Featured
ಸುಸ್ಥಿಯಲ್ಲಿ ಚಂದ್ರಯಾನ -2 ಪ್ರಗ್ಯಾನ್ ರೋವರ್ ನೌಕೆ: ವಿಕ್ರಮ್ ಲ್ಯಾಂಡರ್ ಪತ್ತೆ ಹಚ್ಚಿದ ಚೆನ್ನೈ ವಿಜ್ಞಾನಿ ಷಣ್ಮುಗ
ರೈಸಿಂಗ್ ಕನ್ನಡ :
ನ್ಯೂಸ್ ಡೆಸ್ಕ್ :
ಚಂದ್ರಯಾನ -2 ಯೋಜನೆ ತಾಂತ್ರಿಕವಾಗಿ ವಿಫಲಗೊಂಡು ನಿರಾಸೆ ಮೂಡಿಸಿತ್ತು. ಆದರೆ ಇದೀಗ ಚಂದ್ರಯಾನ -2ನ ವಿಕ್ರಮ್ ಲ್ಯಾಂಡರ್ ಪ್ರಗ್ಯಾನ್ ರೋವರ್ ಜೀವಂತವಾಗಿದೆ ಹಾನಿಗೊಳಗಾಗಿಲ್ಲ ಎನ್ನುವ ಅಚ್ಚರಿಯ ವಿಷಯವನ್ನ ಚೆನ್ನೈ ಮೂಲದ ಬಾಹ್ಯಾಕಾಶ ವಿಜ್ಞಾನಿ ಷಣ್ಮುಗ ಸುಬ್ರಹ್ಮಣಿಯನ್ನ ಸಾಬೀತು ಮಾಡಿದ್ದಾರೆ.
ಕೆಲವು ತಿಂಗಳ ಹಿಂದೆ ಚಂದ್ರಯಾನ -2 ಯೋಜನೆಯಲ್ಲಿ ಚಂದ್ರನ ದಕ್ಷಿಣ ಧ್ರವದಲ್ಲಿ ವಿಕ್ರಮ್ ಲ್ಯಾಂಡರ್ ಪತ್ತೆಗೆ ಇದೇ ಷಣ್ಮುಗ ಸುಬ್ರಹ್ಮಣಿಯನ್ ಬಹಿರಂಗಪಡಿಸಿದ್ದರು.
ಚಂದ್ರನ ಮೇಲ್ಮೈಯಲ್ಲಿ ಇಸ್ರೋದ ನೌಕೆಯೊಂದು ಈಗಲೂ ಇರುವುದು ಅಮೇರಿಕಾದ ನಾಸಾ ಸೇರಿದಂತೆ ಇಡೀ ವಿಶ್ವದ ಗಮನ ಸೆಳೆದಿದೆ. ಲ್ಯಾಂಡಿಂಗ್ ವಿಫಲವಾಗಿದ್ದರೂ ಭಾರತೀಯ ಖಗೋಳ ವಿಜ್ಞಾನಿಗಳ ಶ್ರಮದ ಪ್ರತೀಕಾರವಾಗಿ ಈ ರೋವರ್ ಚಂದ್ರನ ಮೇಲ್ಮೈಯಲ್ಲಿ ಇದೆ.
ಚಂದ್ರನ ನಿರ್ದಿಷ್ಟ ಕಕ್ಷೆ ಸೇರುವ ಕೊನೆ ಹಂತದಲ್ಲಿ ವಿಫಲಗೊಂಡರೂ ಪ್ರಗ್ಯಾನ್ ರೋವರ್ ಈಗಲೂ ಸುಸ್ಥಿಯಲ್ಲಿದೆ ಎಂದು ಚೆನ್ನೈ ಮೂಲದ ಬಾಹ್ಯಾಕಾಶ ವಿಜ್ಞಾನಿ ಷಣ್ಮುಗ ಸುಬ್ರಮಣ್ಯನ್ ತಿಳಿಸಿದ್ದಾರೆ.
ಚಂದ್ರಯಾನ 2 ವಿಫಲಗೊಂಡ ನಂತರವೂ ಶೋದನೆ ಮುಂದುವರೆಸಿದ್ದ ವಿಜ್ಞಾನಿ ಷಣ್ಮುಗನ್, ವಿಕ್ರಮ್ ಲ್ಯಾಂಡರ್ ಅವಶೇಷದಿಂದ ಕೆಲವೇ ಮೀಟರ್ಗಳ ಅಂತರದಲ್ಲಿ ಪ್ರಗ್ಯಾನ್ ರೋವರ್ ಜಖಂಗೊಳ್ಳದೇ ಉಳಿದಿರುವುದನ್ನ ಪತ್ತೆಮಾಡಿದ್ದಾರೆ.ಕಳೆದ ವರ್ಷ ಉಡಾವಣೆಯಾದ ಪ್ರಗ್ಯಾನ್ ಚಂದ್ರನ ಕಕ್ಷೆ ಸೇರಲು 2.1 ಕಿ.ಮೀಟರ್ ದೂರ ಇರುವಾಗಲೇ ಸಂಪರ್ಕ ಕಳೆದುಕೊಂಡಿತ್ತು.
