ಡಿ.ಕೆ.ಸಹೋದರರ ಮನೆ ಮೇಲೆ ಸಿಬಿಐ ದಾಳಿ: 15ಕ್ಕೂ ಹೆಚ್ಚು ಕಡೆ ಪರಿಶೀಲನೆ: ಕಾಂಗ್ರೆಸ್ ಖಂಡನೆ

ರೈಸಿಂಗ್ ಕನ್ನಡ:

ಬೆಂಗಳೂರು: 

ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್​ ಮತ್ತು ಅವರ ಸಹೋದರ ಡಿ.ಕೆ.ಸುರೇಶ್​ ನಿವಾಸದ ಮೇಲೆ ಸಿಬಿಐ ಸೋಮವರಾ ಬೆಳ್ಳಂ ಬೆಳಗ್ಗೆ ದಾಳಿ ನಡೆಸಿ ಆಘಾತ ನೀಡಿದೆ.

ಡಿ.ಕೆ.ಶಿವಕುಮಾರ್ ಅವರ ಸದಾಶಿವನಗರದ ನಿವಾಸ ಅವರ ಊರು ರಾಮನಗರದ ದೊಡ್ಡ ಆಲದಹಳ್ಳಿಯ ಮನೆ ಸೇರಿ 15 ಹೆಚ್ಚು ಕಡೆಗಳಲ್ಲಿ 60ಕ್ಕೂ ಹೆಚ್ಚು ಸಿಬಿಐ ಅಧಿಕಾರಿಗಳು ಏಕಾಏಕಿ ದಾಳಿ ನಡೆಸಿದ್ದಾರೆ.

ಬೆಳಗ್ಗೆ 6 ಗಂಟೆಗೆ ಥಾಮ್ಸನ್​ ನೇತೃತ್ವದಲ್ಲಿ ದಾಳಿ ನಡೆದಿದೆ. ಮೇಲ್ನೋಟಕ್ಕೆ ವ್ಯವಸ್ಥಿತವಾಗಿ ದಾಳಿ ಮಾಡಿದಂತೆ ಕಂಡು ಬಂದಿದ್ದು ಡಿಕೆ ಶಿವಕುಮಾರ್​ ಅವರನ್ನ ಕೂರಿಸಿಕೊಂಡು ಮಾಹಿತಿ ಕಲೆ ಹಾಕುತ್ತಿದ್ದಾರೆ.

ಡಿಕೆ ಸಹೋದರರ ಬೆಂಗಳೂರು,ರಾಮನಗರ ನಿವಾಸಗಳೆ ಮೇಲೆ ಮಾತ್ರವಲ್ಲ

ಸಂಸದ ಡಿಕೆ ಸುರೇಶ್​ ವಾಸ್ತವ್ಯ ಹೂಡುವ ಕಾವೇರಿ ಅಪಾರ್ಟ್​ಮೆಂಟ್​ ಮುಂಬೈನಲ್ಲಿರುವ ಅಪಾರ್ಟ್​ ಮೆಂಟ್​ ಮೇಲೂ ದಾಳಿ ನಡೆಸಲಾಗಿದೆ.

ಡಿಕೆ ಸಹೋದರರ ಅವರ ಮೇಲೆ ದಾಳೆ ನಡೆದಿರುವ ಕುರಿತು ಕಾಂಗ್ರೆಸ್​ ಆಕ್ರೋಶ ವ್ಯಕ್ತಪಡಿಸಿದೆ. ಮೋದಿ –ಯಡಿಯೂರಪ್ಪ ಜೋಡಿ ತಮ್ಮ ಕೈಗೊಂಬೆ ಯಾಗಿರೋ ಸಿಬಿಐ ಮೂಲಕ ತಮ್ಮ ಕುತಂತ್ರಗಳನ್ನ ಕಪಟ ಆಟ ಆಡಿಸುತ್ತಿದ್ದಾರೆ. ಇದರಿಂದ ನಮ್ಮನ್ನ ತಡೆಯಲು ಸಾಧ್ಯವಿಲ್ಲ ಎಂದು ಕರ್ನಾಟಕ ಕಾಂಗ್ರೆಸ್​ ಉಸ್ತುವಾರಿ ರಣದೀಪ್​ ಸಿಂಗ್ ಸುರ್ಜೆವಾಲ ಟ್ವೀಟ್​ನಲ್ಲಿ ತಿಳಿಸಿದ್ದಾರೆ.

ರೇಸ್​ ಕೋರ್ಸ್​ನಲ್ಲಿರುವ  ಕಾಂಗ್ರೆಸ್​ ಭವನದಲ್ಲಿ ಕಾರ್ಯಕರ್ತರು ತಮ್ಮ ನಾಯಕರ ಮನೆ ಮೇಲೆ ಸಿಬಿಐ ದಾಳಿ ನಡೆದಿರುವುದನ್ನ ಖಂಡಿಸಿ ಪ್ರತಿಭಟಿಸಿದರು.