ಕೊರೊನಾ ನಡುವೆ ಉಗ್ರರ ಕಾಟ – ಪುಲ್ವಾಮದಲ್ಲಿ ಉಗ್ರನ ಎನ್​ಕೌಂಟರ್:

ರೈಸಿಂಗ್ ಕನ್ನಡ :

ಪುಲ್ವಾಮ:

ಉಗ್ರರು ಅಡಗಿಕುಳಿತಿದ್ದ ಖಚಿತ ಮಾಹಿತಿ ಆಧಾರದ ಮೇಲೆ ದಾಳಿ ನಡೆಸಿದೆ ಭಾರತೀಯ ಸೇನೆ ಓರ್ವ ಉಗ್ರನನ್ನ ಎನ್​ಕೌಂಟರ್ ಮಾಡಿ ಹತ್ಯೆ ಮಾಡಿದೆ. ಕಾರ್ಯಾಚರಣೆಯಲ್ಲಿ ಓರ್ವ ಸೈನಿಕ ಸಾವನಪ್ಪಿದ್ದು ಇಬ್ಬರು ಸೈನಿಕರು ಗಾಯಗೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

ಪುಲ್ವಾಮ ಪ್ರದೇಶದ ಗೂಸು ಎಂಬ ಪ್ರದೇಶದಲ್ಲಿ ಉಗ್ರರು ಅಡಗಿ ಕುಳಿತಿರುವ ಖಚಿತ ಮಾಹಿತಿ ಪಡೆದು ಸೇನಾ ಪಡೆಗಳು ಉಗ್ರರಿರುವ ಸ್ಥಳವನ್ನ ಸುತ್ತುವರೆಯಿತು.

ಉಗ್ರರು ಸೇನಾ ಪಡೆಗಳ ಮೇಲೆ ದಾಳಿ ನಡೆಸಿದರು. ಮರು ದಾಳಿ ನಡೆಸಿದ ಸೇನಾ ಪಡೆ ಓರ್ವ ಉಗ್ರನನ್ನ ಎನ್​ಕೌಂಟರ್ ಮಾಡುವಲ್ಲಿ ಯಶಸ್ವಿಯಾಯಿತು. ಇನ್ನಷ್ಟು ಉಗ್ರರು ಅಡಗಿಕುಳಿತಿದ್ದು ಸೇನೆ ಕಾರ್ಯಾಚರಣೆಯನ್ನ ಮುಂದುವರೆಸಿದೆ ಎಂದು ತಿಳಿದು ಬಂದಿದೆ