BIG EXCLUSIVE : ರಿಲೀಫ್​ ಸಿಕ್ಕಿದ್ದು ಬಿಜೆಪಿಗೆ..! ಅನರ್ಹ ಶಾಸಕರಿಗೆ ಮಂತ್ರಿ ಭಾಗ್ಯವಿಲ್ಲ, ಅಲೆದಾಟ ತಪ್ಪಲ್ಲ..!

ರೈಸಿಂಗ್ ಕನ್ನಡ : ಸುಪ್ರೀಂಕೋರ್ಟ್​​ ಏನೋ ಕರ್ನಾಟಕ ಉಪ ಚುನಾವಣೆಗೆ ತಡೆ ನೀಡಿದೆ. ಇದರಿಂದ ಸದ್ಯಕ್ಕೆ ಅನರ್ಹ ಶಾಸಕರು ಖುಷಿಯಾಗಿದ್ದಾರೆ. ಅತ್ತ ಕಾಂಗ್ರೆಸ್ ನಾಯಕರು ಮುಂದೇನು, ಅಭ್ಯರ್ಥಿಗಳ ಆಯ್ಕೆ ಕಸರತ್ತಿನಲ್ಲಿದ್ದಾರೆ. ಈ ನಡುವೆ, ಸುಪ್ರೀಂಕೋರ್ಟ್​​ನ ಆದೇಶದಿಂದ ಫುಲ್​ ರಿಲೀಫ್​ ಸಿಕ್ಕಿದ್ದು ಮಾತ್ರ ಬಿಜೆಪಿ ಹಾಗೂ ಸಿಎಂ ಯಡಿಯೂರಪ್ಪಗೆ. ಈ ಮೂಲಕ ಒಂದೇ ಏಟಿಗೆ ಎರಡು ಹಕ್ಕಿ ಹೊಡೆದಂತೆ, ಬಿಜೆಪಿ ನಿಟ್ಟುಸಿರು ಬಿಟ್ಟಿದೆ.

ಯೆಸ್​​, ಒಂದ್ವೇಳೆ ಎಲೆಕ್ಷನ್​ ನಡೆದಿದ್ರೆ, ಈಗಾಗಲೇ ಬಿಜೆಪಿ ಬಂಡಾಯದ ಬೇಗುದಿಯಲ್ಲಿ ಬೇಯುತ್ತಿದೆ. ಅನರ್ಹ ಶಾಸಕರಿಗೆ ಟಿಕೆಟ್​ ನೀಡಬೇಕಾದ ಅನಿವಾರ್ಯದ ಜೊತೆ ಬಂಡಾಯ, ಬಿಜೆಪಿ ಕಾರ್ಯಕರ್ತರು, ನಾಯಕರ ಅಸಮಾಧಾನ ಎದುರಿಸಬೇಕಾಗಿತ್ತು. ಈಗಾಗಲೇ ಅದರ ಅನುಭವ ಬಿಜೆಪಿ ನಾಯಕರಿಗೆ ಆಗಿದೆ. ಸದ್ಯ ಎಲೆಕ್ಷನ್​ ರದ್ದಾಗಿರೋದ್ರಿಂದ, ಬಂಡಾಯ ಶಮನ ಆದಂತೆ ಆಗಿದೆ. ಅಲ್ಲದೆ, ಎಲ್ಲೆಲ್ಲಿ ಬಂಡಾಯ ಆಗಿತ್ತು.. ಮುಂದೇನು ಮಾಡಬೇಕು..? ಬಂಡಾಯ ಶಮನಕ್ಕೆ ಯಾವೆಲ್ಲಾ ಕ್ರಮ ಅನುಸರಿಸಬೇಕು ಅನ್ನೋದಕ್ಕೆ ಬಿಜೆಪಿಗೆ ಸಮಯಾವಕಾಶ ಸಿಕ್ಕಿದೆ. ಈ ನಿಟ್ಟಿನಲ್ಲಿ ಬಿಜೆಪಿ ಗೆದ್ದಂತೆ.

ಒಂದೆಡೆ ಬಂಡಾಯದಿಂದ ಗೆದ್ರೆ, ಮತ್ತೊಂದೆಡೆ ಸಚಿವ ಸಂಪುಟ ವಿಸ್ತರಣೆಗೆ ಟೈಮ್​ ಸಿಕ್ಕಿದೆ. ಅನರ್ಹ ಶಾಸಕರಿಗೆ ಸದ್ಯಕ್ಕೆ ಮಂತ್ರಿಗಿರಿ ಕೊಡಲ್ಲ. ಅಲ್ಲಿಗೆ ಸಂಪುಟ ವಿಸ್ತರಣೆಯೂ ನಡೆಯಲ್ಲಿ. ಬಿಜೆಪಿಯಲ್ಲಿ ಸಂಪುಟ ವಿಸ್ತರಣೆಗೆ ಕಾಯ್ತಿದ್ದ ನಾಯಕರೂ ಸುಮ್ಮನಿರಬೇಕು. ಹೀಗಾಗಿ, ಸಂಪುಟ ವಿಸ್ತರಣೆಯಂದ ಆಗಬಹುದಾದ ಅಸಮಾಧಾನದಿಂದಲೂ ಬಿಜೆಪಿ ಪಾರಾಗಿದ್ದು, ಯಡಿಯೂರಪ್ಪ ಸರ್ಕಾರ ಸೇಫ್​ ಆಗಿದೆ.

ಒಟ್ನಲ್ಲಿ, ಯಾರದ್ದೋ ಹೆಸರಲ್ಲಿ ಬಿಜೆಪಿ ಹಾಗೂ ಯಡಿಯೂರಪ್ಪಗೆ ಬಿಗ್​ ರಿಲೀಫ್​ ಸಿಕ್ಕಿದೆ ಅಂದ್ರೆ ತಪ್ಪಲ್ಲ.