ಯಡಿಯೂರಪ್ಪ ನನ್ನ ನಂಬರ್​ ಒನ್ ಶತ್ರು..! ಆದ್ರೆ, BSY ಇಲ್ಲಾಂದ್ರೆ ಬಿಜೆಪಿ ಇಲ್ಲ : ವಾಟಾಳ್​ ನಾಗರಾಜ್​ ಹೀಗೆ ಹೇಳಿದ್ಯಾಕೆ.?

ಚಾಮರಾಜನಗರ : ಮುಖ್ಯಮಂತ್ರಿ ಯಡಿಯೂರಪ್ಪ ನನ್ನ ನಂಬರ್​ ಒನ್​ ಶತ್ರು. ಯಡಿಯೂರಪ್ಪ ಬಗ್ಗೆ ನನಗೇನು ಒಳ್ಳೆಯ ಅಭಿಪ್ರಾಯ ಇಲ್ಲ. ಹತ್ತು ವರ್ಷಗಳ ಕಾಲ ನನ್ನ ವಿರುದ್ಧ ಕ್ಯಾಂಡಿಡೇಟ್ ಹಾಕಿದ್ರು.. ಮುಖ್ಯಮಂತ್ರಿ ಆದಮೇಲೂ ಒಂದೇ ಒಂದು ದಿನ ಹೋಗಿ ಭೇಟಿಯಾಗಿಲ್ಲ. ನನ್ನಪಾಡಿಗೆ ನಾನು, ಇದ್ದೀನಿ.. ಅವನ ಪಾಡಿಗೆ ಅವನಿದ್ದಾನೆ.. ಹೀಗೆ ಹೇಳಿದ್ದು ವಾಟಾಳ್ ನಾಗರಾಜ್​.

ಚಾಮರಾಜನಗರದಲ್ಲಿ ಮಾತ್ನಾಡಿದ ವಾಟಾಳ್​​, ಒಂದ್​ ಕಡೆ ಯಡಿಯೂರಪ್ಪ ಅವರನ್ನ ತೆಗಳಿ ಮತ್ತೊಂದು ಕಡೆ ಹೊಗಳಿದ್ರು. ಯಡಿಯೂರಪ್ಪ ನನಗೆ ಬಂಬರ್ ಒನ್ ಶತ್ರು. ಅದರಲ್ಲಿ ಎರಡು ಮಾತೇ ಇಲ್ಲ ಎಂದ ವಾಟಾಳ್​,  ಯಡಿಯೂರಪ್ಪ ಇಲ್ಲದೆ ಬಿಜೆಪಿ ಇಲ್ಲ, ಯಡಿಯೂರಪ್ಪ ಇಲ್ಲದೆ ಯಾವ ಈಶ್ವರಪ್ಪನೂ ಇಲ್ಲ ಗಣೇಶಪ್ಪನೂ ಇಲ್ಲ ಎಂದು ಬಿಎಸ್​ವೈ ಅವರನ್ನ ವಾಟಾಳ್ ಹೊಗಳಿದ್ರು.

ಒಂಡ್​ ಕಡೆ ನನಗೆ ಶತ್ರು ಯಡಿಯೂರಪ್ಪ ಎಂದ ವಾಟಾಳ್​, ಮತ್ತೊಂದು ಕಡೆ ಯಡಿಯೂರಪ್ಪ ಅವರಿಂದಲೇ ಬಿಜೆಪಿ ನಿಂತಿದೆ ಎಂದ್ರು. ಇದೇ ವೇಳೆ, ಬಂಡಿಪುರ ಮಾರ್ಗ ರಾತ್ರಿ ಸಂಚಾರ ನಿಷೇಧ ಮುಂದುವರೆಸಬೇಕು. ಯಾರ ಲಾಬಿಗೂ ಒಳಗಾಗಬಾರದು ಎಂದು, ರಾಷ್ಟ್ರೀಯ ಹೆದ್ದಾರಿ ತಡೆದು ಪ್ರತಿಭಟನೆ ಕೂಡ ನಡೆಸಿದ್ರು.