Featured
ಸೀಸನ್ 13ರ ಐಪಿಎಲ್ಗೂ ಮುನ್ನ ಭಾರತ-ದ.ಆಫ್ರಿಕಾ ಸರಣಿ ? ಬಿಸಿಸಿಐಗೆ ಮತ್ತೊಂದು ಚಾಲೆಂಜ್ !
ರೈಸಿಂಗ್ ಕನ್ನಡ :
ನ್ಯೂಸ್ ಡೆಸ್ಕ್ :
ಸೀಸನ್ 13ರ ಐಪಿಎಲ್ ನಡೆಯುವ ಮುನ್ನ ಟೀಮ್ ಇಂಡಿಯಾ ದಕ್ಷಿಣ ಆಫ್ರಿಕಾ ವಿರುದ್ದ ಸರಣಿ ಆಡುವ ಸಾಧ್ಯತೆ ದಟ್ಟವಾಗಿದೆ. ಟಿ20 ವಿಶ್ವಕಪ್ ಮುಂದೂಡುತ್ತಿದ್ದಂತೆ ಐಪಿಎಲ್ ಚಟುವಟಿಕೆಗಳು ಗರಿಗೆದರಿದವು. ಸೆಪ್ಟೆಂಬರ್ 26ರಿಂದ ನವೆಂಬರ್ವರೆಗೆ ಯುಎಇಯಲ್ಲಿ ಪೂರ್ಣಪ್ರಮಾಣದ ಐಪಿಎಲ್ ಟೂರ್ನಿ ನಡೆಸಲು ಬಿಸಿಸಿಐ ಪ್ಲ್ಯಾನ್ ಮಾಡಿದೆ. ಈ ನಡುವೆ ಐಪಿಎಲ್ಗೂ ಮುನ್ನ ದಕ್ಷಿಣ ಆಫ್ರಿಕಾ ವಿರುದ್ಧ ಟಿ20 ಸರಣಿ ನಡೆಸುವ ಒತ್ತಡದಲ್ಲಿ ಬಿಸಿಸಿಐ ಸಿಲುಕಿಕೊಂಡಿದೆ. 
ಕೊರೊನಾದಿಂದಾಗಿ ಬಿಸಿಸಿಐ ಅಂತಾರಾಷ್ಟ್ರೀಯ ಟೂರ್ನಿಗಳನ್ನ ರದ್ದು ಮಾಡಿದೆ. ಇದರಲ್ಲಿ ಕಳೆದ ಮಾರ್ಚ್ನಲ್ಲಿ ತವರಿನಲ್ಲಿ ನಡೆಯಬೇಕಿದ್ದ ಭಾರತ- ದಕ್ಷಿಣ ಆಫ್ರಿಕಾ ಟಿ20 ಸರಣಿ ಕೂಡ ಒಂದು. ಇದೀಗ ಹೂಡಿಕೆದಾರರು ಸೆಪ್ಟೆಂಬರ್ 26ರ ಐಪಿಎಲ್ಗೂ ಮುನ್ನ ಭಾರತ- ದಕ್ಷಿಣ ಆಫ್ರಿಕಾ ಟಿ20 ಸರಣಿ ಆಯೋಜಿಸುವಂತೆ ಒತ್ತಡ ಹಾಕುತ್ತಿದ್ದಾರೆ ಎಂದು ತಿಳಿದು ಬಂದಿದೆ. 
ಒಟ್ಟಾರೆ ಶ್ರೀಮಂತ ಕ್ರಿಕೆಟ್ ಮಂಡಳಿ ಬಿಸಿಸಿಐ ಈ ಸವಾಲನ್ನ ಹೇಗೆ ಸ್ವೀಕರಿಸುತ್ತೆ ಅನ್ನೋದನ್ನ ಕಾದು ನೊಡಬೇಕಿದೆ.
