ಟೇಸ್ಟಿ ಟೇಸ್ಟಿ ಪುದೀನಾ ಚಟ್ನಿ- ಕೊರೊನಾ ವಿರುದ್ಧ ಹೋರಾಡಲು ಸಿಗುತ್ತೆ ಶಕ್ತಿ-ಆಯುರ್ವೇದದಲ್ಲಿದೆ ಸುಲಭ ಮನೆ ಮದ್ದು..!

ಆರೋಗ್ಯವೇ ಭಾಗ್ಯ ಅನ್ನುವುದು ಹಿಂದಿನಿಂದ ಬಂದಿರುವ ವೇದವಾಕ್ಯ. ಕೊರೊನಾ ಕಾಲದಲ್ಲಂತೂ ಮನೆಮದ್ದುಗಳದ್ದೇ ಮಾತು. ಪುರಾಣಿಕ್ ಆಯುರ್ವೇದ ಚಿಕಿತ್ಸಾ ಕೇಂದ್ರ ಮತ್ತು ಅನುವಂಶೀಯ ವೈದ್ಯ ಪರಿಷತ್​​​ ಕೊರೊನಾ ಜೊತೆಗೆ ಹೋರಾಡಲು ಬೇಕಾಗುವ ರೋಗ ನಿರೋಧಕ ಶಕ್ತಿಗಳನ್ನು ಹೇಗೆ ಪಡೆದುಕೊಳ್ಳಬಹುದು ಎಂದು  ತಿಳಿಸಿಕೊಡುತ್ತಿದೆ. ಹೇರಳವಾಗಿ ವಿಟಮಿನ್​ಗಳು ಸಿಗುವ ಮತ್ತು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಬಲ್ಲ ಮನೆ ಮದ್ದನ್ನು ಸುಲಭವಾಗಿ ತಯಾರಿಸಿಕೊಳ್ಳುವ ವಿಧಾನಗಳನ್ನು ತಿಳಿಸಿಕೊಡುತ್ತಿದೆ.

ಬೇಕಾಗುವ ಸಾಮಾಗ್ರಿಗಳು:

• ಪುದೀನ 1 ಕಟ್ಟು
• ಒಣಮೆಣಸಿನಕಾಯಿ 4ರಿಂದ 5
• 4-5 ಬೆಳ್ಳುಳ್ಳಿ
• ಬಿಳಿ ಈರುಳಿ
• ಹಸಿ ಶುಂಠಿ
• ಜೀರಿಗೆ
• ಹುಣಸೆ ಹಣ್ಣು
• ತುಪ್ಪ

ತಯಾರಿಸುವ ವಿಧಾನ

ಒಂದು ಕಟ್ಟು ಪುದೀನ ತೆಗೆದುಕೊಂಡು ಚೆನ್ನಾಗಿ ಕ್ಲೀನ್​ ಮಾಡಿಕೊಳ್ಳಬೇಕು. ಖಾರಕ್ಕೆ ಬೇಕಾದಷ್ಟು ಒಣಮೆಣಸಿನಕಾಯಿ ಹಾಕಿಕೊಳ್ಳಿ. ಇದರ ಜೊತೆಗೆ 4-5 ಬೆಳ್ಳುಳ್ಳಿ, ಬಿಳಿ ಈರುಳ್ಳಿ, ಹಸಿಶುಂಠಿ ಮತ್ತು ಜೀರಿಗೆ ಸೇರಿಸಿಕೊಂಡು ತುಪ್ಪದಲ್ಲಿ ಫ್ರೈ ಮಾಡಿಕೊಳ್ಳಿ. ಫ್ರೈ ಮಾಡಿಕೊಂಡ ವಸ್ತುಗಳಿಗೆ ರುಚಿಗೆ ತಕ್ಕಷ್ಟು ಹುಣಸೆ ಹಣ್ಣು ಸೇರಿಸಿಕೊಂಡ ಮಿಕ್ಸಿಗೆ ಹಾಕಿ ರುಬ್ಬಿ. ಹೀಗೆ ತಯಾರಾದ ಚಟ್ನಿಯನ್ನು ಅನ್ನದ ಜೊತೆಗೆ ಅಥವಾ ಚಪಾತಿ ಜೊತೆಗೆ ಸೇರಿಸಿಕೊಂಡು ತಿನ್ನಬಹುದು.

