ಜಮ್ಮುಕಾಶ್ಮೀರದಿಂದ 10ಸಾವಿರ ಪ್ಯಾರಾಮಿಲಿಟರಿ ಫೋರ್ಸ್​ ವಾಪಾಸ್- ಕೇಂದ್ರ ಸರ್ಕಾರದಿಂದ ಆದೇಶ​​

ರೈಸಿಂಗ್​ ಕನ್ನಡ ನ್ಯೂಸ್​ ಡೆಸ್ಕ್​:

ಜಮ್ಮು ಕಾಶ್ಮೀರದ ಕಣಿವೆಯ ಪರಿಸ್ಥಿತಿಯನ್ನು ಹತೋಟಿಗೆ ತರಲು ನಿಯೋಜಿಸಲಾಗಿದ್ದ 10,000 ಪ್ಯಾರಾಮಿಲಿಟರಿ ಪಡೆಗಳನ್ನು ಕೇಂದ್ರ ಸರ್ಕಾರ ವಾಪಾಸ್​ ಕರೆಸಿಕೊಂಡಿದೆ.  ಸುಮಾರು 10,000 ಅರೆಸೈನಿಕ ಪಡೆಗಳನ್ನು ತಕ್ಷಣವೇ ಹಿಂಪಡೆಯಲು ಕೇಂದ್ರ ಆದೇಶಿಸಿದ್ದು ಗೃಹ ಸಚಿವಾಲಯ ಸದ್ಯ ಕಣಿವೆಯಲ್ಲಿರುವ ಪರಿಸ್ಥಿತಿಯನ್ನು ಪರಿಶೀಲಿಸಿ ಈ ಕ್ರಮ ಕೈಗೊಂಡಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ವರ್ಷದ ಹಿಂದೆ  ಆರ್ಟಿಕಲ್​​​ 370ಯನ್ನು ಕೇಂದ್ರ ಸರ್ಕಾರ ರದ್ದುಗೊಳಿಸಿತ್ತು. ಈ ವೇಳೆ  ಸುರಕ್ಷತೆ ದೃಷ್ಟಿಯಿಂದ ಪ್ಯಾರಾಮಿಲಿಟರಿ ಪಡೆಗಳನ್ನು ನಿಯೋಜನೆ ಮಾಡಲಾಗಿತ್ತು. ಈಗ  ತಕ್ಷಣದಿಂದ ಜಾರಿಗೆ ಬರುವಂತೆ 100 ಸೇನಾ ತುಕಡಿಗಳನ್ನು ವಾಪಸ್ ಪಡೆಯಲು ನಿರ್ಧರಿಸಲಾಗಿದೆ.

ಈ ನಡುವೆ ಇನ್ನೂ 300 ತುಕಡಿಗಳು ಜಮ್ಮು ಕಾಶ್ಮೀರದಲ್ಲಿ ಬೀಡು ಬಿಟ್ಟಿವೆ. ಇವುಗಳನ್ನು ಕೂಡ ಶೀಘ್ರದಲ್ಲೇ ವಾಪಾಸ್​ ಕರೆಸಿಕೊಳ್ಳುವ ಚರ್ಚೆ ನಡೆಯುತ್ತಿದೆ. ಆರ್ಟಿಕಲ್​ 370 ರದ್ದಾದ ಬಳಿಕ ಜಮ್ಮುಕಾಶ್ಮೀರವನ್ನು ದೇಶದ ಇತರೆ ರಾಜ್ಯಗಳಂತೆ ಸಾಮಾನ್ಯ ರಾಜ್ಯವೆಂದು ಘೋಷಿಸಲಾಗಿದೆ. ಲಡಾಕ್​​ ಅನ್ನು ಕೇಂದ್ರಾಡಳಿತ ಪ್ರದೇಶವೆಂದು ವಿಭಜಿಸಲಾಗಿದೆ.