ಚಿತ್ರದುರ್ಗದಲ್ಲಿ ಖಾಸಗಿ ಬಸ್ ಅಗ್ನಿಗಾಹುತಿ: ಮೃತ ಐವರು ವಿಜಯಪುರದವರು

ವಿಜಯಪುರ :

ರೈಸಿಂಗ್​ ಕನ್ನಡ :

ಚಿತ್ರದುರ್ಗ ಜಿಲ್ಲೆಯ ಹಿರಿಯೂರು ತಾಲೂಕಿನ  ಕೆ .ಆರ್.ಹಳ್ಳಿ ಬಳಿ ಖಾಸಗಿ ಬಸ್‌ ಅಗ್ನಿಗಾಹುತಿಯಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೃತ ಐವರು ವಿಜಯಪುರದವರೆಂದು ಗುರುತಿಸಲಾಗಿದೆ.

 ಬೆಂಕಿಗಾಹುತಿಯಾದ ಬಸ್ ನಿನ್ನೆ ರಾತ್ರಿ 9 ಗಂಟೆಗೆ ವಿಜಯಪುರದಿಂದ ಹೊರಟಿತ್ತು. ಟಿಕೆಟ್  ಬುಕ್ಕಿಂಗ್  ಏಜೆನ್ಸಿ ಮಾಹಿತಿ ಪ್ರಕಾರ ಬಸ್ ನಲ್ಲಿ‌ 29 ಪ್ರಯಾಣಿಕರು, 2 ಚಾಲಕರು ಹಾಗೂ 1 ಕ್ಲೀನರ್ ಇದ್ದರೆಂದು ಮಾಹಿತಿ ತಿಳಿದು ಬಂದಿದೆ.

ಕುಕ್ಕೆಶ್ರೀ ಟ್ರಾವೆಲ್ಸ್ ಹೆಸರಿನ ಬಸ್

ಬೆಂಗಳೂರು ಮೂಲದ ದೇವರಾಜ್ ಎಂಬುವವರ ಒಡೆತನದ ಟ್ರಾವೆಲ್ಸ್ ಇದಾಗಿದ್ದು, ‌ವಿಜಯಪುರದಿಂದ ಬೆಂಗಳೂರಿಗೆ ತೆರಳುತ್ತಿತ್ತು.‌ ಬೆಂಕಿ ಅವಘಡದಲ್ಲಿ ಐವರು ಸಜೀವ ದಹನವಾಗಿದ್ದು, ಇಬ್ಬರು ಮಹಿಳೆಯರು ಮೂವರು ಮಕ್ಕಳು ಸಾವನಪ್ಪಿದ್ದಾರೆ.

 ವಿಜಯಪುರ ಮೂಲದ ಮೃತರು ಶಿಲಾ (33) ಸ್ಪರ್ಷಾ (8) ಸಮೃದ್ಧ (5) ಕವಿತಾ (29) ನಿಶ್ಚಿತಾ (3)ಮೃತರು ಎಂದು ವಿಜಯಪುರ ಎಸ್ಪಿ ಅನುಪಮ ಅಗ್ರವಾಲ್ ಮಾಹಿತಿ ನೀಡಿದ್ದಾರೆ. ಬಸ್ಸಿನಲ್ಲಿ ಸಂಪೂರ್ಣ ಸುಟ್ಟು ಕರಕಲಾಗಿರುವ ಐವರ ತಲೆ ಬುರಡೆಗಳು ಪತ್ತೆಯಾಗಿತ್ತು.ಅವಘಡದಲ್ಲಿ 27 ಮಂದಿ ಗಾಯಗೊಂಡಿದ್ದರು.