನೀಡಿದ್ರು.

ಬಳಿಕ ಸ್ಥಳೀಯ ಅಧಿಕಾರಿಗಳೊಂದಿಗೆ ಸಭೆ ನಡೆಸಿದ ಸಿಎಂ ಅಂಕೋಲಾ ತಾಲೂಕು ಕಚೇರಿಯಲ್ಲಿ ಪ್ರಧಾನಿ ಮೋದಿ ಜೊತೆಗಿನ ವಿಡಿಯೋ ಕಾನ್ಫರೆನ್ಸ್​ನಲ್ಲಿ ಭಾಗಿಯಾಗಿದ್ರು. ಈ ವೇಳೆ ರಾಜ್ಯದಲ್ಲಿನ ಪ್ರವಾಹ ಪರಿಸ್ಥಿತಿ ಕುರಿತು ಪ್ರಧಾನಿ ಮೋದಿಗೆ ಮಾಹಿತಿ ನೀಡಿದ್ರು.