ಪಿಕ್​​ಅಪ್​ ಅಂಡ್​ ಡ್ರಾಪ್​ ನೆಪದಲ್ಲಿ ಪ್ರಯಾಣಿಕರ ರಾಬರಿ : ಬೆಂಗಳೂರಿನಲ್ಲಿ ನಾಲ್ವರ ಬಂಧನ

ಬೆಂಗಳೂರಿನಲ್ಲಿ ಪಿಕ್​ಅಪ್​ ಅಂಡ್​ ಡ್ರಾಪ್​ ಮಾಡುವ ನೆಪದಲ್ಲಿ ಪ್ರಯಾಣಿಕ ರಾಬರಿ ಮಾಡ್ತಿದ್ದ ನಾಲ್ವರನ್ನು ಪೊಲೀಸರು ಬಂಧಿಸಿದ್ದಾರೆ. ಓರ್ವ ಬಾಲಾಪರಾಧಿ ಸೇರಿದಂತೆ ನಾಲ್ವರುನ್ನು ಆರ್​ಆರ್​ ನಗರ ಪೊಲೀಸರು ಬಂಧಿಸಿ, ನ್ಯಾಯಾಲಯಕ್ಕೆ ಹಾಜರು ಪಡಿಸಿದ್ದಾರೆ. ಸಂದೀಪ್, ಅನುಕುಮಾರ್, ಮನುಕುಮಾರ್ ಹಾಗೂ ಮತ್ತೊಬ್ಬ ಬಾಲಾಪರಾಧಿ ಬಂಧಿತರು.

ಆರೋಪಿಗಳು ನಾಗರಬಾವಿಯ ಗಂಗಾಧರಯ್ಯ ಎಂಬುವವರನ್ನು ನವಂಬರ್ 4ರಂದು ತಮ್ಮ ಟಿಟಿ ವಾಹನ ಹತ್ತಿಸಿಕೊಂಡಿದ್ದರು. ಗೊರಗುಂಟೆಪಾಳ್ಯಾದಿಂದ ನಾಗರಬಾವಿ ಕಡೆಗೆ ಹೋಗುವುದಾಗಿ ಹತ್ತಿಸಿಕೊಂಡ್ರು. ಬಳಿಕ ಲಾಂಗು ಮಚ್ಚು ತೋರಿಸಿ, ಗಂಗಾಧರಯ್ಯ ಬಳಿ ಇದ್ದ ಚಿನ್ನಾಭರಣ, ಎಟಿಎಂ ಕಾರ್ಡ್ ದೊಚಿ ಪರಾರಿಯಾಗಿದ್ರು.

ಈ ಬಗ್ಗೆ ಆರ್​​ಆರ್ ನಗರ ಪೊಲೀಸ್ ಠಾಣೆಯಲ್ಲಿ ಗಂಗಾಧರಯ್ಯ ಪ್ರಕರಣ ದಾಖಲಿಸಿದ್ರು. ವಿಚಾರಣೆ ನಡೆಸಿದ ಪೊಲೀಸರು, ನಾಲ್ವರನ್ನ ಬಂಧಿಸಿ ಮತ್ತಷ್ಟು ಆರೋಪಿಗಳಿಗಾಗಿ ಬಲೆ ಬೀಸಿದ್ದಾರೆ.