ATMಗೆ ತುಂಬಿಸಬೇಕಿದ್ದ 99 ಲಕ್ಷ ರೂಪಾಯಿ ಜೊತೆ ಪರಾರಿ ಆಗಿದ್ದ ಚಾಲಕ ಪವನ್ ಬಂಧನ..!

ಬೆಂಗಳೂರು : ಎಟಿಎಂಗೆ ತುಂಬಿಸಬೇಕಿದ್ದ ಬರೋಬ್ಬರಿ 99 ಲಕ್ಷ ರೂಪಾಯಿ ಜೊತೆ ಪರಾರಿಯಾಗಿದ್ದ ಕಸ್ಟೋಡಿಯನ್​ ವಾಹನದ ಚಾಲಕ ಕೊನೆಗೂ ಸಿಕ್ಕಿಬಿದ್ದಿದ್ದಾನೆ. ಕಸ್ಟೋಡಿಯನ್ ವಾಹನದ ಚಾಲಕ ಪವನ್​, ಬಂಧಿತ ಆರೋಪಿ. ಬೆಂಗಳೂರಿನ ಬಾಣಸವಾಡಿ ಪೊಲೀಸರು ಆರೋಪಿ ಪವನ್​ನನ್ನ ಬಂಧಿಸಿದ್ದಾರೆ.

ಶನಿವಾರವಷ್ಟೇ ಐಸಿಐಸಿಐ ಬ್ಯಾಂಕ್​​ನ ಎಟಿಎಂಗೆ ಹಣ ತುಂಬಿಸಬೇಕಿತ್ತು. ಹಣ ತುಂಬಿಸಲು ಎಟಿಎಂ ಬಳಿ ವಾಹನ ನಿಲ್ಲಿಸಿದ್ರು. ಈ ವೇಳೆ ವಾಹನದಲ್ಲಿದ್ದ ಇತರೆ ನಾಲ್ವರು ಕೆಳಗೆ ಇಳಿಯುತ್ತಿದ್ದಂತೆ, ವಾಹನ ಚಾಲಕ ಪವನ್​ ಅಲ್ಲಿಂದ ಹಣದ ಸಮೇತ ವಾಹನದಲ್ಲಿ ಎಸ್ಕೇಪ್​ ಆಗಿದ್ದ. ದೂರು ದಾಖಲಿಸಿಕೊಂಡ ಪೊಲೀಸರು, ಪವನ್​ ಜೊತೆಯಲ್ಲಿದ್ದ ನಾಲ್ವರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದ್ರು.

ಕೊನೆಗೆ ಆರೋಪಿ ಬೆನ್ನತ್ತಿದ ಬಾಣಸವಾಡಿ ಪೊಲೀಸರು, ಆರೋಪಿ ವಾಹನ ಚಾಲಕ ಪವನ್​ನನ್ನ ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಆದ್ರೆ, ಹಣ ಹಾಗೂ ಇತರೆ ಮಾಹಿತಿ ಇನ್ನಷ್ಟೇ ಹೊರಬೀಳಬೇಕಿದೆ.