ಬಳ್ಳಾರಿಯಲ್ಲಿ ಸಿಡಿಲು ಬಡಿದು ಜಾನುವಾರುಗಳ ಸಾವು

ರೈಸಿಂಗ್ ಕನ್ನಡ:

ದಾವಣಗೆರೆ :

ಬಳ್ಳಾರಿ ಜಿಲ್ಲೆ ಹರಪನಹಳ್ಳಿ ತಾಲ್ಲೂಕ್ ರಾಮಘಟ್ಟ ದೊಡ್ಡ ತಾಂಡದಲ್ಲಿ ಸಿಡಿಲು ಬಡಿದು ಕುರಿ, ಎಮ್ಮೆ, ಕರು ಸಾವನ್ನಪ್ಪಿದ ಘಟನೆ ನಡೆದಿದೆ.

ರೈತ ಲೋಕ್ಯನಾಯ್ಕ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ತಮ್ಮ ಹೊಲದಲ್ಲಿರುವ ಮರವೊಂದಕ್ಕೆ ಜಾನುವಾರುಗಳನ್ನು ಕಟ್ಟಿ ಹಾಕಿ ಮೇವು ತರುವ ವೇಳೆ ಸಿಡಿಲು ಬಡಿದಿದೆ.

ಸ್ಥಳದಲ್ಲಿ ಜಾನುವಾರು ಮೃತಪಟ್ಟಿದ್ದು, ಸಿಡಿಲ ಅಬ್ಬರಕ್ಕೆ ಲೋಕ್ಯನಾಯ್ಕ ಅವರಿಗೆ ಗಾಯವಾಗಿದೆ.

ಸದ್ಯ ರೈತ ಪ್ರಾಣಾಪಾಯದಿಂದ ಪಾರಾಗಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕಳೆದ ಒಂದು ವಾರದಿಂದ ನಿರಂತರವಾಗಿ ಸುರಿಯುತ್ತಿರುವ ಮಳೆ ನಿನ್ನೆ ಗುಡುಗು ಸಿಡಿಲು ಬಿರುಗಾಳಿ ಸಹಿತ ಮಳೆಯಾಗಿತ್ತು. ಈ ವೇಳೆ ಸಿಡಿಲು ಬಡಿದು ಜಾನುವಾರುಗಳು ಮೃತಪಟ್ಟಿವೆ