ರಾಬರ್ಟ್​ ಚಿತ್ರದ 2ನೇ ಹಾಡು ಹೋಳಿಯಂದು ಬಿಡುಗಡೆ

ರೈಸಿಂಗ್ ಕನ್ನಡ :- ತರುಣ್ ಸುಧೀರ್ ನಿರ್ದೇಶನದ ರಾಬರ್ಟ್​ ಸಿನಿಮಾದ ಮೊದಲ ಹಾಡು ಬಾ ಬಾ ಬಾ ಬಾ ನಾ ರೆಡಿ ಇತ್ತೀಚೆಗೆ ಬಿಡುಗಡೆಯಾಗಿ ಸಖತ್ ಸದ್ದು ಮಾಡಿತ್ತು. ಇದೀಗ ಎರಡನೇ ಹಾಡು ಬಿಡುಗಡೆಗೆ ಚಿತ್ರತಂಡ ನಿರ್ಧರಿಸಿದೆ. ಮಾರ್ಚ್​ 9ರಂದು ಹೋಳಿ ಹಬ್ಬದ ಸಂಭ್ರಮದಂದು ರಾಬರ್ಟ್​ ಚಿತ್ರತಂಡ ಅಭಿಮಾನಿಗಳಿಗೆ ಮತ್ತೊಂದು ಗಿಫ್ಟ್ ನೀಡಲು ಮುಂದಾಗಿದೆ.

ರಾಬರ್ಟ್​ ಚಿತ್ರದ ಹವಾ ಎಲ್ಲೆಲ್ಲೂ ಹರಡಿದೆ. ಏಪ್ರಿಲ್ 9ರಂದು ಸಿನಿಮಾ ರಿಲೀಸ್ ಆಗುವ ಸಾಧ್ಯತೆ ಇದೆ. ಚಿತ್ರದ ಬಿಡುಗಡೆಗಡ ಇನ್ನೇನು ಕೆಲವೇ ದಿನಗಳಿರುವಾಗ ನಿರ್ದೇಶಕ ತರುಣ್ ಸುಧೀರ್ ಪ್ರಚಾರದ ಕೆಲಸಗಳಿಗೆ ಚುರುಕು ನೀಡಿದ್ದಾರೆ. ಮೊನ್ನೇ ತಾನೇ ಬಾ ಬಾ ಬಾ ಬಾ ನಾ ರೆಡಿ ಎಂದಿದ್ದ ರಾಬರ್ಟ್​ ಈಗ ರಾಮ ಸ್ಮರಣೆ ಮಾಡಲು ಸಜ್ಜಾಗಿದ್ದಾನೆ. ಅಂದರೆ ಜೈ ಶ್ರೀರಾಮ್ ಎಂದು ಹಾಡು ಬಿಡುಗಡೆಗೆ ಸಿದ್ದವಾಗಿದೆ.

ಹೋಳಿ ಹಬ್ಬದಂದು ರಾಬರ್ಟ್​ ಚಿತ್ರದ 2ನೇ ಹಾಡು ಜೈ ಶ್ರೀರಾಮ್ ಬಿಡುಗಡೆ ಮಾಡಲು ಚಿತ್ರತಂಡ ನಿರ್ಧರಿಸಿದೆ. ಮಾರ್ಚ್​ 9ರಂದು ಮಧ್ಯಾಹ್ನ 12.03ಗಂಟೆಗೆ ಹಾಡು ರೀಲಿಸ್ ಮಾಡಲು ನಿರ್ದೇಶಕ ತರುಣ್ ಸುಧೀರ್ ನಿರ್ಧರಿಸಿದ್ದಾರೆ.

ರಾಬರ್ಟ್​ ಸಿನಿಮಾದಲ್ಲಿ ದರ್ಶನ್ ಮೂರು ಶೇಡ್ ಗಳಲ್ಲಿ ಕಾಣಿಸಿಕೊಂಡಿದ್ದಾರೆ.ಅದರಲ್ಲಿ ಒಂದು ರಾಬರ್ಟ್​ ಅವತಾರದಲ್ಲಿ ಅಭಿಮಾನಿಗಳ ಮುಂದೆ ಬಂದರೆ ಉಳಿದೆರಡು ಶೇಡ್​ಗಳು ಸಿನಿಮಾ ಬಿಡುಗಡೆಯಾದ ನಂತರವಷ್ಟೇ ಗೊತ್ತಾಗುತ್ತದೆ.