ವರಮಹಾಲಕ್ಷ್ಮಿಗಿಲ್ಲ ಕೊರೊನಾ ಭಯ – ಮಾರುಕಟ್ಟೆಗಳಲ್ಲಿ ಜನವೋ ಜನ..!

ರೈಸಿಂಗ್ ಕನ್ನಡ :

ಬೆಂಗಳೂರು :

ಕೊರೊನಾಕ್ಕೆ ಜನರು ಹೆದರಿದ್ದಾರೋ. ಇಲ್ಲ ಜನರಿಗೆ ಕೊರೊನಾ ಹೆದರಿದ್ಯೋ ಗೊತ್ತಿಲ್ಲ. ಯಾಕಂದ್ರೆ ರಾಜ್ಯದ ಜಿಲ್ಲಾ ಕೇಂದ್ರಗಳ ಸ್ಥಿತಿ ಹೀಗೆ ಆಗಿ ಹೋಗಿದೆ. ಅದ್ರಲ್ಲೂ ಬೆಂಗಳೂರಿನಲ್ಲಂತೂ ಜನ ಯಾವುದಕ್ಕೂ ತಲೆಕೆಡಿಸಿಕೊಂಡಿಲ್ಲ. ವರಮಹಾಲಕ್ಷ್ಮೀ ಹಬ್ಬಕ್ಕೆ ಭರ್ಜರಿ ಸಿದ್ಧತೆ ನಡೆಸಿದ್ದಾರೆ. ಹಬ್ಬದ ಹಿನ್ನಲೆಯಲ್ಲಿ ಎಲ್ಲಾ ಮಾರುಕಟ್ಟೆಗಳಲ್ಲೂ ಜನಜಂಗುಳಿ ಇದೆ. ಮಲ್ಲೇಶ್ವರದಲ್ಲೂ ವ್ಯಾಪರ ವಹಿವಾಟ ಜೋರಾಗಿ ಸಾಗಿದೆ.

ಇಷ್ಟು ದಿನ ವ್ಯಾಪಾರವಿಲ್ಲದೇ ಚಿಂತಿಸುತ್ತಿದ್ದ ವ್ಯಾಪಾರಿಗಳ ಮುಖದಲ್ಲಿ ಮಂದಹಾಸ
ಮೂಡಿದೆ. ಒಂದು ಮಾರು ಹೂವಿನ‌ ಬೆಲೆ 200 ರೂಪಾಯಿ ಆಗಿ ಹೋಗಿದೆ. ಹೂವು , ಹಣ್ಣು, ಮಾವಿನ ಎಲೆ‌. ಬಾಳೇ ಕಂಬದ ಬೆಲೆಗಳಲ್ಲಿ ಏರಿಕೆಯಾಗಿದೆ.

ಲಕ್ಷ್ಮೀ ಅಲಂಕಾರಕ್ಕೆ ಬೇಕಾದ ವಸ್ತುಗಳಿಗೆ ಭಾರಿ ಡಿಮ್ಯಾಂಡ್ ಬಂದಿದೆ. ಬುಧವಾರದಿಂದಲೇ ಗ್ರಾಹಕರು ಮಾರುಕಟ್ಟೆಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಗುರುವಾರ ಸಂಜೆ ವೇಳೆಗೆ ವಸ್ತುಗಳ ಬೆಲೆಯಲ್ಲಿ ಇನ್ನೂ ಏರಿಕೆಯಾಗೋ ಸಾಧ್ಯತೆ ಇದೆ.

ಕೆಲವು ಕಡೆಯಂತೂ ಕೊರೊನಾ ಭೀತಿಯಿಂದಾಗಿ, ಕಡಿಮೆ ವಸ್ತುಗಳನ್ನ ಮಾರಾಟಕ್ಕೆ ತಂದಿದ್ದ ಜನರು, ಬೇಗ ಬೇಗ ವ್ಯಾಪರ ಮುಗಿಸಿ ತಮ್ಮ ತಮ್ಮ ಊರುಗಳಿಗೆ ಹೊರಟಿದ್ದಾರೆ.