ಸುರೇಶ್ ಅಂಗಡಿ ಹಿರಿಯ ಅಣ್ಣನಂತೆ ಮಾರ್ಗದರ್ಶಕರಾಗಿದ್ದರು: ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್​

ರೈಸಿಂಗ್​ ಕನ್ನಡ: 

ನ್ಯೂಸ್​ ಡೆಸ್ಕ್​:

ಸುರೇಶ್​ ಅಂಗಡಿ ಅವರ ಕುಟುಂಬದ ಜೊತೆ ಇಡೀ ಕುಟುಂಬ ನಿಲ್ಲಲ್ಲಿದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್​ ಕುಮಾರ್​ ಕಟೀಲ್​ ಹೇಳಿದ್ದಾರೆ.

ಇತ್ತಿಚೆಗೆ ಕೊರೊನಾಗೆ ಬಲಿಯಾದ ಕೇಂದ್ರ ರೈಲ್ವೆ ಖಾತೆ ರಾಜ್ಯ ಸಚಿವ ಸುರೇಶ್​ ಅಂಗಡಿ ಅವರ ಬೆಳಗಾವಿ ನಿವಾಸಕ್ಕೆ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್​ ಕುಮಾರ್​ ಕಟೀಲ್ ಭೇಟಿ ನೀಡಿ ಅವರ ಕುಟುಂಬಕ್ಕೆ ಸಾಂತ್ವಾನ ಹೇಳಿದರು.

ಭೇಟಿ ನಂತರ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಸುರೇಶ್​ ಅಂಗಡಿ ಹಿರಿಯ ಅಣ್ಣನಂತಿದ್ದು ಮಾರ್ಗದರ್ಶಕರಾಗಿದ್ದರು.

ಕರ್ನಾಟಕ- ಮುಂಬೈ ಭಾಗದಲ್ಲಿ ಪ್ರಭಾವಶಾಲಿ ನಾಯಕರಾಗಿದ್ದರು. ಈ ಭಾಗದಲ್ಲಿ ಪಕ್ಷವನ್ನ ಕಟ್ಟಿ ಬೆಳೆಸಿದರು. ಪಕ್ಷ ನಿಷ್ಠೆ, ಸಿದ್ದಂತಾವನ್ನ ಪಾಲಿಸುವ ರೀತಿ ಅವರನ್ನ ನೋಡಿ ಕಲಿಯಬೇಕು.

ಕೇಂದ್ರ ಸಚಿವರಾದ ಮೇಲೆ ರಾಜ್ಯಕ್ಕೆ ಅತಿ ಹೆಚ್ಚು ಅನುದಾನವನ್ನ ತಂದುಕೊಟ್ಟರು. ಈ ಹಿಂದಿನ ಹತ್ತಾರು ಸಚಿವರು ಮಾಡಿದಕ್ಕಿಂತ ಹೆಚ್ಚಿನ ಕೆಲಸವನ್ನ ಮಾಡಿದ್ದಾರೆ ಎಂದು  ನಿಳಿನ್​ ಶ್ಲಾಘಿಸಿದರು.

ಬೆಳಗಾವಿ -ಯಶವಂತಪುರ ರೈಲಿಗೆ ಅವರ ಹೆಸರು ಇಡುವ ಬಗ್ಗೆ ಸರ್ಕಾರದ ಮುಂದೆ ಇದೆ ಅದನ್ನ ಪರಿಶೀಲಿಸುತ್ತೇವೆ ಎಂದರು.