ಏನು ಲಾಭ..?

ಪುದೀನಾ ಚಟ್ನಿಯಿಂದ ಏನು ಲಾಭ ಅನ್ನುವವರಿಗೆ ಉತ್ತರವೂ ಇಲ್ಲೇ ಇದೆ. ಕೊರೊನಾ ವಿರುದ್ಧ ಹೋರಾಟ ಮಾಡಬೇಕು ಅಂದ್ರೆ ದೇಹದಲ್ಲಿ ಹೇರಳವಾಗಿ ವಿಟಮಿನ್ಸ್​ ಮತ್ತು ರೋಗನಿರೋಧಕ ಶಕ್ತಿ ಇರಬೇಕು. ಪುದೀನಾ ವಿಟಮಿನ್​ C ಯನ್ನು ಒದಗಿಸಿಕೊಟ್ಟರೆ, ಹಸಿ ಶುಂಠಿಯಿಂದ ಗ್ಯಾಸ್ಟ್ರಿಕ್​ ಮತ್ತು ಇನ್​ಫೆಕ್ಷನ್​ಗಳು ದೂರವಾಗುತ್ತವೆ. ಜೀರಿಗೆ ವಾಯು ಮತ್ತು  ವಾತಕ್ಕೆ ಹೇಳಿ ಮಾಡಿಸಿದ ಮನೆಮದ್ದು. ಬಿಳಿ ಈರುಳ್ಳಿ ವಿಟಮಿನ್​ 12ನ್ನು ಒದಗಿಸಿಕೊಡುವ ಜೊತೆಗೆ ದೇಹದ ಉಷ್ಣತೆಯನ್ನು ಕಡಿಮೆ ಮಾಡಿ ನರ ದೌರ್ಬಲ್ಯವನ್ನು ದೂರ ಮಾಡುತ್ತದೆ. ಹಿಗಾಗಿ ಒಂದು ಪುದೀನಾ ಚಟ್ನಿಯಿಂದ ಹಲವು ಲಾಭಗಳಿವೆ.

ಎಲ್ಲರೂ ಸೇವಿಸಬಹುದೇ..?

ಪುದೀನಾದಿಂದ ಮಾಡಿದ ಚಟ್ನಿಯನ್ನು ಎಲ್ಲರೂ ತಿನ್ನಬಹುದು. ಶರೀರಕ್ಕೆ ಯಾವುದೇ ತೊಂದರೆ ಇಲ್ಲ. 60 ವರ್ಷಕ್ಕೂ ಮೇಲ್ಪಟ್ಟವರಿಗೆ ಇದು ತುಂಬಾ ಉಪಯೋಗಕಾರಿ. ಗ್ಯಾಸ್ಟ್ರಿಕ್​, ಜೀರ್ಣಕ್ರಿಯೆ ಸಮಸ್ಯೆಯನ್ನು ದೂರ ಮಾಡುತ್ತದೆ. ಕೊರೊನಾ ಓಡಿಸಲು ಬೇಕಾಗುವ ಶಕ್ತಿ ನೀಡಿ ಆರೋಗ್ಯಕರವಾಗಿ ಬದುಕಲು ಈ ಚಟ್ನಿ ರಾಮಬಾಣ.

ಆಯುರ್ವೇದದಲ್ಲಿ ಸಿಗುವ ಮದ್ದುಗಳನ್ನು ಕೆಳಗಿನ ನಂಬರ್​ಗೆ ಕರೆ ಮಾಡಿ ಪಡೆದುಕೊಳ್ಳಬಹುದು.