ಬರೋಬ್ಬರಿ 129 ವರ್ಷಗಳ ಬಳಿಕ ದರ್ಶನ ಕೊಟ್ಟ ಅಪರೂಪದ ಕೀಲ್​ ಬ್ಯಾಕ್ ಹಾವು

ರೈಸಿಂಗ್​ ಕನ್ನಡ :

ವೆಬ್ ಡೆಸ್ಕ್ :

ಪ್ರಕೃತಿಯಲ್ಲಿ ನಡೆಯುವ ಅಚ್ಚರಿ ಅದು ವಿಸ್ಮಯಕಾರಿ. ಈ ವಿಸ್ಮಯಗಳೆಲ್ಲಾ ಮನುಷ್ಯನಿಗೆ ಯಕ್ಷ ಪ್ರಶ್ನೆಯಾಗಿಯೇ ಉಳಿಯತ್ತೆ. ದೂರದ ಅಸ್ಸಾಂ ಇಂಥ ಘಟನೆಗೆ ಸಾಕ್ಷಿಯಾಗಿದೆ. ಅಸ್ಸಾಂನಲ್ಲಿ ಅಪರೂಪದ ಹಾವೊಂದು ದರ್ಶನ ನೀಡಿದೆ. ಅದು ಬರೋಬ್ಬರಿ 129 ವರ್ಷಗಳ ಬಳಿಕ ಅನ್ನೋದೇ ಎಲ್ಲರ ಅಚ್ಚರಿಗೆ ಕಾರಣವಾಗಿರುವ ವಿಚಾರ. ಬ್ರೀಟಿಷರ ಕಾಲದಲ್ಲಿ ಕಾಣಿಸಿಕೊಂಡಿದ್ದ ಈ ಹಾವು ಇದೀಗ ದಿಢೀರಾಗಿ ಕಾಣಿಸಿಕೊಂಡು ಎಲ್ಲರನ್ನೂ ನಿಬ್ಬೆರೆಗಾಗಿಸಿದೆ.

ಅಷ್ಟಕ್ಕೂ ಈ ಹಾವಿನ ಹೆಸರು ಹರ್ಪೆಟೊರಿಯಸ್ ಪೀಲಿ ಅಸ್ಸಾಂ ಮತ್ತು ಅರುಣಾಚಲದಲ್ಲಿ ಇದರ ವಾಸಸ್ಥಾನ. ಈ ಹಾವನ್ನ ಈ ಪ್ರದೇಶದಲ್ಲಿ ಕಡೆಯ ಬಾರಿಗೆ ನೋಡಿದ್ದು ಬ್ರೀಟೀಶ್ ವ್ಯಕ್ತಿ ಸ್ಯಾಮ್ಯುಯೆಲ್ ಎಡ್ವರ್ಡ್. 1891ರಲ್ಲಿ ಈತ ಇಲ್ಲಿ ಟೀ ತೋಟದ ಮಾಲೀಕನಾಗಿದ್ದಾಗ ಈ ಅಪರೂಪದ ಶಿವಸಾಗರ್ ಜಿಲ್ಲೆಯಲ್ಲಿ ಒಂದೇ ಪ್ರಬೇಧದ ಎರಡು ಹಾವುಗಳನ್ನ ಕೊನೆಯ ಬಾರಿಗೆ ನೋಡಿದ್ದರು.ಇದರಲ್ಲಿ ಒಂದು ಹಾವನ್ನ ಕೋಲ್ಕತ್ತಾದ ಜಿಯಾಲಾಜಿಕಲ್ ಸರ್ವೆ ಆಫ್ ಇಂಡಿಯಾದಲ್ಲಿ ಇರಿಸಲಾಗಿದೆ. ಇನ್ನೊಂದು ಹಾವನ್ನ ಲಂಡನ್ನ ನ್ಯಾಚುರೆಲ್ ಹಿಸ್ಟರಿ ಮ್ಯೂಸಿಯಂಗೆ ತೆಗೆದುಕೊಂಡು ಹೋಗಲಾಗಿತ್ತು. ಈ ಹಾವುಗಳು ಮತ್ತೆ ಕಾಣಿಸದೇ ಇದ್ದಿದ್ದರಿಂದ ಅಳಿದು ಹೋದ ಸಂತತಿ ಎಂದು ಪರಿಗಣಿಸಲಾಗಿತ್ತು.

ಎರಡು ವರ್ಷಗಳ ಹಿಂದೆ ವೈಲ್ಡ್ಲೈಫ್ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ(ಡಬ್ಲ್ಯುಐಐ) ವಿಜ್ಱಆನಿ ತಂಡ ಇದೇ ಪ್ರಬೇಧದ ಹಾವುಗಳು ಇರುವುದನ್ನು ಪತ್ತೆ ಮಾಡಿ ಅಧ್ಯಯನ ನಡೆಸಿತ್ತು.
ಇಷ್ಟು ವರ್ಷಗಳವರೆಗೆ ಕಾಣಿಸದ ಈ ಹಾವುಗಳ ಬಗ್ಗೆ ಅಂತಾರಾಷ್ಟ್ರೀಯ ನಿಯತಕಾಲಿಕ ವರ್ಟೆಬ್ರೇಟ್ ಜಿಯಾಲೊಜಿ ಪ್ರಕಟಿಸಲಾಯಿತು.

129 ವರ್ಷಗಳಿಂದ ಈ ಪ್ರಬೇಧಗಳು ಕಾಣಿಸಿಕೊಂಡಿರಲಿಲ್ಲ. ಈ ಹಾವು ಅಳಿದು ಹೋಗಿದೆ ಎಂದು ಜನ ಭಾವಿಸಿದ್ದರು ಎಂದು ಡಬ್ಲ್ಯುಐಐ ವಿಜ್ಷಾನಿ ಅಭಿಜಿತ ದಾಸ್ ಬರೆದಿದ್ದರು.
ಈ ಹಾವಿನ ಗುರುತನ್ನು ದೃಢೀಕರಿಸಲು ಲಂಡನ್​ನ ನ್ಯಾಷನಲ್ ಹಿಸ್ಟರಿ ಮ್ಯೂಸಿಯಂ ಅನ್ನ ಸಂಪರ್ಕಿಸಲಾಗಿತ್ತು. ಅಲ್ಲಿ ಹೋಗಿ ಅಧ್ಯಯನ ನಡೆಸಿದ ನಂತರ ಅಸ್ಸಾಂನ ಕೀಲ್ಬ್ಯಾಕ್ ಎಂದು ನಿರ್ಧಾರಕ್ಕೆ ಬರಲಾಗಿದೆ.