ರಾಜ್ಯದ ಪಾಲಿಗೆ ಕರಾಳ ಶುಕ್ರವಾರ : ಸತತ ಎರಡನೇ ದಿನವೂ ಐದು ಸಾವಿರ ಸೋಂಕಿತರು -ಸಾವಿನಲ್ಲಿ ಶತಕ ಬಾರಿಸಿದ ಕೊರೊನಾ- ಬೆಂಗಳೂರಿನಲ್ಲಿ 50 ಬಲಿ

ರೈಸಿಂಗ್ ಕನ್ನಡ :

ಬೆಂಗಳೂರು :

ರಾಜ್ಯದಲ್ಲಿ ಹೆಮ್ಮಾರಿ ಕೊರೊನಾ ಅಟ್ಟಹಾಸ ಮೆರೆದಿದ್ದು ರಾಜ್ಯದ ಪಾಲಿಗೆ ಕರಾಳ ಶುಕ್ರವಾರವಾಗಿದೆ. ಕೊರೊನಾ ಆರ್ಭಟಕ್ಕೆ ಇಂದು 5007 ಮಂದಿ ಸೋಂಕಿತರಾಗಿದ್ದು ಸತತ ಎರಡನೆ ದಿನ ಐದು ಸಾವಿರ ಪಸ್ಲ್​ ಆಗಿದೆ. 

ಆರೋಗ್ಯ ಇಲಾಖೆ ಬಿಡುಗಡೆ ಮಾಡಿರುವ ವರದಿಯಲ್ಲಿ ಶುಕ್ರವಾರ ರಾಜ್ಯದಲ್ಲಿ ಒಟ್ಟು 5007 ಮಂದಿ ಸೋಂಕಿಗೆ ಗುರಿಯಾಗಿದ್ದಾರೆ.  ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 85,870ಕ್ಕೆ ಏರಿಕೆಯಾಗಿದೆ. ಸಾವಿನಲ್ಲಿ ಕೊರೊನಾ ಶತಕ ಬಾರಿಸಿದೆ.

ಶುಕ್ರವಾರ ರಾಜ್ಯದ್ಯಾಂತ 110 ಮಂದಿ ಬಲಿಯಾಗಿದ್ದು ಆತಂಕ ಸೃಷ್ಟಿಸಿದೆ. ಇದೊರೊಂದಿಗೆ ಕೋವಿಡ್​ 19ಗೆ ಇದುವರೆಗೂ 1,724 ಮಂದಿ ಬಲಿಯಾಗಿದ್ದಾರೆ. ರಾಜ್ಯದಲ್ಲಿ 52,791 ಸಕ್ರಿಯ ಪ್ರಕರಣಗಳಿವೆ. ಇದರಲ್ಲಿ ಶುಕ್ರವಾರ 2,037 ಮಂದಿ ಬಿಡುಗಡೆಯಾಗಿದ್ದಾರೆ.  ಇದುವರೆಗೂ 31,347 ಮಂದಿ ಬಿಡುಗಡೆಯಾಗಿದ್ದಾರೆ.

ರಾಜಧಾನಿಯಲ್ಲಿ ಅರ್ಧ ಶತಕ ಬಾರಿಸಿದ ಕೊರೊನಾ

ಇನ್ನು ರಾಜಧಾನಿ ಬೆಂಗಳೂರಿನಲ್ಲಿ 2,267 ಮಂದಿಗೆ ಸೋಂಕು ತಗುಲಿದೆ. ಇದರೊಂದಿಗೆ ಸೋಂಕಿತರ ಸಂಖ್ಯೆ  41,467 ಏರಿಕೆಯಾಗಿದೆ. 50 ಮಂದಿಯನ್ನ ಬಲಿ ಪಡೆಯುವ ಮೂಲಕ ಅರ್ಧ ಶತಕ ಬಾರಿಸಿದೆ. ಬೆಂಗಳೂರಿನಲ್ಲಿ ಇದುವರೆಗೂ 833 ಮಂದಿ ಬಲಿಯಾಗಿದ್ದಾರೆ.

ರಾಜಧಾನಿಯಲ್ಲಿ 30,561 ಸಕ್ರಿಯ ಪ್ರಕರಣಗಳಿದ್ದು ಶುಕ್ರವಾರ 746 ಮಂದಿ ಬಿಡುಗಡೆಯಾಗಿದ್ದಾರೆ.