ಕರ್ನಾಟಕದ ನಟಿ ಕಾಲಿಗೆ ಬಿದ್ದು ಮುತ್ತಿಟ್ಟ ಬಾಲಿವುಡ್​​ ಸ್ಟಾರ್ ನಟ : ಸಿಕ್ಕಾಪಟ್ಟೆ ವೈರಲ್​ ಜೊತೆ ವಿವಾದ..!

ರೈಸಿಂಗ್ ಕನ್ನಡ :

ಸಿನಿಮಾಗಾಗಿ ಏನು ಬೇಕಾದ್ರೂ ಮಾಡ್ತಾರೆ ಅನ್ನೋದು ಮತ್ತೊಮ್ಮೆ ಸಾಬೀತಾಗಿದೆ. ಯಾವುದೇ ಹೀರೋ, ಹೀರೋಯಿನ್​ ಹೊರಗಡೆ ಸಾವರ್ಜನಿಕವಾಗಿ ಬಂದ್ರೆ, ಅಭಿಮಾನಿಗಳು ಮುತ್ತಿಕೊಳ್ಳುವುದು ಸಾಮಾನ್ಯ. ಫೋಟೋಗಾಗಿ ಫೋಸು, ನೂಕಾಟ, ತಳ್ಳಾಟ ಎಲ್ಲವೂ ನೋಡಿದ್ದೇವೆ. ಆದ್ರೆ, ಬಾಲಿವುಡ್​ ಸ್ಟಾರ್ ನಟ ಅಕ್ಷಯ್ ಕುಮಾರ್, ಕರ್ನಾಟಕದ ನಟಿಯ ಕಾಲಿಗೆ ಬಿದ್ದು, ಮುತ್ತಿಕ್ಕಿದ್ದಾರೆ. ಇಷ್ಟಕ್ಕೂ ಆ ನಟಿ ಯಾರು ಅಂದ್ರೆ, ಅವರೇ ಪೂಜಾ ಹೆಗ್ಡೆ.

ಯೆಸ್​, ಅಕ್ಷಯ್ ಕುಮಾರ್ ನಟಿಸಿರೋ ಹೌಸ್​ಫುಲ್​ 4 ಸಿನಿಮಾ ಇನ್ನೇನು ಬಿಡುಗಡೆಗೆ ರೆಡಿಯಾಗಿದೆ. ಈ ಸಿನಿಮಾದ ಹಾಡಿನಲ್ಲಿ ಅಕ್ಷಯ್ ಕುಮಾರ್, ನಟಿ ಪೂಜಾ ಹೆಗ್ಡೆ ಕಾಲಿಗೆ ಬಿದ್ದು ಮುತ್ತಿಕ್ಕುವ ದೃಶ್ಯ ಸದ್ಯ ಇಂಟರ್​ನೆಟ್​ ಸೆನ್ಷೇಷನಲ್​ ಆಗಿ ವೈರಲ್ ಆಗಿದೆ.

ಸಿನಿಮಾಗಾಗಿ ಈ ರೀತಿ ಅಕ್ಷಯ್ ಕುಮಾರ್ ಮಾಡಬಾರದಿತ್ತು. ಅಕ್ಷಯ್ ಕುಮಾರ್ ಅಂತಹ ನಟನ ಕೈಯಲ್ಲಿ ಈ ರೀತಿ ಕೀಳು ಮಟ್ಟದ ದೃಶ್ಯದಲ್ಲಿ ನಟಿಸುವಂತೆ ಮಾಡಿರೋದು ತಪ್ಪು ಎಂದು ನೆಟ್ಟಿಗರು ಆಕ್ರೋಶವನ್ನ ಹೊರಹಾಕಿದ್ದಾರೆ. ಹೌಸ್​ಫುಲ್​ ನಿರ್ದೇಶಕ ಹಾಗೂ ನಿರ್ಮಾಪಕರ ವಿರುದ್ಧ ನೆಟ್ಟಿಗರು ಕೆಂಡಕಾರಿದ್ದು, ಸಿಕ್ಕಾಪಟ್ಟೆ ಟ್ರೋಲ್ ಮಾಡ್ತಿದ್ದಾರೆ.