ಮಂಗಳವಾರ ರಾತ್ರಿಯಿಂದ ಬೆಂಗಳೂರು ಲಾಕ್​ಡೌನ್..! ಜುಲೈ 23ರ ತನಕ ಫುಲ್ ಬಂದ್.. ಬಂದ್..!

ರೈಸಿಂಗ್​ ಕನ್ನಡ:

ಬೆಂಗಳೂರು:

ಕೊರೊನಾ ಮಹಮಾರಿ ತಡೆಯಲು ಕರ್ನಾಟಕ ಸರ್ಕಾರ ಕಟ್ಟ ಕಡೆಯ ಅಸ್ತ್ರವನ್ನು ಜಾರಿಗೆ ತಂದಿದೆ. ಬೆಂಗಳೂರಿನಲ್ಲಿ ಒಂದುವಾರಗಳ ಕಾಲ ಲಾಕ್​ಡೌನ್​​ ಹೇರಿದೆ. ಬೆಂಗಳೂರು ಮತ್ತು ಬೆಂಗಳೂರು ಗ್ರಾಮಾಂತರಕ್ಕೆ  ಲಾಕ್​ಡೌನ್​ ಅನ್ವಯ ಆಗಲಿದೆ. ರಾಜ್ಯದ ಉಳಿದ ಜಿಲ್ಲೆಗಳಲ್ಲಿ ಯಾವುದೇ ಲಾಕ್​ಡೌನ್​ ಇರುವುದಿಲ್ಲ.

ಶನಿವಾರದಿಂದ ಸೋಮವಾರ ಬೆಳಗ್ಗಿನ ತನಕ ರಾಜ್ಯ ಲಾಕ್​ಡೌನ್​..!

ಸರ್ಕಾರದ ಹಿಂದಿನ ಆದೇಶದಂತೆ ಶನಿವಾರ ರಾತ್ರಿ 8ಗಂಟೆಯಿಂದ ಸೋಮವಾರ ಬೆಳಗ್ಗೆ 5 ಗಂಟೆ ತನಕ ಇಡೀ ರಾಜ್ಯದಲ್ಲಿ ಲಾಕ್​ಡೌನ್​ ಇರುತ್ತದೆ.  ಮಂಗಳವಾರ ರಾತ್ರಿ 8 ಗಂಟೆಯಿಂದ ಜುಲೈ 23ರ ತನಕ ಬೆಂಗಳೂರು ಗ್ರಾಮಾಂತರ ಮತ್ತು ಬೆಂಗಳೂರು ನಗರ ಜಿಲ್ಲೆಗಳಲ್ಲಿ ಲಾಕ್​ಡೌನ್​​ ಆಗಲಿದೆ. ಹೀಗಾಗಿ ಬೆಂಗಳೂರಿನಿಂದ ಹೊರಹೋಗುವವರು ಮತ್ತು ಒಳಬರುವವರು ಮಂಗಳವಾರ ರಾತ್ರಿ 8 ಗಂಟೆ ಒಳಗೆ ಕೆಲಸ ಮುಗಿಸಿಕೊಳ್ಳಬೇಕಿದೆ.

ಇವು ಇರುತ್ತೆ..!

ಲಾಕ್​​ಡೌನ್ ಸಮಯದಲ್ಲಿ ಆಸ್ಪತ್ರೆಗಳು, ಮೆಡಿಕಲ್​ಗಳು, ದಿನಸಿ, ಹಾಲು ಮತ್ತು ತಕಾರಿ ಸೇರಿದಂತೆ ಅಗತ್ಯ ಸೇವೆಗಳು ಲಭ್ಯವಿರಲಿದೆ.  ಈಗಾಗಲೇ ನಿಗದಿಯಾಗಿರುವ  ವೈದ್ಯಕೀಯ ಪದವಿ ಮತ್ತು ಸ್ನಾತಕೊತ್ತರ ಪರೀಕ್ಷೆಗಳು ನಡೆಯಲಿವೆ.  ಲಾಕ್​ ಡೌನ್​ ನಿಯಮಗಳನ್ನು ಪಾಲಿಸಿ, ಸಾಮಾಜಿಕ ಅಂತರ ಕಾಯ್ದುಕೊಂಡು ಮತ್ತು ಮಾಸ್ಕ್​ ಧರಿಸಿ ಲಾಕ್​ಡೌನ್​ ವೇಳೆ ಅಗತ್ಯ ಸೇವೆಗಳನ್ನು  ಬಳಸಿಕೊಳ್ಳಬಹುದು,

ಇವು ಇರಲ್ಲ..!

ಸಾರ್ವಜನಿಕ ಸಾರಿಗೆಯಾದ  ಬಿಎಂಟಿಸಿ ಸೇವೆ,  ಬಾರ್​​ ಅಂಡ್​ ರೆಸ್ಟೋರೆಂಟ್​​, ವೈನ್​ಶಾಪ್​​ ಸೇರಿದಂತೆ ಹೊಟೇಲ್​ ಇರುವುದಿಲ್ಲ. ಟ್ಯಾಕ್ಸಿ ಸೇವೆಗಳು, ಬೈಕ್​ ಸೇವೆಗಳು ಕೂಡ ಲಭ್ಯವಿರುವುದಿಲ್ಲ. ಈ ಲಾಕ್​ ಡೌನ್​ ಜುಲೈ 14ಕ್ಕೆ ಆರಂಭವಾಗಿ ಜುಲೈ 23ರ ತನಕ ಇರಲಿದೆ. ಬೆಂಗಳೂರು ನಗರ ಮತ್ತು ಬೆಂಗಳೂರು ಗ್ರಾಮಾಂತರ ಜಿಲ್ಲೆಗಳಿಗೆ ಮಾತ್ರ ಇದು ಅನ್ವಯ ಆಗಲಿದೆ.