Featured
ಕೆಪಿಸಿಸಿ ಅಧ್ಯಕ್ಷರಿಗೆ ಶುಭ ಕೋರಿದ ಮುಖಂಡರು- ಅಭಿಮಾನಕ್ಕಾಗಿ ಬಿಸಿಲಿನಲ್ಲೆ ಕುಳಿತು ಪದಗ್ರಹಣ ವೀಕ್ಷಣೆ
ರೈಸಿಂಗ್ ಕನ್ನಡ:
ದುರ್ಗೇಶ್ ಮಂಗಿಹಾಳ, ಯಾದಗಿರಿ:
ಡಿ.ಕೆ ಶಿವಕುಮಾರ್ ಕೆಪಿಸಿಸಿ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಿದ್ರು. ಕರ್ನಾಟಕದ ಮೂಲೆ ಮೂಲೆಯಲ್ಲಿ ಡಿಕೆಶಿ ಪದಗ್ರಹಣ ಕಾರ್ಯಕ್ರಮದ ಲೈವ್ ವೀಕ್ಷಣೆಗೆ ವ್ಯವಸ್ಥೆ ಮಾಡಲಾಗಿತ್ತು. ಕನ್ನಡ ನಾಡಿನಾದ್ಯಂತ ಜನರು ಲೈವ್ ಕಾರ್ಯಕ್ರಮವನ್ನು ವೀಕ್ಷಿಸಿ ಶುಭಾಶಯಗಳು ಕೋರಿದರು. ಯಾದಗಿರಿ ನಗರದಲ್ಲಿ ಕೂಡ ಕಾಂಗ್ರೆಸ್ ಯುವ ಘಟಕದ ಜಿಲ್ಲಾ ಉಪಾಧ್ಯಕ್ಷ ಅವಿನಾಶ್ ಜಗನ್ನಾಥ ಕಾರ್ಯಕರ್ತರಿಗೆ, ಮುಖಂಡರಿಗಾಗಿ ಪದ ಗ್ರಹಣ ವೀಕ್ಷಣೆಗೆ ಲೈವ್ ವ್ಯವಸ್ಥೆ ಮಾಡಿದ್ದರು. ನಗರದ ವೀರಶೈವ ಕಲ್ಯಾಣ ಮಂಟಪದ ಸಮೀಪ ಕಮಲ ನೆಹರು ಪಾರ್ಕ್ನಲ್ಲಿ ಬೃಹತ್ ಡಿಜಿಟಲ್ LED ಸ್ಕ್ರೀನ್ ಅಳವಡಿಸಿ ಬೆಳಿಗ್ಗೆಯಿಂದ ಪ್ರತಿಜ್ಞಾ ಸ್ವೀಕಾರ ಕಾರ್ಯಕ್ರಮದ ಲೈವ್ಗೆ ವ್ಯವಸ್ಥೆ ಮಾಡಲಾಗಿತ್ತು. ಕಾರ್ಯಕ್ರಮದಲ್ಲಿ ನೂರಾರು ಮಹಿಳೆಯರು, ಪುರುಷರು, ಹಿರಿಯ ಮುಖಂಡರು ಕೂಡ ಭಾಗವಹಿಸಿದ್ರು. ಡಿ.ಕೆ ಶಿವಕುಮಾರ್ ಪ್ರತಿಜ್ಞಾ ಸ್ವೀಕಾರದ ನಂತರ ಜೈಕಾರ ಹಾಕಿ ನೂತನ ಕೆಪಿಸಿಸಿ ಅಧ್ಯಕ್ಷರಿಗೆ ಶುಭ ಹಾರೈಸಿದ್ರು. ಈ ವೇಳೆ ಶರುಣಗೌಡ ಮಾಲಿ ಪಾಟೀಲ್, ವಿಶ್ವನಾಥ ಠಾಣಗುಂದಿ, ವೆಂಕಟರೆಡ್ಡಿ ವನಿಕೇರಿ, ನಾಗರಾಜ್ ಜವಳಿಗಿ, ಇರ್ಫಾನ್ ಬದಾಲ್, ಶಿವುಗೌಡ ಪಗಲಾಪುರ ಸೇರಿದಂತೆ ಅನೇಕರು ಭಾಗವಹಿಸಿದ್ರು.
