ಡ್ರಗ್ಸ್ ಜಾಲದ ನಂಟು: ಮಂಗಳೂರು ಸಿಸಿಬಿ ಪೊಲೀಸ್​ರಿಂದ ನಿರೂಪಕಿ ಅನುಶ್ರಿಗೆ ನೋಟಿಸ್

ರೈಸಿಂಗ್​ ಕನ್ನಡ:

ಬೆಂಗಳೂರು: 

ಡ್ರಗ್ಸ್​ ಜಾಲದ ನಂಟು ಸಂಬಂಧ ಖ್ಯಾತ ನಿರೂಪಕಿ ಮತ್ತು ನಟಿ ಅನುಶ್ರಿಗೆ ಮಂಗಳೂರು ಸಿಸಿಬಿ ಪೊಲೀಸರು ನೋಟಿಸ್ ಜಾರಿ ಮಾಡಿದ್ದಾರೆ.

ಡ್ರಗ್ಸ್​ ಜಾಲ ಪ್ರಕರಣದ ತನಿಖೆ ದಿನಕ್ಕೊಂದು ತಿರುವು ಪಡೆಯುತ್ತಿದ್ದ ಸ್ಯಾಂಡಲ್​ವುಡ್​ನ ನಟ, ನಟಿಯರ ದೊಡ್ಡ ಜಾಲವೇ ಇರುವ ಶಂಕೆ ಇದೆ. ಇದೀಗ ಮಂಗಳೂರು ಮೂಲದ ಖ್ಯಾತ ನಿರೂಪಕಿ ಹಾಗೂ ನಟಿ ಅನುಶ್ರಿ ನಶೆ ಜಾಲದಲ್ಲಿ ಸಿಲುಕಿದ್ದಾರೆ ಎನ್ನುವ ಗಂಭೀರ ಆರೋಪ ಕೇಳಿ ಬಂದಿದೆ.

ಡ್ರಗ್ಸ್ ನಂಟು ಸಂಬಂಧ ಡ್ಯಾನ್ಸರ್​ ಕಿಶೋರ್​ ಶೆಟ್ಟಿಯನ್ನ ಇತ್ತಿಚೆಗೆ ಮಂಗಳೂರಿನ ಸಿಸಿಬಿ ಪೊಲೀಸರು ಬಂಧಿಸಿದ್ದರು. ವಿಚಾರಣೆ ವೇಳೆ ಕಿಶೋರ್​ ಶೆಟ್ಟಿ ಅನುಶ್ರೀ ಹೆಸರನ್ನ ಹೇಳಿರುವ ಸಾಧ್ಯತೆ ಇದೆ  ಎಂದು ಹೇಳಲಾಗುತ್ತಿದೆ.

ಈ ಹಿನ್ನಲೆಯಲ್ಲಿ ಮಂಗಳೂರು ಸಿಸಿಬಿ ಪೊಲೀಸರು  ನಿರೂಪಕಿ ಅನುಶ್ರಿಗೆ ನೋಟೀಸ್​ ನೀಡಿದ್ದಾರೆ ಎನ್ನಲಾಗುತ್ತಿದೆ. ಅನುಶ್ರಿಗೆ ಬಂಧಿತರಾದ ಕಿಶೋರ್​ ಮತ್ತು ತರುಣ್ ಸ್ನೇಹಿತರಾಗಿದ್ದು ಅವರೊಂದಿಗೆ ಪಾರ್ಟಿ ಮಾಡಿದ್ದರು ಎಂದು ತಿಳಿದು ಬಂದಿದೆ.

ಮಂಗಳೂರಿನ ನಾಲ್ಕೈದು ಸಿಸಿಬಿ ಪೊಲೀಸರ ತಂಡ ಅನುಶ್ರಿಅವರನ್ನ ಬೆಂಗಳೂರಿನ ನಿವಾಸದಲ್ಲಿ ಹುಡುಕಾಟ ನಡೆಸಿದೆ. ಅನುಶ್ರಿ ಪತ್ತೆಯಾಗದ ಹಿನ್ನಲೆಯಲ್ಲಿ ಅನುಶ್ರಿ ಕಚೇರಿಯನ್ನ ಹುಡುಕಾಟ ನಡೆಸಿದ್ದಾರೆ.

ನೋಟೀಸ್ ವಿಚಾರ ಸಂಬಂಧ ಅನುಶ್ರಿ ನನಗೆ ಯಾವ ನೋಟೀಸ್ ಬಂದಿಲ್ಲ ಎಂದು ತಿಳಿಸಿದ್ದಾರೆ.